मुंबईतील ऑटो रिक्षामध्ये हॅण्ड सॅनिटायझर, Wifi सेवा, बेसिन, कचराकुंडी सारख्या सुविधा पाहून आनंद महिंद्रा झाले फिदा; ट्विट करत शेअर केला व्हिडिओ

सध्या सोशल मीडियावर मुंबईतील ऑटो रिक्षाचा (Auto Rickshaw) एक व्हिडिओ व्हायरल होत आहे. या रिक्षामध्ये हॅण्ड सॅनिटायझर, Wifi सेवा, बेसिन, पाणी, कचराकुंडी सारख्या सुविधा आहेत. हा रिक्षा पाहून महिंद्रा ग्रूपचे चेअरमन आनंद महिंद्रा (Anand Mahindra) यांनी आपल्या सोशल मीडिया अकाऊंटवरून या रिक्षाचा व्हिडिओ शेअर केला आहे. या व्हिडिला अनेकांनी लाईक तसेच कमेंन्ट्स केल्या आहेत.

मुंबईमध्ये कोरोना व्हायरसचा प्रादुर्भाव दिवसेंदिवस वाढत आहेत. अशातचं हा विविध सेवा असणाऱ्या या अनोखा रिक्षाचे नेटीझन्सनी कौतुक केलं आहे. या रिक्षात ग्राहकांसाठी हॅण्ड सॅनिटायझर, Wifi सेवा, बेसिन, पाणी, कचराकुंडी सारख्या सुविधा देण्यात आल्या आहेत. त्यामुळे ग्राहकांना या रिक्षातून प्रवास करतादेखील सुरक्षिततेची भावना निर्माण होत आहे. (हेही वाचा - कोरोना व्हायरस लॉकडाऊनमध्ये सारं काही बंद असल्याने वैतागलेल्या 4 वर्षांच्या मुलीचा व्हिडिओ व्हायरल; नेटकऱ्यांकडून कमेंट्सचा वर्षाव (Watch Video))

One silver lining of Covid 19 is that it’s dramatically accelerating the creation of a Swachh Bharat...!! pic.twitter.com/mwwmpCr5da

— anand mahindra (@anandmahindra) July 10, 2020

आनंद महिंद्रा यांनी या अनोख्या रिक्षाचा व्हिडिओ ट्विट करताना म्हटलं आहे की, 'कोरोनाच्या काळात या रिक्षा चालकाने स्वच्छ भारत अभियानाची जाहिरात केली आहे.' आनंद महिंद्रा यांनी ट्विट केलेला हा व्हिडिओ अनेक युजर्संनी रिट्विट केला आहे. सध्या सोशल मीडियावर या अनोख्या आणि कोरोना काळात आवश्यक असणाऱ्या सर्व सुविधांनी युक्त अशा रिक्षाचा व्हिडिओ प्रचंड व्हायरल होत आहे.

(The above story first appeared on LatestLY on Jul 12, 2020 04:56 PM IST. For more news and updates on politics, world, sports, entertainment and lifestyle, log on to our website latestly.com).