JioBharat V2 4G Phone: खुशखबर! रिलायन्स जिओने लॉन्च केला आपला नवीन 4जी फोन; किंमत फक्त 999 रुपये, जाणून घ्या सविस्तर (Watch Video)

रिलायन्स जिओ (Reliance Jio) ने आपला 4जी फोन (4G Phone) 'Jio Bharat V2' लॉन्च केला आहे. नवीन 'Jio Bharat V2' अतिशय वाजवी दरात उपलब्ध होणार आहे. माहितीनुसार या फोनची किंमत 999 रुपये ठेवण्यात आली आहे. या फोनद्वारे कंपनी भारतातील सुमारे 250 दशलक्ष 2G ग्राहकांना लक्ष्य करू पाहत आहे. हे ग्राहक सध्या एअरटेल आणि वोडाफोन-आयडिया सारख्या कंपन्यांशी संबंधित आहेत. रिलायन्स जिओ फक्त 4G आणि 5G नेटवर्क चालवते. रिलायन्स जिओचा दावा आहे की 'Jio Bharat V2' च्या आधारे कंपनी 10 कोटींहून अधिक ग्राहक जोडेल. जिओभारत व्ही2 चा महिन्याचा प्लॅन देखील सर्वात स्वस्त आहे. अमर्यादित व्हॉइस कॉलसाठीच्या या 28 दिवसांच्या वैधतेच्या प्लॅनसाठी ग्राहकांना केवळ 123 रुपये द्यावे लागतील, ज्यामध्ये 14 जीबी डेटाचा समावेश आहे. इतर ऑपरेटरचा व्हॉईस कॉल आणि 2 जीबीचा मासिक प्लॅन 179 रुपयांपासून सुरू होतो.

याआधी 2G ग्राहकांना आकर्षित करण्यासाठी कंपनीने 2018 मध्ये जिओ फोन देखील आणला होता. जिओफोन आजही 13 कोटींहून अधिक ग्राहकांची पसंती आहे. कंपनीला 'Jio Bharat V2' कडूनही त्याच अपेक्षा आहेत. कंपनीने 7 जुलैपासून 'Jio Bharat V2' ची बीटा ट्रायल सुरू करण्याची घोषणा केली आहे. (हेही वाचा: Twitter Rate Limits मध्ये वाढ करणार; Elon Musk ची माहिती, नव्या नियमामुळे जगभरात #TwitterDown चा गोंधळ)

#WATCH | Visuals of JioBharat V2 4G Phone with an MRP of Rs 999, the lowest entry price for an internet-enabled phone. The monthly plan is 30% cheaper and has 7 times more data compared to feature phone offerings of other operators. The phone has plans including Rs 123 for 28… pic.twitter.com/xBbALCAoA9

— ANI (@ANI) July 3, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jul 03, 2023 06:14 PM IST. For more news and updates on politics, world, sports, entertainment and lifestyle, log on to our website latestly.com).