Delhi Liquor Policy Case: अरविंद केजरीवाल यांना 14 दिवसांची न्यायालयीन कोठडी; दिल्ली दारू धोरण प्रकरणात कोर्टाचा मोठा निर्णय
केजरीवाल यांच्यावर दोन गुन्हे दाखल आहेत. पहिला ईडीचा आहे, ज्यामध्ये त्यांच्याविरुद्ध मनी लाँड्रिंगचा गुन्हा दाखल करण्यात आला आहे. ईडीने 21 मार्च रोजी केजरीवाल यांना अटक केली होती. दुसरा गुन्हा सीबीआयचा आहे, जो दारू धोरणातील भ्रष्टाचाराबाबत नोंदवला गेला होता.
Delhi Liquor Policy Case: दिल्लीचे मुख्यमंत्री अरविंद केजरीवाल यांना शनिवारी राऊस अव्हेन्यू कोर्टाने 14 दिवसांसाठी (12 जुलैपर्यंत) न्यायालयीन कोठडीत पाठवले. सीबीआयने केजरीवाल यांना 26 जून रोजी दिल्ली दारू धोरण प्रकरणात तिहार तुरुंगातून अटक केली होती. त्यानंतर 3 दिवसांच्या कोठडीनंतर त्यांना आज न्यायालयात हजर करण्यात आले. मद्य धोरण प्रकरणात केजरीवाल यांच्याविरुद्ध भ्रष्टाचाराशी संबंधित प्रकरणाची सीबीआय चौकशी करत आहे. आज झालेल्या सुनावणीदरम्यान सीबीआयने न्यायमूर्ती सुनैना शर्मा यांच्या न्यायालयात केजरीवाल यांच्या न्यायालयीन कोठडीची मागणी केली, जी न्यायालयाने मान्य केली.
केजरीवाल यांच्यावर दोन गुन्हे दाखल आहेत. पहिला ईडीचा आहे, ज्यामध्ये त्यांच्याविरुद्ध मनी लाँड्रिंगचा गुन्हा दाखल करण्यात आला आहे. ईडीने 21 मार्च रोजी केजरीवाल यांना अटक केली होती. दुसरा गुन्हा सीबीआयचा आहे, जो दारू धोरणातील भ्रष्टाचाराबाबत नोंदवला गेला होता. दिल्लीचे एलजी व्हीके सक्सेना यांच्या तक्रारीवरून हा गुन्हा दाखल करण्यात आला आहे. दोन्ही गुन्हे स्वतंत्रपणे नोंदवण्यात आले आहेत. ईडी प्रकरणातील केजरीवाल यांची न्यायालयीन कोठडी 3 जुलै रोजी संपत आहे. (हेही वाचा: चंद्रशेखर आझाद यांनी विचारला प्रश्न, कांवड यात्रेसाठी रस्ते आणि रुग्णालये बंद असू शकतात, मग ईदच्या नमाजला आक्षेप का?)
पहा पोस्ट-
Delhi Court sends Delhi Chief Minister Arvind Kejriwal to Judicial Custody till July 12th in a CBI case related to excise policy matter.
— ANI (@ANI) June 29, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 29, 2024 06:05 PM IST. For more news and updates on politics, world, sports, entertainment and lifestyle, log on to our website latestly.com).
