O SHETH: ओ शेठ.. तुम्ही नादच केलाय थेट!, राजकीय ट्रोलिंगसाठी व्हायरल गाण्याचा वापर, प्रसारमाध्यमांसह नेटीझन्सनाही पडली भूरळ
'ओ शेऽऽऽठ तुम्ही नादच केलाय थेट' हे गाणं ( O SHETH Song) पाठीमागील काही दिवसांपासून सोशल मीडिया ( Social Media), युट्यूब आणि अनेकांच्या व्हॉट्सअॅप स्टेटसवरही झळकते आहे. या गाण्याची राजकीय वर्तुळात चर्चा आहे. काहींनी राजकीय ट्रोलिंग (Political Trolling) करण्यासाठी या गाण्याचा वापर केला आहे. इतकेच नव्हे तर प्रसारमाध्यमांनाही या गाण्याची भूरळ पडल्याने अनेकदा बातम्यांच्या शिर्षकांमध्येही गाण्याची पंचलाईन खुबीने वापरली जात आहे. हे गाणं नेमकं कोणाला डोळ्यासमोर ठेऊन लिहिलं गेलं आहे? असाही सवाल काहींनी उपस्थित केला. दरमयान, या गाण्याचे लेखक, गायक आणि निर्मात्यांनी आपण हे गाणं कोणालाही नजरेसमोर न ठेऊन नव्हे तर निष्पक्षपणे लिहिल्याचे म्हटले आहे.
गाण्याचे नाव 'ओ शेठ' असे असून हे गाणे डीजे रिमिक्स (O Sheth DJ Remix) आहे. उमेश गवळी यांनी हे गाणे गायले आहे. तर गाण्याचे बोल संध्या हिने लिहिले असून ते प्रणिकेतने संगीतबद्ध केले आहे. दरम्यान, सोशल मीडियावर हे गाणे इतके धुमाकूळ घालत आहे की, लोक या गाण्याचे छोटे छोटे व्हिडिओ बनवून व्हाट्सअॅपला स्टेटसही ठेऊ लागले आहे. काही लोक ट्विटरवर हटके ट्विट करुन त्यासोबत 'ओ शेऽऽऽठ तुम्ही नादच केलाय थेट' हा हॅशटॅगही ठोकत आहेत. काहींनी राजकीय नेत्यांना ट्रोल करण्यासाठी या गाण्याचा वापर सुरु केला आहे. 'जिथं तिथं चर्चा तुमची हो झाली, 'नावाला तुमच्या डिमांड आली, ओ शेऽऽऽठ तुम्ही नादच केलाय थेट', असे या गाण्याचे बोल आहेत.
ट्विट
आज आम इंसान को रास्ते पर लाया है,कल को देश को रास्ते लगा देगा...#ओ_शेठ....😊 pic.twitter.com/UvkIPtFeuu
— Balaji Navale ...🇮🇳 (@BalajinavaleINC) July 16, 2021
ट्विट
O शेठ गाण्यवरचा सगळ्यात भारी व्हिडिओ 🔥🔥😍
आपला बापच आपला शेठ 🔥😎❤️🙌#कृषिकन्या #ओशेठ pic.twitter.com/ApbsdBgC06
— ज्ञानेश्वरी🎶 (@dnyanuarijitian) August 1, 2021
ट्विट
#ओ_शेठ#looting #BJP #petrol100notout pic.twitter.com/3b6tqbWs3M
— Gaurav rajput (@Gauravr18891037) July 12, 2021
ट्विट
#ओ_शेठ pic.twitter.com/FretVryjA6
— Shinde Dnyaneshwar (@ShindeDnyanes20) July 15, 2021
ट्विट
#ओ_शेठ...#कोल्हापूर 😄😄😄 pic.twitter.com/jOiSdmEA3n
— कोल्हापूरकर 🚩🚩 (@TakaluHaiwan) July 30, 2021
ट्विट
अता तरी बस करा! 🙏🙏 pic.twitter.com/AHzmZeHKma
— Abdul Sayeed Ahmed INC (@AbdulSayeedAhm5) July 18, 2021
टविट
आयुष्यात सगळं केल पण कधी स्वतःच्याच फोटोवर
ओ शेठ तुम्ही नादच केलाय थेट हे गाणं कधीच
नाही टाकल ब्वा स्टेटसला !! 😆#म #मराठी #रिम #शब्दखेळ #ओशेठ #इंस्टाग्राम #मनातलं #सुचलेलं #मराठीट्विट
— अजिंक्य कुलकर्णी (@Ajinkya__Speaks) July 13, 2021
ट्विट
या देशात सगळ्यात जास्त घाबरट, भित्री व्यक्ती कोणी असेल तर ते आहेत माननीय शेठ..... #ओशेठ
— रविराज 🇮🇳 (@ravirajzone) July 22, 2021
ट्विट
रातचा दीड वाजत आलाय. अन् माझ्या डोक्यातून अजूनही " ओ शेठ, तुम्ही नादच केलाय शेठ..." हे गाणं आणि पेट्रोल पंपावर असलेल्या मोदींच्या फोटुसमोर लोटांगण घालणारे पोरं जात नाहीयेत. 😐😭#ओ_शेठ
— सुशिक्षीत बेरोजगार (@be_rose_gaar) July 18, 2021
ट्विट
#ओशेठ ... शांत बसा जस काय #कोरोना वाढल्यावर .@RajThackeray पार्टी फंडातुन जसे काय जनतेचे उपचार करणार आहेत . pic.twitter.com/EMb75AZtnf
— सचिन सुरेश सावंत (@camsachinsawant) August 4, 2021
ट्विट
109लीटर पेट्रोल चा त्रास कोणाला होणार नाय...कारण सर्वच शेठ झालेत😂💯#ओशेठ
— मनोज एस (@GovindS55776403) July 22, 2021
व्हिडिओ
अनेकांनी हे गाणं थेट पंतप्रधान नरेंद्र मोदी यांच्याशी रिलेट केले आहे. राज्यात आणि देशात वाढत असलेली महागाई, वाढते पेट्रोल डिझेलचे दर यांवरुन सर्वसामान्य नागरिकांमध्ये नाराजी आहे. काहींनी तर पेट्रोल पंपावर पंतप्रधानांचा फोटो दिसला तर त्याला नमस्कार सुरु करायला सुरुवात केली आहे. दरम्यान, काहींनी हे गाणं बॅग्राऊंडला ठेऊन पुढे पंतप्रधानांची प्रतिमा लावूनही महागाई, बेरोजगारी आदींवरुन प्रश्न उपस्थित करण्याचा प्रयत्न केला आहे. या गाण्याच्या निर्मात्यांनी मात्र पंतप्रधान नरेंद्र मोदी अथावा इतर कोणत्याही राजकीय नेत्यांवर टीकाटिपण्णी करण्यासाठी हे गाणं आपण तयार केले नसल्याचे म्हटले आहे.
(The above story first appeared on LatestLY on Aug 09, 2021 11:22 AM IST. For more news and updates on politics, world, sports, entertainment and lifestyle, log on to our website latestly.com).
