Waqf Amendment Bill: 'शिवसेना-यूबीटी बाळासाहेब ठाकरे यांचा विचार राखणार की...'; वक्फ दुरुस्ती विधेयकावरील Uddhav Thackeray यांच्या भूमिकेवर देवेंद्र फडणवीसांचा प्रश्न
केंद्र सरकार बुधवारी संसदेत वक्फ सुधारणा विधेयक सादर करणार आहे. सरकारचे म्हणणे आहे की, याद्वारे वक्फशी संबंधित मालमत्तांचे चांगले व्यवस्थापन सुनिश्चित केले जाईल. मात्र, या विधेयकाविरुद्ध देशभरात आधीच निदर्शने झाली आहेत.
केंद्र सरकार 2 एप्रिल रोजी लोकसभेत वक्फ दुरुस्ती विधेयक मांडण्याच्या तयारीत आहे. अशात राजकीय प्रतिक्रियांना उधाण येत आहे. आता महाराष्ट्राचे मुख्यमंत्री देवेंद्र फडणवीस यांनी उद्धव ठाकरे यांच्या शिवसेनेवर निशाणा साधत एक विधान केले आहे. ठाकरे यांचा पक्ष पक्ष बाळासाहेब ठाकरे यांच्या विचारधारेचे पालन करणार की नाही? असा प्रश्न त्यांनी उपस्थित केला आहे. मंगळवार 1 एप्रिल रोजी एक्स (पूर्वी ट्विटर) वर फडणवीस यांनी लिहिले की, ’वक्फ सुधारणा विधेयक उद्या संसदेत! बघू या उद्धव बाळासाहेब ठाकरे सेना, हिंदूहृदयसम्राट, वंदनीय शिवसेनाप्रमुख बाळासाहेब ठाकरे यांचा विचार राखणार की राहुल गांधी यांच्या पावलावर पाऊल ठेवून तुष्टीकरण करीत राहणार?’
केंद्र सरकार बुधवारी संसदेत वक्फ सुधारणा विधेयक सादर करणार आहे. सरकारचे म्हणणे आहे की, याद्वारे वक्फशी संबंधित मालमत्तांचे चांगले व्यवस्थापन सुनिश्चित केले जाईल. मात्र, या विधेयकाविरुद्ध देशभरात आधीच निदर्शने झाली आहेत. विरोधी पक्षाच्या नेत्यांनी स्पष्ट केले आहे की, अशा विधेयकामुळे मुस्लिम पक्षाची शक्ती कमी होईल आणि वक्फवरील सरकारी नियंत्रण वाढेल. वक्फ मालमत्तांच्या व्यवस्थापनाशी संबंधित तरतुदींमध्ये सुधारणा करण्याच्या उद्देशाने वक्फ विधेयकाला काँग्रेस आणि इतर काही प्रादेशिक पक्षांसह विरोधी पक्षांनी तीव्र विरोध व्यक्त केला आहे. (हेही वाचा: Waqf Amendment Bill 2024: वक्फ दुरुस्ती विधेयक, लोकसभेत गदारोळ; सत्ताधारी आणि विरोधक आमनेसामने, कोणाची किती ताकत? जाणून घ्या संख्याबळ)
वक्फ सुधारणा विधेयक उद्या संसदेत !
बघू या उद्धव बाळासाहेब ठाकरे सेना, हिंदूहृदयसम्राट, वंदनीय शिवसेनाप्रमुख बाळासाहेब ठाकरे यांचा विचार राखणार की राहुल गांधी यांच्या पावलावर पाऊल ठेवून तुष्टीकरण करीत राहणार?#WaqfAmendmentBill
— Devendra Fadnavis (@Dev_Fadnavis) April 1, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Apr 01, 2025 08:29 PM IST. For more news and updates on politics, world, sports, entertainment and lifestyle, log on to our website latestly.com).
