Pune Temperature Update: पुण्यात किमान तापमान दुहेरी आकड्यांवर पोहोचले, तापमानात हळूहळू वाढ होण्याची शक्यता
Cold | Representational image (Photo Credits: pixabay)

पुणे (Pune) शहर आणि महाराष्ट्राच्या काही भागात हळूहळू पारा वाढण्याचा अंदाज हवामान खात्याने वर्तविल्याने सहा दिवसांत पुण्याचे किमान तापमान (Temperature) प्रथमच दुहेरी अंकांवर पोहोचले. 9 जानेवारीपासून, पुणे शहरात रात्रीचे तापमान एक अंकी नोंदवले गेले आहे, ज्यामुळे हवेत गारवा आला आहे.  रविवारी पुण्यात रात्रीचे तापमान 10.7 अंश सेल्सिअस नोंदवले गेले, जे भारताच्या हवामान विभागाच्या (IMD) नुसार सामान्यपेक्षा फक्त 0.7 अंश थंड होते. शनिवारच्या 9.9 अंश सेल्सिअस तापमानापेक्षा हे प्रमाण थोडे अधिक होते. रविवारी पुण्यात दिवसाचे तापमान 31.4 अंश सेल्सिअस नोंदवले गेले जे सामान्यपेक्षा फक्त 1.8 अंश जास्त होते.

रविवारी शहराच्या हद्दीत धुके कायम असल्याचे हवामान खात्याच्या अधिकाऱ्यांनी नमूद केले. आयएमडीनुसार, रविवारी पाषाण येथे रात्रीचे तापमान 12 अंश सेल्सिअस, लोहेगावचे 13 अंश सेल्सिअस, चिंचवडचे 15.6 अंश सेल्सिअस, लव्हाळेचे 16.9 अंश सेल्सिअस आणि मगरपट्टा येथे 16.9 अंश सेल्सिअस नोंदवले गेले. IMD पुणे येथील हवामान अंदाज विभागाचे प्रमुख अनुपम कश्यपी यांनी सांगितले की, पुढील काही दिवसांत रात्रीच्या तापमानात हळूहळू वाढ होण्याची शक्यता आहे. हेही वाचा Thane Metro Update: ठाण्यातील मेट्रो 4 डेपो बांधण्यासाठीचा भूखंड राज्य सरकारने केला शून्य

शहरी भागात मुख्यतः निरभ्र आकाश राहण्याची शक्यता असून 18 जानेवारीपर्यंत दिवसाचे तापमान 31-32 अंश सेल्सिअस राहील. तर रात्रीचे तापमान 12-13 अंश सेल्सिअस राहील. कोकण आणि गोवा, मराठवाडा, मध्य महाराष्ट्र आणि विदर्भात 16 जानेवारीपर्यंत कोरडे हवामान राहण्याची शक्यता असून अद्याप कोणतीही शीतलहरीचा इशारा देण्यात आलेला नाही, कश्यपी म्हणाले.