Mumbai Best Bus Accident: मुंबई कुर्ल्यात बेस्ट बसची अनेक वाहनांना धडक, 10 जण जखमी
हा अपघात एवढा भीषण होता की, रस्त्यावर एकच गोंधळ उडाला. अपघातावेळी तेथे उपस्थित असलेल्या लोकांनी तत्काळ पोलीस आणि अग्निशमन दलाला माहिती दिली.
Mumbai Best Bus Accident: मुंबईतील कुर्ला परिसरात सोमवारी रात्री एसजी बारवे रोडवरील अंजुम-ए-इस्लाम शाळेजवळ बेस्ट (बृहन्मुंबई इलेक्ट्रिक सप्लाय अँड ट्रान्सपोर्ट) बसने अनेक वाहनांना धडक दिल्याने मोठा अपघात झाला. या अपघातात किमान 10 जण जखमी झाले आहेत. मुंबई अग्निशमन दलाने (MFB) दिलेल्या माहितीनुसार, रात्री 9.50 च्या सुमारास हा अपघात झाला. माहिती मिळताच अग्निशमन दल आणि इतर प्रशासकीय पथक घटनास्थळी पोहोचले आणि बचावकार्य सुरू केले. MFB ने रात्री 10:10 वाजता ही घटना 'लेव्हल-1' अपघात म्हणून घोषित केली.
कुर्ल्याच्या भाभा रुग्णालयाचे वैद्यकीय अधिकारी डॉ. अब्दुल यांनी सांगितले की, 10 जखमींना रुग्णालयात आणण्यात आले आहे. सध्या जखमींची प्रकृती आणि जखमींची सविस्तर माहिती मिळण्याची प्रतीक्षा आहे. (हेही वाचा - Viral Video: उत्तर प्रदेशमधील बागपतमध्ये वेगवान कारची घोडागाडीला धडक; 10 फूट हवेत उडाला घोडा, 5 जण गंभीर जखमी)
पाहा व्हिडिओ -
🔴 #NewsAlert | Mumbai's BEST Bus Rams Into Vehicles In Kurla, 10 Injured pic.twitter.com/c3n7rfvnKn
— NDTV (@ndtv) December 9, 2024
अपघात कसा झाला?
स्थानिक प्रत्यक्षदर्शींनी दिलेल्या माहितीनुसार, बस अचानक वेगात आली आणि रस्त्यावर उभ्या असलेल्या अनेक वाहनांना धडकली. हा अपघात एवढा भीषण होता की, रस्त्यावर एकच गोंधळ उडाला. अपघातावेळी तेथे उपस्थित असलेल्या लोकांनी तत्काळ पोलीस आणि अग्निशमन दलाला माहिती दिली.
अग्निशमन दल आणि पोलीस अधिकाऱ्यांनी तातडीने मदतकार्य सुरू केले. अपघातात नुकसान झालेली वाहने हटवून जखमींना रुग्णालयात नेण्यात कोणताही विलंब झाला नाही. सध्या अपघाताचा तपास सुरू असून, हा अपघात चालकाच्या चुकीमुळे झाला की बसमधील तांत्रिक बिघाडामुळे झाला याचा शोध घेण्याचे प्रयत्न सुरू आहेत.
(The above story first appeared on LatestLY on Dec 09, 2024 11:21 PM IST. For more news and updates on politics, world, sports, entertainment and lifestyle, log on to our website latestly.com).
