मनमाड येथे निवडणूक मतदानाच्या शेवटच्या 15 मिनिटात मतदान केंद्रावर खूप गर्दी झाल्याने गोंधळ निर्माण झाला होता, ज्यामुळे मतदानाचा अवधी 8 वाजेपर्यंत वाढवण्यात येण्याची शक्यता आहे. याबाबत अद्याप अधिकृत माहिती समोर आलेली नाही मात्र तरीही सूत्रांच्या आधारे अंदाज वर्तवण्यात येत आहे.   

राज्यात मतदानाचा टक्का हा दयनीय अवस्थेत घसरला असताना कोल्हापूर जिल्ह्यात मात्र सर्वाधिक मतदानाची नोंद झाली आहे. संध्याकाळी 5 वाजेपर्यंत करवीर मतदारसंघात 79 %,  शाहूवाडी मध्ये 74.84 % टक्के तर कागल मध्ये 74.75 % मतदान नोंदवण्यात आले आहे. 

महाराष्ट्र विधानसभा निवडणुकीसाठी आज 21 ऑक्टोबर रोजी 5 वाजेपर्यंत 54.53% मतदान नोंदवण्यात आले आहे. संध्याकाळी 6 वाजेपर्यंत मतदानाचा अवधी असल्याने आता अवघे काहीच क्षण शिल्लक आहेत.

#MaharashtraAssemblyPolls : 54.53% voter turnout recorded till 5 pm for the assembly elections in the state. pic.twitter.com/4yUSCqSqJZ

— ANI (@ANI) October 21, 2019

ठाणे मतदारसंघात सुनील खंबे या अतिउत्साही कार्यकर्त्याने मतदान केंद्रात  EVM मशीन वर शाई फेकून धुडघूस घातला होता. याठिकाणी उपस्थित पोलिसांनी खंबे यांना तातडीने ताब्यात घेतले आहे. 

कर्जत- जामखेड मतदारसंघात भाजपा आणि राष्ट्रवादी काँग्रेसच्या अतिउत्साही कार्यकर्त्यांमध्ये मारामारी झाल्याचे समोर येत आहे. यावेळी एका कार्यकर्त्याच्या नाकावर आणि कपाळावर चाकूने वार झाले आहेत. यानंतर लगेचच पोलिसांनी या सर्वांना ताब्यात घेत कारवाई केली. 

धुळे मतदारसंघातील राष्ट्रवादी काँग्रेसचे उमेदवार अनिल गोटे यांच्यावर मतदान केंद्राच्या बाहेर पैसा वाटप करण्याचा आरोप लागवण्यात आला आहे. पोलिसांनी घटनास्थळावरून 50 हजार रुपयांची रोकड जप्त केल्याचे समजत आहे. 

राज्यभरात आज मतदानाच्या दिवशी EVM मशीन संदर्भात एकूण 221 तक्रारी निवडणूक आयोगाकडे करण्यात आल्या आहेत. काँग्रेसने औरंगाबाद पश्चिम मतदार संघात सर्वात जास्त म्हणजेच 13 तक्रारी नोंदवल्या आहेत, तर नांदेड उत्तर मतदार संघात 10 आणि नांदेड दक्षिणमध्ये 9 तक्रारी समोर आल्या आहेत. 

बॉलिवूडचा भाईजान सलमान खान यांनी नुकताच बांद्रा पश्चिम येथील मतदारकेंद्रावर जाऊन आपला मतदानाचा हक्क बजावला आहे.

Salman Khan cast vote at a polling vote in Bandra (West), Mumbai. #MaharashtraAssemblyPolls pic.twitter.com/n1q0g3MBhz

— ANI (@ANI) October 21, 2019

महाराष्ट्रात दुपारी 3 वाजेपर्यंत 43.78 % मतदान झाले आहे. दुपारी 3 वाजेपर्यंत राज्यात सर्वाधिक म्हणजे 54 टक्के मतदान कोल्हापूर येथे झाले आहे. सर्वात कमी म्हणजे फक्त 26 टक्के मतदान ठाण्यात झाले आहे. मुंबई मध्ये 35 टक्के तर पुण्यात 44 टक्के, नाशिक आणि नागपूरमध्ये 41 टक्के मतदान झाले आहे. 

