Police Jeep Enters In AIIMS Rishikesh: उत्तराखंडमधील ऋषिकेशमधून पोलिसांच्या वर्तनाची एक धक्कादायक घटना समोर आली आहे. मंगळवारी या ठिकाणी पोलिसांनी एम्स ऋषिकेशच्या इमर्जन्सीमध्ये दाखल असलेल्या रुग्णांचा जीव धोक्यात घातला. विनयभंगाचा आरोप असलेल्या नर्सिंग अधिकाऱ्याला ताब्यात घेण्यासाठी, पोलिसांचे अधिकृत वाहन एम्स ऋषिकेशच्या हॉस्पिटलच्या वॉर्डमध्ये घुसले. सध्या या घटनेचा व्हिडिओ व्हायरल होत आहे. अहवालानुसार, ऋषिकेश एम्समधील नर्सिंग अधिकाऱ्यावर एका महिला डॉक्टरने ऑपरेशन थिएटरमध्ये विनयभंग केल्याचा आरोप केला आहे. यामुळे डॉक्टर प्रचंड संतापले होते. याबाबत तक्रार दाखल केल्यावर, मंगळवारी पोलिसांनी एम्समध्ये जाऊन आरोपीला अटक केली. मात्र यावेळी पोलिसांची जीप आरोपीला पकडण्यासाठी इमारतीच्या चौथ्या मजल्यापर्यंत वॉर्डमधून गेली. बाहेर येताना ही जीप इमर्जन्सी वॉर्डातून परत आली. आरोपी सतीश कुमार याने रविवारी, 19 मे रोजी संध्याकाळी हॉस्पिटलच्या आवारात डॉक्टरांचा विनयभंग केल्याचे सांगण्यात येत आहे. कुमारने महिला डॉक्टरला अश्लील एसएमएस पाठवल्याचेही वृत्त आहे. (हेही वाचा: Viral Video: मद्य वाहतूक करणारा ट्रक उलटला, दारुचे बॉक्स पळविण्यासाठी लोकांची झुंबड; बोईनपल्ली पोलिस स्टेशन परिसरात घटना)

पहा व्हिडिओ-

 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)