Rohit Bal Passes Away: बॉलिवूडचे प्रसिद्ध फॅशन डिझायनर रोहित बल यांचे वयाच्या 63 व्या वर्षी निधन; हृदयाशी संबंधित आजाराने होते त्रस्त

Rohit Bal Passes Away: प्रसिद्ध फॅशन डिझायनर रोहित बल यांचे निधन झाले आहे. ते दीर्घकाळापासून हृदयविकाराने त्रस्त होते. 1 नोव्हेंबर रोजी त्यांनी अखेरचा श्वास घेतला. फॅशन डिझाईन कौन्सिल ऑफ इंडियाने (FDCI) या दु:खद बातमीला दुजोरा दिला आहे. रोहित बल हे फॅशन डिझाईन कौन्सिल ऑफ इंडियाच्या संस्थापक सदस्यांपैकी एक होते. प्रसिद्ध फॅशन डिझायनर रोहित बल गेल्या वर्षभरापासून हृदयाशी संबंधित आजाराने त्रस्त होते. त्यांना आयसीयूमध्ये ठेवण्यात आले होते. त्यानंतर आज वयाच्या 63 व्या वर्षी त्यांनी या जगाचा निरोप घेतला. त्यांच्या निधनाच्या बातमीने केवळ फॅशन जगतच नाही तर संपूर्ण देशाला धक्का बसला आहे.

देशातील लोकप्रिय फॅशन डिझायनर रोहित बल यांचा जन्म 8 मे 1961 रोजी श्रीनगरमध्ये झाला. त्यांनी मुघल फॅशनचा मोठ्या प्रमाणात प्रचार केला. रोहित बलचे मुंबई, दिल्ली, कोलकाता, बेंगळुरू, अहमदाबाद आणि चेन्नईसह अनेक शहरांमध्ये स्टोअर्स आहेत. रोहित हे मनोरंजन विश्वातही खूप प्रसिद्ध होते. त्यांनी अमिताभ बच्चन, काजोल, ईशा गुप्ता, कंगना राणौत, पूजा हेगडे यांच्यासह अनेक सेलिब्रिटींसाठी कपडे डिझाइन केले आहेत. (हेही वाचा: Neena Kulkarni Death Rumours: अभिनेत्री निना कुळकर्णी यांच्या निधनाच्या चर्चा केवळ अफवा, बातम्याही निराधार)

Rohit Bal Passes Away:

 

View this post on Instagram

 

A post shared by FDCI (@fdciofficial)

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Nov 01, 2024 10:45 PM IST. For more news and updates on politics, world, sports, entertainment and lifestyle, log on to our website latestly.com).