हिंदी चित्रपट सृष्टीमधील एक महत्वाचे कुटुंब म्हणून बच्चन कुटुंबाकडे पहिले जाते. आत विधानसभा निवडणुकीत जया बच्चन यांनी अभिषेक बच्चन आणि ऐश्वर्या बच्चन यांच्यासोबत जुहू येथील मतदान केंद्रावर आपला मतदानाचा हक्क बजावला.

Jaya Bachchan, Abhishek Bachchan and Aishwarya Rai Bachchan leave after casting their vote at a polling booth in Juhu, Mumbai. #MaharashtraAssemblyElections pic.twitter.com/ABPO6Be6rk

— ANI (@ANI) October 21, 2019

शाहरुख खान आणि त्याची पत्नी गौरी यांनी वांद्रे पश्चिम, मुंबईतील मतदान केंद्र क्रमांक 177 वर मतदान करून आपला हक्क बजावला. 

Shah Rukh Khan and his wife Gauri cast their votes at polling booth no 177 in Bandra West, Mumbai. #MaharashtraAssemblyPolls pic.twitter.com/kp6kt9IYWw

— ANI (@ANI) October 21, 2019

EVM हटाव अशी घोषणा देत रिपब्लिक पक्षाचे सुनील खांबे यांनी मतदान केंद्रात शाई फेकल्याचा प्रकार घडला आहे. ठाणे पोलिसांनी सुनील खांबे यांना ताब्यात घेतले आहे. 

मतदानाचा अवधी संपायला अवघे काही तास शिल्लक राहिले असताना आता जनता घराबाहेर पडण्यास सुरुवात झाली आहे. बॉलिवूडमध्येही मतदानाचा उत्साह अजून पाहायला मिळत आहे. दीपिका पदुकोन, जावेद अख्तर, शबाना आझमी, वरून धवन,  इशा कोपीकर, सोहेल खान, ऋतिक रोशन, अनिल कपूर, विवेक ओबेरॉय, गुलशन ग्रोव्हर यांनी मतदानाचा हक्क बजावला आहे.

Deepika Padukone after casting her vote at a polling booth in Bandra (West), Mumbai. #MaharashtraAssemblyPolls pic.twitter.com/A5uiWkPVms

— ANI (@ANI) October 21, 2019

Shabana Azmi and Javed Akhtar after casting their vote at a polling booth in Mumbai. #MaharashtraAssemblyPolls pic.twitter.com/JQXSL5sxUJ

— ANI (@ANI) October 21, 2019

Mumbai: Actors Anil Kapoor and Hrithik Roshan, leave after casting their vote at a polling booth in Andheri (West). #MaharashtraAssemblyPolls pic.twitter.com/M0FRWQqxCv

— ANI (@ANI) October 21, 2019

देलगुरचे वंचितचे उमेदवार रामचंद्र भरांडे यांच्या गाडीवर दगडफेक करण्यात आली आहे. कॉंग्रेसच्या कार्यकर्त्यांनी हा हल्ला केला असल्याचे सांगण्यात आले आहे. यामध्ये भरांडे किरकोळ जखमी झाले आहेत. पोलीस सध्या या घटनेचा तपास करीत आहेत.    

अभिनेत्री आणि भाजपच्या खासदार हेमा मालिनी मुंबईच्या अंधेरी (पश्चिम) येथील मतदान केंद्रावर मतदानाचा हक्क बजावला. तर केंद्रीय मंत्री स्मृती इराणी यांनीही मुंबई येथे मतदान केले.

#MaharashtraAssemblyPolls: Actor and BJP MP Hema Malini casts her vote at a polling booth in Mumbai's Andheri (West). pic.twitter.com/xkCxLAhq0r

— ANI (@ANI) October 21, 2019

Union Minister Smriti Irani after casting her vote at a polling booth in Mumbai. #MaharashtraAssemblyPolls pic.twitter.com/o1NUcbDYIa

— ANI (@ANI) October 21, 2019

-राज्यात अनेक ठिकाणी ईव्हीएम मशीन बंद पडल्याच्या तक्रारी समोर येत आहेत. 
-गडचिरोलीच्या मतदारसंघात दुपारी 3 पर्यंत मतदान पार पडणार आहे. 

