तिन्ही पक्षांनी केलेली ओळख परेड म्हणजे पोरखेळ असं आशिष शेलार यांनी पत्रकार परिषद घेत म्हटलं. तसेच आदित्य ठाकरे यांनी सोनिया गांधींच्या नेतृत्वाची शपथ घेतली असल्याने मराठी माणसाची मान आज शरमेने खाली गेली, अशी टीका शिवसेनेवर त्यांनी केली. फोटो तुमचा, फोटोग्राफर तुमचा, पण 145 आमदार तरी तिथे उपस्थित होते का? असा सवाल देखील त्यांनी महाविकासआघाडीला विचारला आहे. 

"ज्या व्यक्तीला पक्षाने पदावरून दूर केले आहे, त्या व्यक्तीला पक्षाबाबत कोणताही निर्णय घेण्यास अधिकार नाही," असं म्हणत राष्ट्रवादी काँग्रेस पक्षाचे अध्यक्ष शरद पवार यांनी अजित पवार यांच्या विरोधात रोष व्यक्त केला. 

मी पुन्हा आलो, असे म्हणणार नाही; पण आम्ही आलो आहोत असे म्हणेन, आमचा रस्ता मोकळा करा, असं म्हणत शिवसेना पक्षप्रमुख उद्धव ठाकरे यांचं देवेंद्र फडणवीस आणि भाजप सरकारला लगावला टोला.

शिवसेना काँग्रेस आणि राष्ट्रवादी काँग्रेस पक्षाच्या 'महाविकासआघाडी' आघाडीच्या बैठकीला नुकतीच सुरुवात झाली आहे. अशोक चव्हाण यांनी भाषणाला सुरुवात करून सर्व आमदारांचे मनोबल वाढवले. नंतर 'महाविकासआघाडी' कडे 162 चं नाही तर त्याहून अधिक आमदारांच्या आकडा असल्याचा गौप्यस्फोट त्यांनी केला आहे. 

'महाविकासआघाडी' च्या शक्तिप्रदर्शनाला थोड्याच वेळात सुरुवात होणार आहे. 162 आमदार एकत्र उपस्थित राहतील. त्याचसोबत उद्धव ठाकरे, सुप्रिया सुळे, शरद पवार, आदित्य ठाकरे यासोबत अनेक बडे नेते या शक्तिप्रदर्शनाला उपस्थित आहेत. 

राष्ट्रवादी काँग्रेस अध्यक्ष शरद पवार ग्रँड हयातकडे रवाना झाले आहेत. पक्षाचे आमदार देखील ग्रँड हयातच्या दिशेने निघाले आहेत. महाविकासआघाडी करणार का 162 चा आकडा आज सिद्ध? 

शिवसेना, राष्ट्रवादी काँग्रेस आणि काँग्रेसच्या महाआघाडीचे 162 आमदार हॉटेल ग्रँड हयातमध्ये आज सायंकाळी एकत्र येणार असल्याचा गौप्यस्फोट शिवसेना नेते संजय राऊत यांनी ट्विटरद्वारे केला.

We are all one and together , watch our 162 together for the first time at grand Hyatt at 7 pm , come and watch yourself @maha_governor pic.twitter.com/hUSS4KoS7B

— Sanjay Raut (@rautsanjay61) November 25, 2019

राज्यपाल घटनेच्या चौकटीत  राहून काम करत आहेत. मात्र महाविकास आघाडीचे नेते वारंवार पंचातारांकित हॉटेलमध्ये राहत आहेत, वारंवार हॉटेल बदलत आहेत याची गरज काय? असं रावसाहेब दानवे यांनी म्हटलं आहे. दरम्यान आमदारांना हॉटेलमध्ये डांंबून ठेवल्याचा आरोप लावला आहे. 

राज्यपालांनी घटनेची पायमल्ली केलेली नाही तसेच घटनात्मक चौकटीत राहून काम केल्याचं  रावसाहेब दानवे यांनी म्हटलं आहे. अजित पवार यांनी राष्ट्रवादी कॉंग्रेसच्या आमदारांच्या सहीचे पत्र दिले. त्यानंतर सत्ता स्थापनेचा दावा केला. त्यामुळे त्यांचा व्हीप आमदारांना लागू असेल. असे  भाजपाकडून आज सांगण्यात आलं आहे.  

