चित्रपटाच्या एका दृश्यात Shreyas Talpade ने 'ओम' चिन्हावर ठेवला पाय; वाद वाढल्यावर मागितली जाहीर माफी (See Post)

अभिनेता श्रेयस तळपदेला त्याच्या 2012 मध्ये रिलीज झालेल्या कॉमेडी-ड्रामा चित्रपट ‘कमाल धमाल मालामाल’मधील एका दृश्यासाठी ट्रोल केले जात आहे. या चित्रपटामधील एका सीनमध्ये श्रेयस 'ओम' चिन्हावर पाय ठेवताना दिसत आहे. तब्बल 10 वर्षानंतर चित्रपटातील या सीनचा व्हिडीओ व्हायरल झाला आहे. अभिनेत्यावर संस्कृती आणि धर्माचा अपमान केल्याचा आरोप होत आहे. आता श्रेयसने ट्विटरवर एक पोस्ट शेअर करत या प्रकरणावर माफी मागितली आहे.

त्याने लिहिले की, 'शूटिंग करत असताना अनेक घटक घडत असतात. सिक्वेन्स दरम्यान विशेषत: अॅक्शन सीनवेळी मानसिकता, दिग्दर्शकाच्या गरजा आणि इतर अनेक गोष्टींचा समावेश असतो. तुम्ही या व्हिडिओमध्ये जे पाहतात त्याचे मी समर्थन करत नाही. घडल्या प्रकाराबाबत मी माफी मागतो. मी कधीही जाणूनबुजून कोणाच्याही भावना दुखावणार नाही किंवा असे काहीही करणार नाही.’

दरम्यान, 'कमाल धमाल मालामाल' दिग्दर्शक प्रियदर्शन यांच्या दिग्दर्शनाखाली बनलेला हा कॉमेडी चित्रपट 2012 साली प्रदर्शित झाला होता. यामध्ये श्रेयस तळपदेने जॉनी नावाच्या व्यक्तीची भूमिका साकारली होती. या चित्रपटात त्याच्याशिवाय नाना पाटेकर, ओम पुरी, असरानी यांच्याही प्रमुख भूमिका आहेत.

Apologies 🙏 https://t.co/zEKBEN92qY pic.twitter.com/jr6w3Mku6n

— Shreyas Talpade (@shreyastalpade1) February 13, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 13, 2023 06:23 PM IST. For more news and updates on politics, world, sports, entertainment and lifestyle, log on to our website latestly.com).