-महाराष्ट्रात दुपारी 1 वाजेपर्यंत 17.79 टक्के मतदान पार पडले आहे. 
-ग्रामीण भागात मतदानाला भरघोस प्रतिसाद मिळत असून शहरी भागात निरुत्साह दिसून येत आहे. 

-महाराष्ट्रभूषण बाबासाहेब पुरंदरे यांनीही बजावला मतदानाचा अधिकार
-जालना येथील अंबड मध्ये बुथ क्रमांक 279, 280 मध्ये  भाजप-राष्ट्रवादीमध्ये  राडा झाला असून यामध्ये एकजण जखमी झाला आहे.  मतदारांना गाडीत बसवून आणल्याचा कारणामुळे दोन गटात हाणामारी झाली आहे. 

बीडमध्ये मतदानाला गालबोट लागल्याची घटना घडली आहे. बोगस मतदार आणले असल्याने क्षीरसागर काका- पुतण्यामध्ये तुफान राडा झाला आहे. जयदत्त क्षीरसागर यांनी आपल्या कॉलेजचे कर्मचारी बोगस मतदार म्हणून आणले, बनावट आधार कार्ड आणि मतदान कार्डाद्वारे हे मतदान घडले असल्याचा आरोप संदीप क्षीरसागर यांनी केला आहे. याबाबत संदीप यांनी रीतसर तक्रार दाखल केली आहे. निवडणूक आयोगाची टीम याबाबत तपास करत आहे. 

गडचिरोली जिल्ह्यात मतदान केंद्रावर जात असताना, शिक्षकाचा मृत्यू झाला आहे. शिक्षकाला भोवळ आल्यानंतर त्याला हॉस्पिटलमध्ये दाखल करण्यात आले होते, मात्र तिथे डॉक्टरांनी या शिक्षकाला मृत घोषित केले. निवडणूकपूर्व कामाच्या तणावामुळे हा मृत्यू झाल्याचे सांगण्यात येत आहे.   

राज्यात आतापर्यंत 17.50 टक्के मतदानाची नोंद झाली आहे. सकाळपासून अनेक नेत्यांनी, कलाकारांनी, दिव्यांग नागरिकांनी मतदान करून इतरांनीही मतदान करावे असे आवाहन केले आहे. तरी सकाळी 11 वाजेपर्यंत महत्वाच्या जिल्ह्यांमध्ये मतदानाची अपेक्षित टक्केवारी गाठता आली नाही. 

सकाळी 11 वाजेपर्यंत झालेले मतदान - 

पालघर - 19 टक्के, नंदुरबार - 20 टक्के, जळगाव - 15 टक्के, बुलढाणा - 16 टक्के,  अकोला - टक्के 17, वाशीम - 13.18 टक्के, अमरावती - 16 टक्के, नागपूर - 20 टक्के, भंडारा - 21 टक्के, लातूर - 12 टक्के, नाशिक - 16 टक्के, जालना - 20 टक्के,  रायगड - 19 टक्के, गोंदिया - 24 टक्के, गडचिरोली - 20 टक्के, चंद्रपूर - 18, यवतमाळ - 19 टक्के, नांदेड - 15 टक्के, परभणी - 17 टक्के, औरंगाबाद - 15 टक्के, ठाणे - 13 टक्के, मुंबई उपनगर - 16 टक्के, पुणे - 16 टक्के, अहमदनगर - 17 टक्के, बीड - 16 टक्के, उस्माबाद - 12 टक्के, सोलापूर - 14 टक्के, सातारा - 18 टक्के, रत्नागिरी - 22 टक्के, सिंधुदुर्ग - 22 टक्के, कोल्हापूर - 23 टक्के, सांगली - 18 टक्के

बांद्रा येथे सचिन तेंडूलकर यांनी आपल्या कुटुंबासह मतदान केले. यावेळी त्याची पत्नी आणि मुलेही सोबत होती. महत्वाचे म्हणजे यावेळी मतदार केंद्रामध्ये एका बॉलवर सचिन तेंडूलकर यांची स्वाक्षरीही घेण्यात आली.