राष्ट्रवादी कॉंग्रेस पक्षाचे   बंडखोर नेते अजित पवार 'उपमुख्यमंत्री' पदाचा भार न स्वीकारताच घरी परतले आहे. विधानसभेतील दालनात त्यांची राष्ट्रवादी नेत्यांसोबत सुमारे 4 तास चर्चा झाली  

राष्ट्रवादी कॉंग्रेस पार्टीकडून अजित पवारांच्या मनधरणीचे प्रयत्न सुरू आहे. विधानसभेत रामराजे निंबाळकर यांच्या विधानसभेतील दालनात चर्चा झाली. यावेळेस जयंत पाटील, दिलीप वळसे पाटील, छगन भुजबळ आदी नेते उपस्थित होते. 

महाराष्ट्रातील सत्तापेचाची चर्चा आज लोकसभेतही पहायला मिळाले. दरम्यान उद्या (25 नोव्हेंबर) दुपारी 2 वाजेपर्यंत सभागृहाचे काम तहकूब करण्यात आले आहे.   

संजय राऊत यांनी 163 आमादारांच्या समर्थनाचं पत्र हे सूर्याच्या प्रकाशा इतकं स्पष्ट आहे. दरम्यान आमची (महाविकास आघाडी) यांची बाजू सत्याची असून आमचाच विकास होणार असल्याचं त्यांंनी म्हटलं आहे.  तसेच अजित पवार यांची फसवणूक झाली असून त्यांच्या मनधरणीचे प्रयत्न यशस्वी ठरतील असं सांगण्यात आलं आहे. 

महाराष्ट्रात भाजपाच्या सत्ता स्थापनेवर प्रश्न कायम असताना देवेंद्र फडणवीस यांनी कार्यभार सांभाळला आहे.  पदभार स्वीकारल्यानंतर मुख्यमंत्री देवेंद्र फडणवीस  यांची पहिली स्वाक्षरी मुख्यमंत्री वैद्यकीय सहायता निधीच्या धनादेशावर स्वाक्षरी केली आहे. दादर येथील श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपुर्द केला. दरम्यान मुख्य सचिव अजोय मेहता उपस्थित आहेत.

पदभार स्वीकारल्यानंतर मुख्यमंत्री @Dev_Fadnavis यांची पहिली स्वाक्षरी मुख्यमंत्री वैद्यकीय सहायता निधीच्या धनादेशावर!
दादर येथील श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपुर्द. मुख्य सचिव अजोय मेहता आदी उपस्थित. pic.twitter.com/b0bs8zSpET

— MAHARASHTRA DGIPR (@MahaDGIPR) November 25, 2019

अजित पवार यांनी आज एका वृत्त वाहिनीला दिलेल्या मुलाखतीमध्ये  अजित पवारांनी बारामतीच्या कार्यकर्त्यांसमोर आपण भाजपला पाठिंबा देण्याबाबत धक्कादायक गौप्यस्फोट केला आहे. दरम्यान अमित शहा आणि नरेंद्र मोदी यांच्यामध्ये बैठका झाल्याचं म्हटलं आहे.

महाराष्ट्रात शनिवारी (23 नोव्हेंबर) दिवशी मुख्यमंत्री देवेंद्र फडणवीस यांनी मुख्यमंत्रीपदाची शपथ घेतल्यानंतर आता बहुमत चाचणीला सामोरे जाण्यासाठी  7 डिसेंबरपर्यंत मुदत द्यावी असं सांगण्यात आलं आहे.  दरम्यान  याआधी 30 नोव्हेंबरपर्यंत फ्लोअर टेस्ट म्हणजेच विश्वासदर्शक चाचणीसाठी वेळ देण्यात आली होती.  

