Maharashtra Assembly Election Results 2019: नसीम खान, रमेश थोरात, यांच्यासहीत अवघ्या काही मतांनी विजयी झालेल्या उमेदवारांची माहिती घ्या जाणून

Maharashtra Election (FIle Image)

महाराष्ट्र विधानसभा निवडणुकीचा निकाल आज गुरुवारी जाहीर झाला असून, राज्यातील काही मतदारसंघातील चुरशीच्या लढतीने राजकीय नेत्यांचे लक्ष वेधून घेतले आहे. महाराष्ट्र विधानसभा निवडणुकीच्या निकालाने अनेकांना धक्का दिला आहे. दरम्यान सांगोला, कोपरगाव, चांदवली, अर्जूनी मोरगाव, दौंड या ठिकाणी चुरशीची लढत पाहायला मिळाली आहे. या मतदारसंघात शहाजी बापूराव पाटील, आशुतोष काळे, नसीन खान, मनोहर चंद्रिकापूरे, रमेश किशन थोरात यांच्या हाती यश आले आहे. त्याचबरोबर ही निवडणूक सर्व विजयी आमदारांसाठी अवस्मरणीय ठरली आहे. कारण, वरील सर्व उमेदवारांना या निवडणुकीत विजयासाठी मोठी झुंज द्यावी लागली असून,अवघ्या काहीच मतांनी त्यांचा विजय झाला आहे.