Salaar Hindi Trailer: अभिनेता Prabhas च्या 'सालार' चित्रपटाचा ट्रेलर प्रदर्शित; उत्तम अभिनय, जबरदस्त अॅक्शन, दमदार VFX ने वाढवली उत्सुकता (Watch Video)

Salaar Hindi Trailer: गेल्या काही दिवसांपासून प्रशांत नील दिग्दर्शित 'सालार: पार्ट 1 सीझफायर' (Salaar) या चित्रपटाची जोरदार चर्चा आहे. अभिनेता प्रभासचा (Prabhas) हा एक महत्त्वाकांक्षी चित्रपट मानला जात आहे. प्रभासचे चाहते चित्रपटगृहात हा चित्रपट येण्याची वाट पाहत असताना, आता त्याचा ट्रेलर रिलीज झाला आहे. ट्रेलरमध्ये प्रभासची जबरदस्त स्टाइल दिसून येत आहे, ज्यामुळे चाहत्यांची उत्सुकता आणखी वाढली आहे. 'सालार'ची कथा वर्धराज (पृथ्वीराज सुकुमारन) आणि देव (प्रभास) या दोन मित्रांभोवती फिरते. देव वर्धराजसाठी काहीही करायला तयार असतो, पण नंतर दोघेही एकमेकांचे मोठे शत्रू बनतात, असे दाखवण्यात आले आहे. ट्रेलरमध्ये उत्तम अभिनय, अॅक्शन, डॅशिंग लूक्स, व्हीएफएक्स अशा अनेक गोष्टी पाहायला मिळत आहेत. 'सालार' मध्ये प्रभास आणि पृथ्वीराजसह श्रुती हासन, जगपती बाबू, ईश्वरी राव, टिनू आनंद, श्रिया रेड्डी, माइम गोपी असे कलाकारही दिसणार आहेत. प्रभासचा हा चित्रपट तेलगू, मल्याळम, तामिळ, कन्नड आणि हिंदी भाषेत प्रदर्शित होणार आहे.

'सालार' सुरुवातीला 28 सप्टेंबरला रिलीज होणार होता, पण नंतर पोस्ट प्रोडक्शनचे काम पूर्ण न झाल्यामुळे तारीख पुढे ढकलण्यात आली. यानंतर 22 डिसेंबर ही तारीख निश्चित करण्यात आली, ज्या दिवशी शाहरुख खानचा ‘डंकी’ हा चित्रपटही प्रदर्शित होणार आहे. (हेही वाचा: Animal OTT Release: अॅनिमल चित्रपट लवकरच ओटीटीवर रिलीज, 'या' दिवशी Netflix वर प्रदर्शित)

पहा 'सालार' चित्रपटाचा ट्रेलर-

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Dec 01, 2023 09:19 PM IST. For more news and updates on politics, world, sports, entertainment and lifestyle, log on to our website latestly.com).