Mumbai: Sachin Tendulkar, wife Anjali and their son Arjun after casting their vote at a polling booth in Bandra (West). #MaharashtraAssemblyPolls pic.twitter.com/SCMPcCOy03

— ANI (@ANI) October 21, 2019

अनके नेत्यांनी सकाळी मतदान करून जनतेसमोर एक आदर्श ठेवला आहे. अशात बॉलीवूडच्या कलाकारांनीही आवर्जून मतदान करून जनतेलाही मतदान करण्याचे आवाहन केले आहे. सुभाष घई, प्रिया दत्त हिने आपल्या पतीसह, दिया मिर्झा, वत्सल सेठ, संजय खान, सोनाली कुलकर्णी, प्रीती झिंटा, कैलाश खेर, सुनील बर्वे, सलील कुलकर्णी, नसरुद्दिन शाह  आदि कलाकारांनी मतदानाचा हक्क बजावला आहे. 

सकाळपासून राज्यात पावसाची रिमझिम चालू आहे, तरी आनंदवन येथील दिव्यांग मतदारांनी मतदान करून एक आदर्श ठेवला आहे. सोबत आमटे कुटुंबानेही मतदानाचा हक्क बजावला आहे.  

राज्यात अनेक ठिकाणी EVM मध्ये बिघाड झाल्याने मतदारांमध्ये गोंधळाचे वातावरण निर्माण झाले आहे. EVM बिघाडाच्या 65 तक्रारी आल्यानंतर कॉंग्रेसकडून निवडणूक आयोगाकडे लेखी तक्रार करण्यात आली आहे. 45 मिनिटांपासून मतदार खोळंबले. 

दुसरीकडे पावसामुळे सोलापूर येथे झाड पडून ओव्हरहेड वायर तुटल्याने वीज गायब झाली आहे, यामुळे मतदान प्रक्रिया ठप्प झाली आहे. 

यंदाच्या विधानसभेवेळी पुण्यातील कोथरूड मतदारसंघाची मोठी चर्चा झाली. भाजपने चंद्रकांत पाटील यांना इथून उमेदवारी दिल्याने नागरिकांनी नाराजी व्यक्त केली होती. मात्र शेवट गोड तर सर्व गोड असे म्हणत चंद्रकांत पाटील यांनी कोथरूड येथे आपल्या कुटुंबासह मतदानाचा हक्क बजावला.  

वांद्रे (पश्चिम) येथील मतदान केंद्रावर ज्येष्ठ अभिनेते प्रेम चोप्रा आणि दिग्दर्शक-गीतकार गुलजार यांनी आपला मतदानाचा हक्क बजावला.

Mumbai: Veteran actor Prem Chopra and Director-lyricist Gulzar leave after casting their votes at a polling booth in Bandra(West) #MaharashtraElections2019 pic.twitter.com/Lj8zBms7EB

— ANI (@ANI) October 21, 2019

पलूस कडेगाव येथे कॉंग्रेसचे उमेदवार विश्वजित कदम यांनी आपल्या कुटुंबासह मतदानाचा हक्क बजावला आहे. त्यांच्या विरोधात भाजपचे संग्राम सिंह देशमुख उभे आहेत. 

दुसरीकडे बडनेर येथे अपक्ष उमेदवार रवी राणा यांनी आपली पत्नी खा. नवनीत राणा यांच्यासह मतदानाचा हक्क बजावला आहे.   

सोलापूर जिल्ह्यातील करमाळा मतदारसंघात नारायण पाटील यांच्या कार्यकर्त्यांना मारहाण करण्यात आली आहे. या मारहाणीत कार्यकर्ते जखमी झाले आहेत. अपक्ष उमेदवार संजय शिंदे यांच्या कार्यकर्त्यांनी ही मारहाण केली असल्याचे सांगितले जात आहे. 

