Ladki Bahini Yojana: 'लाडकी बहीण योजना कधीही बंद पडणार नाही'; मुख्यमंत्री Devendra Fadnavis यांची आश्वासनपर ग्वाही
या भेटीत महिलांनी आणखी एक विनंती केली की, सन्माननिधी म्हणून मिळणारे 10 हजार रुपये दरवर्षी मिळावेत. यावर मुख्यमंत्र्यांनी सकारात्मक प्रतिसाद देत, या मागणीचा जरुर विचार करू, असे सांगितले.
महाराष्ट्र राज्य सरकारने महिलांच्या आर्थिक स्वावलंबन, आरोग्य आणि पोषण सुधारणा, तसेच कुटुंबातील निर्णय प्रक्रियेत त्यांची भूमिका मजबूत करण्यासाठी 'मुख्यमंत्री माझी लाडकी बहीण योजना' जुलै 2024 मध्ये सुरू केली. या योजनेअंतर्गत, महाराष्ट्रातील 21 ते 65 वयोगटातील पात्र महिलांना दरमहा 1,500 रुपये आर्थिक सहाय्य दिले जाते. मात्र काही अहवाल समोर आले होते, ज्यामध्ये ही योजना बंद पडणार असल्याबाबत चिंता व्यक्त केली होती. परंतु आता लाडकी बहीण योजना कधीही बंद पडणार नाही, अशी आश्वासनपर ग्वाही मुख्यमंत्री देवेंद्र फडणवीस यांनी दिली आहे. यवतमाळ जिल्ह्यातील घाटंजी येथील घरकाम करणाऱ्या 20 महिलांना रसिकाश्रय या संस्थेने मुख्यमंत्री देवेंद्र फडणवीस यांची भेट घडविली. यावेळी मुख्यमंत्र्यांनी लाडकी बहीण योजना कधीही बंद होणार नाही. याहीपेक्षा अधिक मदत कशी करता येईल, याचाही विचार करतोय, असे सांगितले.
या भेटीत महिलांनी आणखी एक विनंती केली की, सन्माननिधी म्हणून मिळणारे 10 हजार रुपये दरवर्षी मिळावेत. यावर मुख्यमंत्र्यांनी सकारात्मक प्रतिसाद देत, या मागणीचा जरुर विचार करू, असे सांगितले. तसेच काही वृद्ध महिला ‘लाडकी बहीण’ योजनेसाठी पात्र नसल्याने त्यांना ‘निराधार योजना’ अंतर्गत मदत देण्याचेही मुख्यमंत्री फडणवीस यांनी स्पष्ट केले. (हेही वाचा: Ladki Bahin Yojana: लाडकी बहीण योजना म्हणजे 'तिजोरीवर भार, बळीराजाला कार'; छत्रपती संभाजीनगर जिल्ह्याने दाखवला आरसा)
'लाडकी बहीण योजना कधीही बंद पडणार नाही'-
"लाडकी बहीण योजना ही आमच्यासाठी केवळ आर्थिक मदत नाही, तर आमच्या जगण्याचा आधार आहे", असे धुणी भांडी करणाऱ्या महिलांनी सांगताच "ही योजना कधीही बंद पडणार नाही!" अशी ग्वाही मुख्यमंत्री @Dev_Fadnavis यांनी घाटंजी (जि.यवतमाळ) येथील धुणी भांडी काम करणाऱ्या २० महिलांच्या भेटीप्रसंगी दिली pic.twitter.com/woHvUmXkmm
— MAHARASHTRA DGIPR (@MahaDGIPR) February 12, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 18, 2769 05:39 PM IST. For more news and updates on politics, world, sports, entertainment and lifestyle, log on to our website latestly.com).