शिवसेना, कॉंग्रेस, राष्ट्रवादी या तिन्ही पक्षांनी एकत्र येऊन आज  162 आमदारांच्या सह्यांचं पत्र राज्यपाल भगतसिंह कोश्यारी यांच्याकडे सादर करण्यात आले आहे. दरम्यान भाजपाने स्थापन केलेलं सरकार हे बहुमतातील  नसून देवेंद्र फडणवीस या6च्या मुख्यमंत्रीपदाच्या राजीनाम्याची मागणी केली आहे.

आज सकाळी राजभवन येते @ShivSena @NCPspeaks व @INCMaharashtra या पक्षांच्या वरिष्ठ नेत्यांनी महाराष्ट्राचे राज्यपाल @BSKoshyari यांची भेट घेऊन सरकार स्थापन करण्यासाठी या तिन्ही पक्षांना निमंत्रित करावे या विनंतीसाठी त्यांना विनंतीपत्र देण्यात आले. pic.twitter.com/cvatmslojt

— NCP (@NCPspeaks) November 25, 2019

महाराष्ट्रात आजही सत्ता पेच कायम राहणार आहे. सर्वोच्च न्यायाल्याने विश्वासदर्शक ठराव तातडीने घेण्या वरद्याप निर्णय दिलेला नाही. उद्या 10.30 वाजता या प्रकरणी अंतिम निर्णय सुनावला जाणार आहे.  

सर्वोच्च न्यायालयामध्ये सुनावणीदरम्यान शिवसेना, कॉंग्रेस, राष्ट्रवादी कॉंग्रेस यांची प्रतिज्ञापत्र फेटाळली आहेत. दरम्यान सिंघवी यांनी विशेष सत्र बोलावून बहुमताची चाचणी घ्यावी असं म्हटलं आहे. 

महाराष्ट्रातील पेच प्रसंगातून तोडगा काढण्यासाठी सर्वोच्च न्यायालयामध्ये युक्तिवादसुरू आहे. दरम्यान सह्यांचा दुरूपयोग करून सराकर स्थापन केलं आहे. त्यामुळे विश्वास दर्शक ठराव आजच घ्यावी यासाठी अभिषेक मनू सिंघवी यांनी जोरदार युक्तिवाद करण्यात आले आहेत.

Abhishek Manu Singhvi representing NCP & Congress: When both the groups are open for Floor Test, why should there be a delay? Does a single NCP MLA here say we will join the BJP alliance? Is there a single covering letter saying this. This was the fraud committed on democracy. pic.twitter.com/Gyl0xCBmcB

— ANI (@ANI) November 25, 2019

कॉंग्रेस नेते आणि वकील कपिल सिब्बल यांनी सर्वोच्च न्यायालयात आपली बाजू मांडण्यास सुरूवात केली आहे. तसेच त्यांनी राष्ट्रपती राजवट उठवण्यासाठी घाई का केली असा प्रश्न विचारण्यात आला आहे.  त्यांच्या सवालानंतर न्यायमूर्तींमध्ये चर्चेला सुरूवात  

दरम्यान राज्यपालांची भूमिका चूकीच्या हेतूने असं म्हणणं योग्य नाही. आता विश्वासदर्शक ठरावासाठी घाई करणं म्हणजे शिवसेना, कॉंग्रेस आणि राष्ट्रवादी कॉंग्रेस पक्षाचे आमदार फुटण्याची भीती असणं असे आहे. मात्र कोर्टाने त्याची काळजी करू नये असेही सांगण्यात आलं आहे.

NCP-Congress-Shiv Sena petition in Supreme Court: Solicitor General Tushar Mehta, for Maharashtra Governor, says - Grant us 2-3 days' time and let us file a reply. The Governor has in absolute discretion invited the largest party on November 23. pic.twitter.com/KWxGNdq3Dz

— ANI (@ANI) November 25, 2019

महाराष्ट्रात सत्ता स्थापना करताना राष्ट्रवादी, अपक्ष आणि भाजपा यांंच्या एकूण 170 आमदारांच्या पाठिंब्याने सरकार स्थापन केलं गेलं आहे. असे सांगण्यात आले आहे. त्यामुळे पत्रांच्या आधारे राज्यपालांनी सत्तास्थापनेचं आमंत्रण दिल्याचं तुषार मेहता यांनी म्हटलं आहे.  