यंदाची विधानसभा ठाकरे कुटुंबासाठी फार महत्वाची आहे. यावेळी पहिल्यांदा ठाकरे घराण्यातील आदित्य ठाकरे निवडणुकीच्या रिंगणात उतरले आहे. दुसरीकडे युती झाल्यावर शिवसेनेला बंडखोरीचे ग्रहण लागले होते. आता गांधीनगर, बांद्रा (पूर्व) येथे उद्धव ठाकरे, आदित्य ठाकरे, तेजस ठाकरे आणि रश्मी ठाकरे यांनी मतदानाचा हक्क बजावला आहे.

Mumbai: Shiv Sena Chief Uddhav Thackeray, wife Rashmi and sons Aditya and Tejas, after casting their vote in Bandra(East). Aditya Thackeray is a candidate from Worli constituency. #MaharashtraAssemblyPolls pic.twitter.com/nleuDjis35

— ANI (@ANI) October 21, 2019

यंदा विधानसभेमध्ये मोठ्या ताकदीनिशी उतरणारे मनसे अध्यक्ष राज ठाकरे यांनी मुंबईच्या बालमोहन शाळेच्या मतदानकेंद्रावर मतदानाचा हक्क बजावला आहे. यावेळी त्यांच्यासोबत त्यांचे कुटुंबीय, पत्नी, मुलगा आणि सून उपस्थित होते. मतदानाआधी राज ठाकरे यांनी सिद्धिविनायकाचे दर्शन घेतले. 

यंदा परळी येथील विधानसभा निवडणूक प्रचंड रंगणार आहे. इथे धनंजय मुंडे विरुद्ध पंकजा मुंडे अशी लढत होणार आहे. 'प्रत्येक नात्याचा आदर करतो', असे म्हणत आज सकाळी परळी येथे धनंजय मुंडे यांनी मतदानाचा हक्क बजावला आहे. तर नाथ्र्यात पंकजा मुंडे यांनी मतदानाचा हक्क बजावला. 

सकाळीच मतदान करून राज्यातील अनेक नेत्यांनी जनतेसमोर एक आदर्श ठेवला आहे. आता राज्याचे मुख्यमंत्री देवेंद्र फडणवीस यांनी आपली पत्नी अमृता फडणवीस आणि आई यांच्यासोबत नागपूर येथे मतदानाचा हक्क बजावला.

#MaharashtraAssemblyElections2019: Chief Minister Devendra Fadnavis, wife Amruta & mother Sarita after casting their vote, at a polling booth in Nagpur. pic.twitter.com/iDb5YgE8bt

— ANI (@ANI) October 21, 2019

अभिनेत्री माधुरी दीक्षित हिने जुहूच्या गांधी शिक्षण भवन येथे मतदानाचा हक्क बजावला.

Mumbai: Actor Madhuri Dixit leaves after casting her vote at a polling booth in Bandra(West) #MaharashtraElections2019 pic.twitter.com/BwiFmUsCin

— ANI (@ANI) October 21, 2019

प्रसून जोशी, अमीर खान, किरण राव, महेश भूपती आणि लारा दत्ता यांनी मुंबई येथे मतदानाचा हक्क बजावला आहे.

Mumbai: Actor Aamir Khan arrives to cast his vote at a polling booth in Bandra(West), says 'I appeal to all citizens of Maharashtra to come out and vote in large numbers'. #MaharashtraAssemblyPolls pic.twitter.com/3VwbrEm3LM

— ANI (@ANI) October 21, 2019

Mumbai: Former tennis player Mahesh Bhupati, wife and actor Lara Dutta after casting their vote at a polling booth in Bandra(West) #MaharashtraAssemblyPolls pic.twitter.com/IFy8jc5MNS

— ANI (@ANI) October 21, 2019

आतापर्यंत राज्यात 6 टक्के मतदानाची नोंद झाली आहे. राज्यात सर्वात जास्त म्हणजेच 22 टक्के मतदान हे जुन्नर येथे झाल्याची नोंद आहे. औरंगाबाद जिल्ह्यात मध्ये 7 तर मुंबई येथे 5 टक्के, जालना जिल्ह्यात 10 टक्के मतदान झाले आहे. 

