Maharashtra Budget 2020: राज्यातील प्रत्येक जिल्ह्यांमध्ये महिलांसाठी एक पोलीस स्थानक उभारणार- उपमुख्यमंत्री अजित पवार
आज विधानभवनात महाराष्ट्राचा अर्थसंकल्प सादर करण्यात येत आहे. हा अर्थसंकल्प महाराष्ट्राचे उपमुख्यमंत्री अजित पवार (Ajit Pawar) यांनी सादर केला असून राज्यातील नागरिकांना कोणत्या सोईसुविधा या अर्थसंकल्पतून मिळणार आहेत.
आज विधानभवनात महाराष्ट्राचा अर्थसंकल्प सादर करण्यात येत आहे. हा अर्थसंकल्प महाराष्ट्राचे उपमुख्यमंत्री अजित पवार (Ajit Pawar) यांनी सादर केला असून राज्यातील नागरिकांना कोणत्या सोईसुविधा या अर्थसंकल्पतून मिळणार आहेत ते कळणार आहे. तसेच अर्थराज्यमंत्री शंभुराजे देसाई हे विधानपरिषदेत अर्थसंकल्प मांडणार आहे. तर अजित पवार यांनी अर्थसंकल्प सादर करताना काही महत्वाचे निर्णय जाहीर केले आहेत. या अर्थसंकल्पातून महिलांसाठी सुद्धा काही तरतूद करण्यात आली आहे. त्यानुसार 1 हजार कोटी पर्यंतची खरेदी महिला बचत गटांच्या माध्यमातून करण्याची तरतूद सरकारकडून अर्थसंकल्पात करण्यात आली आहे. महिला आणि तरूणींना माफक दरात सॅनिटरी नॅपकीन उपलब्ध करून दिले जाणार आहेत.
मुख्यमंत्री उद्धव ठाकरे यांच्या सरकारचे हे पहिलेच अर्थसंकल्प आहे. त्यामुळे विविध योजनांबाबत कोणत्या तरतूदी करण्यात येणार याकडे सर्वांचे लक्ष लागून होतेच. तर आज अखेर विधानभवनात अजित पवार यांनी अर्थसंकल्प सादर केला आहे. त्यानुसार महिलांसाठी राज्यातील सर्व जिल्ह्यात एक पोलीस स्थानक उभारले जाणार आहे. या पोलीस स्थानकाचे नेतृत्व महिला अधिकारीच करणार एखाद्या महिलेला काही तक्रार करायची झाल्यास ती येथे करु शकणार आहे.(Maharashtra Budget 2020-21 Live Updates: राज्यात पेट्रोल डिझेलच्या किमतीत 1 रुपयाची वाढ)
Maharashtra Deputy Chief Minister Ajit Pawar in the state assembly: All districts in the state will have one women police station having only women police officers. https://t.co/D8mKXxUaMS pic.twitter.com/maDpeKHkah
— ANI (@ANI) March 6, 2020
ऐवढेच नाही तर तृतीयपंथींच्या हक्कांसाठी एका मंडळाची स्थापना करण्यात येणार आहे. तर सामाजिक न्याय विभागातील कामांसाठी 9668 कोटींच्या निधीची तरतूद करण्यात येणार असल्याचे अजित पवार यांनी जाहीर केले आहे. अखिल भारतीय मराठी नाट्यसंम्मेलनासाठी 10 कोटींचा निधी देण्यात येणार आहे. त्याचसोबत महाराष्ट्र राज्यात पेट्रोल डिझेल वर देण्यात येणारी सवलत ही 2500 कोटींवरून 1800 कोटींवर कमी करण्यात आली आहे. यामुळे राज्यात अतिरिक्त कर वाढून पेट्रोल डिझेलची किंमत 1 रुपयाने वाढणार आहे.
(The above story first appeared on LatestLY on Mar 06, 2020 12:24 PM IST. For more news and updates on politics, world, sports, entertainment and lifestyle, log on to our website latestly.com).
