GST Council Meet: सिनेमागृहातील खाद्यपदार्थ होणार स्वस्त, तर ऑनलाइन गेमिंग, हॉर्स रायडींग आणि कॅसिनो महागणार; जीएसटी परिषदेच्या बैठकीमध्ये महत्वाचे निर्णय

नवी दिल्लीत जीएसटी कौन्सिलच्या 50 व्या बैठकीत अनेक महत्त्वाचे निर्णय घेण्यात आले. यातील सर्वात मोठा निर्णय म्हणजे, जीएसटी परिषदेने ऑनलाइन गेमिंग, घोडेस्वारी आणि कॅसिनोवर 28% कर लागू करण्यास मान्यता दिली. यापूर्वी यांवर 18 टक्के कर होता. त्याचबरोबर सिनेमागृहातील खाद्यपदार्थ आणि पेय पदार्थांवरील बिलावरील जीएसटी कमी करण्याच्या शिफारशीलाही मंजुरी देण्यात आली. आता त्यांच्यावर 18 टक्क्यांऐवजी 5 टक्के जीएसटी लावला जाईल. केंद्रीय अर्थमंत्री निर्मला सीतारामन यांनी पत्रकार परिषदेत या सर्व निर्णयांची माहिती दिली.

यासह न शिजवलेल्या स्नॅक्सवरील जीएसटी 18 टक्क्यांवरून 5 टक्के करण्यात आला आहे. या परिषदेमध्ये कर्करोगाने त्रस्त रुग्णांना मोठा दिलासा देण्यात आला आहे. सरकारने सांगितले की, आयात केलेल्या कर्करोगाच्या औषधांवर आयजीएसटी आकारला जाणार नाही. कॅसिनो, घोडेस्वारी आणि ऑनलाइन गेमिंगवर जीएसटी लावण्याचा विचार करण्यासाठी केंद्रीय अर्थमंत्र्यांच्या अध्यक्षतेखालील, सर्व राज्ये आणि केंद्रशासित प्रदेशांच्या प्रतिनिधींचा समावेश असलेल्या एका समितीने मंत्री गटाच्या शिफारशीवर आधारित निर्णय घेतला आहे. जीएसटी कौन्सिलने ऑनलाइन गेमिंगला झटका दिला आहे, त्यामुळे बुधवारी ऑनलाइन गेमिंग स्टॉकवर सर्वांचे लक्ष असेल. (हेही वाचा: Uttar Pradesh Shocker: बेरोजगार व्यक्तीला 2.5 कोटींच्या टर्नओव्हरसाठी GST नोटीस; लाखो रुपये भरण्याचे आदेश, जाणून घ्या प्रकरण)

Rates have been brought down from 18 percent to 5 percent on 4 items related to uncooked, unfried and extruded snack palettes.

- Union Minister @nsitharaman #GSTCouncilMeeting pic.twitter.com/78yLEZvD20

— PIB India (@PIB_India) July 11, 2023

Online gaming, horse racing and casinos will be taxed. They will be taxed at 28 percent on full face value

- Union Minister @nsitharaman #GSTCouncilMeeting pic.twitter.com/KYrNIHPP1b

— PIB India (@PIB_India) July 11, 2023

#GST Council exempts cancer-related drugs, medicines for rare diseases and food products for special medical purposes from GST tax

Union Minister @nsitharaman #GSTCouncilMeeting pic.twitter.com/SLxG8xzmJg

— PIB India (@PIB_India) July 11, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jul 11, 2023 09:34 PM IST. For more news and updates on politics, world, sports, entertainment and lifestyle, log on to our website latestly.com).