प्रकाश आंबेडकर यांनी अकोला येथे, खा. पूनम महाजन यांनी मुंबई येथे तर पुण्याच्या महापौर मुक्ता टिळक यांनी पुण्यात मतदानाचा हक्क बजावत, जनतेला मतदान करण्याचे आवाहन केले आहे 

राष्ट्रवादीचे प्रमुख शरद पवार यांनी मुंबईच्या ताडदेव येथे नात रेवती सुळे आणि जावई सदानंद सुळे यांच्यासोबत  मतदानाचा हक्क बजावला आहे. 

रितेश देशमुख, जेनेलिया, धीरज देशमुख यांनी आपल्या कुटुंबासह  यांनी लातूर येथील बाभळगाव येथे मतदानाचा हक्क बजावला.

#MaharashtraAssemblyElections: Ritesh Deshmukh, his wife Genelia D'Souza & family cast their votes at a polling booth in Latur. His brothers Amit Deshmukh & Dhiraj Deshmukh are contesting polls as Congress candidates from Latur city & Latur rural constituencies, respectively. pic.twitter.com/U9zA9ozZwp

— ANI (@ANI) October 21, 2019

राज्यात अनेक ठिकाणी मतदानावर पावसाचे सावट असलेले दिसून येत आहे. पहिल्या तासात संपूर्ण राज्यात 6 टक्के मतदानाची नोंद झाली आहे. 

राष्ट्रवादी कॉंग्रेसचे ज्येष्ठ नेते प्रफुल्ल पटेल आणि त्यांची पत्नी वर्षा यांनी गोंदिया विधानसभा मतदार संघातील मतदान केंद्रावर मतदान केले. या मतदारसंघातून भाजपचे गोपाळ अग्रवाल आणि कॉंग्रेसचे अमर वराडे निवडणूक लढवित आहेत. 

आज महाराष्ट्रात विधानसभा निवडणुकीसाठी मतदान पार पडत आहे. मतदानावर पावसाचे सावट असूनही बॉलिवूडमध्ये मतदानाबद्दल उत्साह दिसून येत आहे. अतुल कुलकर्णी, राजेश श्रुंगारपुरे नंतर आता अभिनेत्री पद्मिनी कोल्हापुरे, सोनाली कुलकर्णी, रेणुका शहाणे, किशोरी शहाणे यांनी मतदानाचा हक्क बजावला आहे.  

शिवाजी नगर येथील विद्या भवन शाळेत मतदानाला सुरुवात झाल्यावर वीज गायब झाली आहे. विजेअभावी मतदान थांबू नये म्हणून चक्क मेणबत्तीच्या प्रकाशात मतदान सुरु आहे. तर वर्धा येथील हिंगणघाट मतदासंघामध्ये तांत्रिक बिघाडामुळे गेले 1 तास EVM बंद आहे.  

राज्यात पुन्हा युतीला कौल मिळेल असे म्हणत गिरीश महाजन यांनी मतदानाचा हक्क बजावला. तर सोलापूर येथे सुशील कुमार शिंदे यांनीही मतदान केले. 

राज्यात ज्या लढतीकडे सर्वांचे लक्ष लागले आहे त्यातील एक म्हणजे बारामतीची निवडणूक. अजित पवार यांनी सकाळी लवकर मतदान केल्यावर खा. सुप्रिया सुळे यांनीदेखील आपल्या कुटुंबासह काटेवाडी मतदारसंघामध्ये मतदानाचा हक्क बजावला आहे.

Maharashtra: Senior Nationalist Congress Party (NCP)leader Supriya Sule after casting her vote in Baramati. Her cousin and NCP leader Ajit Pawar is contesting against BJP's Gopichand Padalkar from the constituency. #MaharashtraAssemblyPolls pic.twitter.com/unsex40pLC

— ANI (@ANI) October 21, 2019

सकाळी लवकर मतदान करून अनेक नेत्यांनी जनतेसमोर एक आदर्श ठेवला आहे. अशात नागपूर येथील टाऊन हॉलच्या महाल मतदारसंघात केंद्रीय मंत्री नितीन गडकरी यांनी आपल्या कुटुंबासह मतदानाचा हक्क बजावला आहे.

