Umesh Kolhe Murder Case: अमरावती हत्याकांडातील मुख्य सूत्रधार इरफानला अटक; हत्येसाठी आरोपीला करण्यात आलं होतं प्रवृत्त

Umesh Kolhe Murder Case: महाराष्ट्रातील अमरावती (Amravati) येथील केमिस्ट उमेश कोल्हे (Umesh Kolhe) यांच्या हत्येतील मास्टरमाइंडला पोलिसांनी नागपुरातून अटक केली आहे. पोलिसांनी सांगितले की, अटक करण्यात आलेल्या आरोपीचे नाव इरफान खान असून तो नागपुरातील एका एनजीओचा मालक आहे. यासोबतच केमिस्ट खून प्रकरणाचा मुख्य सूत्रधार इरफानने हत्येचा संपूर्ण प्लान तयार केल्याचे पोलिसांनी सांगितले. इतर आरोपींना खुनासाठी प्रवृत्त करण्याचे कामही इरफान खानने केले.

दरम्यान, 21 जून रोजी महाराष्ट्रातील अमरावती शहरात 54 वर्षीय केमिस्टची चाकूने भोसकून हत्या करण्यात आली होती. फेसबुकवर नुपूर शर्माच्या समर्थनार्थ पोस्ट लिहिल्याने ही निर्घृण हत्या महाराष्ट्रात घडल्याचा पोलिसांना संशय आहे. तो अमरावती येथे अमित मेडिकल स्टोअर नावाने केमिस्टचे दुकान चालवत होता. (हेही वाचा -Maharashtra Murder Case: अमरावतीत उदयपूरसारखी घटना, मेडिकल मालकाची गळा चिरून हत्या; NIA कडून तपास सुरू)

कोल्हे हे दुकान बंद करून दुचाकीवरून घरी जात असताना रात्री 10 ते 10.30 च्या दरम्यान ही घटना घडली. गृह मंत्रालयाच्या प्रवक्त्याने शनिवारी सांगितले की, राष्ट्रीय तपास संस्था (एनआयए) हत्येचा तपास करेल. 21 जून रोजी झालेल्या उमेश कोल्हे यांच्या हत्येमागील कटाचा तपास एनआयए करणार असल्याचे प्रवक्त्याने ट्विटद्वारे सांगितले आहे. लया प्रकरणातील सूत्रधाराच्या अटकेसह आतापर्यंत 7 जणांना अटक करण्यात आली आहे.