Gharkul Yojana: लवकरच दिव्यांग आणि पालात राहणाऱ्या नागरिकांना मिळणार हक्काचे घर; घरकूल योजना तयार करण्याचे CM Eknath Shinde यांचे निर्देश

ग्रामीण भागात दिव्यांग आणि पालात राहणाऱ्या नागरिकांसाठी स्वतंत्र घरकूल योजना तयार करावी. गोपीनाथ मुंडे शेतकरी अपघात विमा योजनेच्या धर्तीवर भूमिहीन शेतमजुरांसाठी योजना तयार करण्याचे निर्देश मुख्यमंत्री एकनाथ शिंदे यांनी दिले. सह्याद्री अतिथीगृह येथे आमदार बच्चू कडू यांच्या मतदारसंघातील विविध विषयांसंदर्भात आढावा बैठक झाली. त्यावेळी मुख्यमंत्री बोलत होते.

यावेळी आमदार कडू यांनी दिव्यांग तसेच गावोगावी पालात राहणाऱ्या नागरिकांसाठी घरकूल योजना असावी, अशी मागणी केली होती. यावर मुख्यमंत्री शिंदे यांनी स्वतंत्र घरकुल योजना तयार करण्याचे निर्देश संबंधित विभागाला दिले. राज्यात बांधकाम महामंडळाच्या धर्तीवर घरेलू कामगार यांच्यासाठी मंडळ करण्याची मागणी यावेळी करण्यात आली. शेतमजुरांसाठी योजना करण्याबाबतच्या मुद्यावर यावेळी चर्चा करण्यात आली. गोपीनाथ मुंडे शेतकरी अपघात विमा योजनेच्या धर्तीवर भूमीहिन शेतमजुरांसाठी योजना करावी, असे मुख्यमंत्र्यांनी यावेळी सांगितले. (हेही वाचा: राष्ट्रवादीचे नेते Ajit Pawar यांनी घेतली CM Eknath Shinde यांची भेट; जाणून घ्या कोणत्या गोष्टींवर झाली चर्चा)

ग्रामीण भागात दिव्यांग व पालात राहणाऱ्यांसाठी स्वतंत्र घरकुल योजना तयार करा. #गोपीनाथमुंडे शेतकरी अपघात विमा योजनेच्या धर्तीवर भूमिहीन शेतमजुरांसाठी योजना करण्याचे निर्देश मुख्यमंत्री @mieknathshinde यांनी दिले. आमदार @RealBacchuKadu यांच्या मतदारसंघातील प्रश्नांबाबत बैठक झाली. pic.twitter.com/mBaNn8AaFS

— MAHARASHTRA DGIPR (@MahaDGIPR) April 12, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Apr 12, 2023 11:54 PM IST. For more news and updates on politics, world, sports, entertainment and lifestyle, log on to our website latestly.com).