Mumbai: लोको पायलटने जीव धोक्यात घालून नदीच्या पुलावर थांबलेली ट्रेन पुन्हा सुरू केली, व्हिडिओ सोशल मीडियावर व्हायरल
सोशल मीडियावर व्हायरल झालेल्या व्हिडिओमध्ये, एएलपी सतीश कुमार हे अलार्म चेन नॉब रीसेट करण्यासाठी नदीच्या पुलावर थांबलेल्या छपरा-जाणाऱ्या गोदान एक्स्प्रेसच्या खाली चाके आणि इतर उपकरणांमध्ये रेंगाळताना दिसत आहेत. मध्य रेल्वेचे प्रवक्ते शिवाजी सुतार यांनी सांगितले की, कोणीतरी अलार्मची साखळी ओढली, त्यामुळे ट्रेन थांबली.
मध्य रेल्वेच्या (Central Railway) एका वरिष्ठ सहाय्यक लोको पायलटने (ALP) आपला जीव धोक्यात घालून टिटवाळा व खडवली स्थानकांदरम्यान नदीच्या पुलावर थांबलेल्या एक्स्प्रेस ट्रेनचा अलार्म चेन नॉब रिसेट करून ट्रेन पुन्हा सुरू केली. मध्य रेल्वेने गुरुवारी शहरापासून सुमारे 80 किमी अंतरावरील टिटवाळा आणि खडवली दरम्यान या घटनेचा व्हिडिओ ट्विटरवर शेअर केला आहे. यासोबतच रेल्वेने नागरिकांना विनाकारण अलार्मची साखळी ओढू नका, असे आवाहन केले आहे. सोशल मीडियावर व्हायरल झालेल्या व्हिडिओमध्ये, एएलपी सतीश कुमार हे अलार्म चेन नॉब रीसेट करण्यासाठी नदीच्या पुलावर थांबलेल्या छपरा-जाणाऱ्या गोदान एक्स्प्रेसच्या खाली चाके आणि इतर उपकरणांमध्ये रेंगाळताना दिसत आहेत. मध्य रेल्वेचे प्रवक्ते शिवाजी सुतार यांनी सांगितले की, कोणीतरी अलार्मची साखळी ओढली, त्यामुळे ट्रेन थांबली.
Tweet
सहाय्यक लोको पायलट, सतीश कुमार यांनी स्वतःचा जीव धोक्यात घालून टिटवाळा व खडवली स्थानकांदरम्यान नदीच्या पुलावर थांबलेल्या ट्रेन 11059 गोदान एक्स्प्रेसची अलार्म चेन रीसेट केली.
प्रवाशांना विनंती आहे की, अलार्म चेन अनावश्यकपणे ओढू नका, ही सुविधा फक्त आपत्कालीन परिस्थितीसाठी आहे. pic.twitter.com/9VGV8D6IgC
— Shivaji M Sutar (@ShivajiIRTS) May 5, 2022
ट्रेन पुन्हा सुरू होण्यासाठी, या डब्यात साखळी ओढली गेल्याने त्याच्या दुसऱ्या शेवटच्या डब्याचा नॉब रिसेट करणे आवश्यक होते. सुतार म्हणाले की, परिस्थितीचे गांभीर्य समजून सतीश कुमार यांनी आपला जीव धोक्यात घालून ट्रेनखाली रेंगाळत अलार्म चेन नॉब रीसेट करण्यात यश मिळवले. त्यांच्या या कृतीमुळे इतर गाड्यांना होणारा विलंब संपला आणि अनेक प्रवाशांचा वेळही वाचला. (हे देखील वाचा: Mumbai AC Local Train: तिकीट दरात कपात होताच गारेगार प्रवासासाठी मुंबईकरांची गर्दी, एसील लोकल प्रवाशांच्या संख्येत वाढ)
मध्ये रेल्वेचे अधिकारी शिवाजी सुतार म्हणाले की, मध्य रेल्वे प्रवाशांना विनंती करते की विनाकारण अलार्म चेन ओढू नका. ते म्हणाले की, 16 एप्रिल ते 30 एप्रिल 2022 या कालावधीत एकट्या मुंबई विभागात चेन पुलिंगच्या 197 घटनांची नोंद झाली आहे.
(The above story first appeared on LatestLY on May 07, 2022 10:36 AM IST. For more news and updates on politics, world, sports, entertainment and lifestyle, log on to our website latestly.com).