Union Minister Nitin Gadkari and wife Kanchan, after casting their vote in Nagpur. #MaharashtraAssemblyPolls pic.twitter.com/b8qLWHLYOi

— ANI (@ANI) October 21, 2019

महाराष्ट्र आणि हरियाणा येथे आज मतदानाला सुरुवात झाली आहे. या पार्श्वभूमीवर पंतप्रधान नरेंद्र  मोदी यांनी मराठीमधून मतदान करण्याचे आवाहन केले आहे. 'विक्रमी संख्येने मतदान करून लोकशाहीचा हा उत्सव समृद्ध करावा' असे पंतप्रधान म्हणत आहेत

आज महाराष्ट्राची जनता पुढील पाच वर्षे कोणाला सरकार चालविण्याची संधी द्यायची हे ठरविणार आहेत.

तेव्हा महाराष्ट्रातील माझ्या सर्व बंधू-भगिनी विशेषत: माझ्या तरुण मित्रांना माझे आवाहन आहे की, आज विक्रमी संख्येने मतदान करून लोकशाहीचा हा उत्सव समृद्ध करावा!

— Narendra Modi (@narendramodi) October 21, 2019

राज्यात आज सकाळी 7 वा मतदानाला सुरुवात झाल्यावर सकाळी मुंबई येथे अभिनेत्री शुभा खोटे यांनी अंधेरी पश्चिम येथे मतदानाचा हक्क बजावला आहे.

Mumbai: Actress Shubha Khote after casting her vote for the Andheri West constituency. #MaharashtraAssemblyPolls pic.twitter.com/mr5ATyZZIY

— ANI (@ANI) October 21, 2019

सांगली जिल्ह्यातील इस्लामपूर येथील मतदान केंद्रावर EVM मध्ये बिघाड झाल्याने मतदान थांबले आहे. जयंत पाटील यांचे हे मतदान केंद्र असून, EVM  बिघाडामुळे गेले 40 मिनिटे ते केंद्राबाहेर खोळंबले आहेत 

राज्यात पाऊस असूनही मतदारांचा उत्साह अमाप आहे. आज सकाळी अभिनेता अतुल कुलकर्णी याने गीतांजली कुलकर्णीसह मुंबई येथे मतदानाचा हक्क बजावला 

गेले काही दिवस महाराष्ट्रात मुसळधार पाऊस पडत आहे. याच काळात महाराष्ट्रात विधानसभा निवडणुका पार पडत असल्याने आजच्या मतदानावर पावसाचे सावट असल्याचे दिसून येत आहे.  मतदानासोबत राज्यात ठिकठिकाणी रिमझिम पावसालाही सुरुवात झाली आहे. मात्र तरी अनेक मतदानकेंद्रांवर लोकांनी सकाळी साडेसहा वाजेलेपासून रांगा लावल्याचे दिसून येत आहे.  

महाराष्ट्राचे शिक्षण मंत्री आशिष शेलार यांनी वांद्रे पश्चिम येथे बजावला मतदानाचा हक्क 

आज, 21 ऑक्टोबर रोजी महाराष्ट्रात 13 व्या विधानसभा निवडणुकीला सुरुवात झाली आहे. सकाळी लवकर उदयनराजे भोसले यांनी सातारा येथे , मोहन भागवत यांनी नागपूर येथे, अजित पवार यांनी आपल्या कुटुंबासह बारामती येथे मतदानाचा हक्क बजावला.

Maharashtra: Senior Nationalist Congress Party (NCP)leader and candidate from Baramati, Ajit Pawar after casting his vote, he is contesting against BJP's Gopichand Padalkar. #MaharashtraAssemblyPolls pic.twitter.com/1FzwYP29Fn

— ANI (@ANI) October 21, 2019