Leader of Opposition in Lok Sabha: राहुल गांधी असणार लोकसभेतील विरोधी पक्षनेते; इंडिया अलायन्सच्या बैठकीत निर्णय

Leader of Opposition in Lok Sabha: लोकसभा निवडणुकीच्या 2024 च्या निकालानंतर सरकार स्थापन झाले. यानंतर सभागृहात विरोधी पक्षनेते कोण होणार यावर सतत चर्चा सुरू होती. आता या चर्चेलाही पूर्णविराम मिळाला असून, उत्तर प्रदेशातील रायबरेली लोकसभा मतदारसंघाचे खासदार आणि काँग्रेसचे दिग्गज नेते राहुल गांधी लोकसभेतील विरोधी पक्षनेते असतील. काँग्रेस पक्षाने ही घोषणा केली. काँग्रेसचे सरचिटणीस केसी वेणुगोपाल यांनी सांगितले की, राहुल गांधी लोकसभेतील विरोधी पक्षनेते असतील. काँग्रेसच्या बैठकीत हा निर्णय घेण्यात आला आहे. या संदर्भात काँग्रेस संसदीय पक्षाच्या अध्यक्षा सोनिया गांधी यांनी प्रोटेम स्पीकरना पत्र लिहून लोकसभेतील विरोधी पक्षनेते राहुल गांधी असतील अशी माहिती दिली आहे.

राहुल गांधी त्यांच्या राजकीय कारकिर्दीत प्रथमच घटनात्मक पद भूषवणार आहेत. या लोकसभा निवडणुकीत राहुल गांधींनी वायनाड आणि रायबरेली या दोन लोकसभा जागा लढवल्या होत्या आणि दोन्ही जागा जिंकल्या होत्या, पण निवडणूक निकाल जाहीर झाल्यानंतर राहुल गांधींनी वायनाड लोकसभा जागा सोडली. (हेही वाचा: Rahul Gandhi: संविधान हातात घेऊन राहुल गांधींनी घेतली खासदारकीची शपथ, भाजपच्या खासदारांनी दिला 'जय श्री राम'चा नारा)

पहा पोस्ट- 

#WATCH | Congress general secretary KC Venugopal says "Congress MP Rahul Gandhi has been appointed as the LoP in the Lok Sabha.." pic.twitter.com/llhssszwAV

— ANI (@ANI) June 25, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jun 25, 2024 10:18 PM IST. For more news and updates on politics, world, sports, entertainment and lifestyle, log on to our website latestly.com).