 गटनेता म्हणून अजित पवार यांनी  राष्ट्रवादी पक्षाच्या 54 आमदारांच्या सह्यांचं पत्र  22 नोव्हेंबरला सादर केलं असं सांगितलं आहे. त्यामुळे भाजपाला पाठिंबा दिल्याचं म्हटलं आहे.      

  सर्वोच्च न्यायालयामध्ये 10.30 च्या सुमारास भाजपा सरकार विरूद्ध शिवसेना, राष्ट्रवादी कॉंग्रेस आणि कॉंग्रेस यांनी दाखल केलेल्या याचिवेवर सुनावणीला सुरूवात झाली आहे. दुसरीकडे राज्यात देवेंद्र फडणवीस आणि अजित पवार यांनी पदभार स्वीकारला आहे.  

मुंबईमध्ये आज अजित पवार आणि छगन भुजबळ यांच्यामध्ये चर्चा झाली आहे. दीड तासाच्या चर्चेनंतर छगन भुजबळ बाहेर पडले असून घर तुटायला नको असं म्हटले आहे. तर अजित पवार मंत्रालयाकडे रवाना झाले असून ते आज उपमुख्यमंत्रीपदाची सूत्र स्वीकारणार आहेत.   

संजय राऊत यांनी आज पत्रकार परिषदेमध्ये भाजपा आणि त्यांच्या नवनिर्वाचित सरकारवर टीका केली आहे. दरम्यान अजित  पवार यांना मुख्यमंत्रीपदाची ऑफर दिली आहे. दरम्यान ते सत्तेसाठी वेडे झाले आहेत असेही संजय राऊत म्हणाले आहेत.  

संजय राऊत यांनी आज पत्रकार परिषदेमध्ये भाजपा आणि त्यांच्या नवनिर्वाचित सरकारवर टीका केली आहे. दरम्यान अजित  पवार यांना मुख्यमंत्रीपदाची ऑफर दिली आहे. दरम्यान ते सत्तेसाठी वेडे झाले आहेत असेही संजय राऊत म्हणाले आहेत. 

शरद पवार यांनी आज यशवंतराव चव्हाण यांच्या स्मृतिदिनी कराड येथील त्यांच्या स्मृतिस्थळावर जाऊन भेट घेतली आहे. दरम्यान यावेळेस मीडीयाशी बोलताना  राष्ट्रवादीचा भाजपा सरकारला पाठिंबा नाही असं पुन्हा ठणकावून सांगितले आहे. दरम्यान केंद्रातील सत्ता आणि राज्यपाल्य पदाचा सत्तेसाठीचा गैरवापर केल्याचंही त्यांनी म्हटलं आहे.  

शनिवारी सकाळी 8 च्या सुमारास मुख्यमंत्रीपदी देवेंद्र फडणवीस आणि अजित पवार यांनी उपमुख्यमंत्रीपदाची शपथ घेतली आहे. आज हे दोघेही मंत्रालयात थोड्याच वेळात पोहचणार असून ते पदभार स्वीकारण्याची शक्यता आहे. दरम्यान 10.30 ला सर्वोच्च न्यायालयात तातडीने विश्वासदर्शक ठरावावर सुनावणी होणार आहे. 

महाराष्ट्राचे राज्यपाल भगतसिंह कोश्यारी आज दिल्ली हून मुंबईकडे रवाना झाले आहेत. मीडिया रिपोर्ट्सनुसार, शिवसेना, राष्ट्रवादी,कॉंग्रेस पक्षाचे नेते आज कोश्यारींची भेट घेणार आहेत.  

सर्वोच्च न्यायालयामध्ये आज सकाळी 10.30 सुमारास सत्ता संघर्षावर सुनावणी होणार आहे. दरम्यान त्याआधी भाजपा-एनसीपी सोबत राज्यात स्थिर सरकार देणार असा दावा करणार्‍या अजित पवार यांच्या भेटीला राष्ट्रवादी नेते छगन भुजबळ यांच्यासह दिग्गज नेते तिसर्‍या दिवशी देखील मनधरणीचे प्रयत्न करत आहेत.