UPI Transactions in November: नोव्हेंबरमध्ये युपीआयचा नवा विक्रम; झाले 17.40 लाख कोटी रुपयांचे व्यवहार

भारतातील डिजीटल पेमेंट दर महिन्याला नवीन उंची गाठत आहे. युनिफाइड पेमेंट्स इंटरफेस (UPI) ने नोव्हेंबरमध्ये विक्रमी उच्चांक गाठला. नॅशनल पेमेंट कॉर्पोरेशन ऑफ इंडिया (NPCI) च्या ताज्या आकडेवारीनुसार, नोव्हेंबर महिन्यात 17.40 लाख कोटी रुपयांचे विक्रमी व्यवहार झाले. ऑक्टोबर महिन्यात यूपीआयच्या माध्यमातून 17.16 लाख कोटी रुपयांचे व्यवहार झाले. या संदर्भात, ऑक्टोबरच्या तुलनेत नोव्हेंबर महिन्यात 1.4 टक्के अधिक व्यवहार झाले. जर युपीआय व्यवहारांच्या संख्येबद्दल बोलायचे झाले तर, नोव्हेंबर महिन्याच्या तुलनेत ऑक्टोबर महिन्यात 1.5 टक्के अधिक व्यवहार झाले. ऑक्टोबरमध्ये 11.41 अब्ज व्यवहार झाले, तर नोव्हेंबर महिन्यात 11.24 अब्ज व्यवहार झाले. सप्टेंबर महिन्यात एकूण 10.56 अब्ज व्यवहार झाले, ज्यांचे मूल्य 15.8 लाख कोटी रुपये होते. डेटावरून असे दिसून आले आहे की, नोव्हेंबरचे आकडे हे गेल्या वर्षी याच महिन्याच्या तुलनेत व्यवहार संख्या आणि मूल्य बाबतीत अनुक्रमे 54 टक्के आणि 46 टक्के जास्त होते. यंदा ऑक्टोबरच्या तुलनेत नोव्हेंबरमध्ये आयएमपीएस (IMPS) व्यवहारांची संख्या 4 टक्क्यांनी घसरून, 47.2 कोटी झाली आहे. ऑक्टोबरमध्ये ती 49.3 कोटी आणि सप्टेंबरमध्ये 47.3 कोटी होते.

#UPI records above 11 billion transactions in November, touching ₹17.40 trillion in valuehttps://t.co/AbrMMuPGtl

— CNBC-TV18 (@CNBCTV18Live) December 1, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Dec 01, 2023 10:38 PM IST. For more news and updates on politics, world, sports, entertainment and lifestyle, log on to our website latestly.com).