Kunal Kamra ‘Gaddar’ Remark Row: कॉमेडियन कुणाल कामरा फक्त 'या' अटीवर माफी मागण्यास तयार - रिपोर्ट्स
मुख्यमंत्री देवेंद्र फडणवीस यांनी देखील 'अभिव्यक्ती स्वातंत्र्याच्या नावाखाली अनुचित टिप्पण्या खपवून घेतल्या जाणार नाहीत.' असं म्हणत कामराने माफी मागण्यास सांगितलं आहे.
कॉमेडियन कुणाल कामराने (Kunal Kamra) 'Naya Bharat' या त्याच्या युट्युब चॅनेलवर एक खास विनोदी कार्यक्रमाचा व्हिडिओ अपलोड केला आहे. शिवसैनिकांनी या व्हिडिओ वर आक्षेप घेत राडा घातला आहे. 'गद्दार' या शब्दावरून भडकलेल्या शिवसैनिकांनी रविवार (23 मार्च) रात्री जेथे व्हिडिओ शूट झाला त्या खार स्थित स्टुडिओची तोडफोड केली आहे. दरम्यान कुणालने प्रत्यक्ष एकनाथ शिंदे यांचे नाव घेतलेले नाही पण शिवसैनिक आक्रमक झाल्याने आता त्यांच्याकडून कुणाल कामराने माफी मागावी अशी मागणी समोर आली आहे.
कुणाल कामरा माफी मागणार?
कुणाल कामरा सध्या मुंबई बाहेर असल्याची माहिती काही मीडीया रिपोर्ट्स मधून समोर आले आहे. सूत्रांच्या माहितीच्या आधारे, कुणाल कामराशी मुंबई पोलिसांनी फोनवरून संपर्क साधला आहे. यामध्ये महाराष्ट्राचे उपमुख्यमंत्री आणि शिवसेना नेते एकनाथ शिंदे यांना 'गद्दर' किंवा देशद्रोही असे संबोधल्याबद्दल त्यांना 'खेद' वाटत नाही, असे कुणाल कामराने मुंबई पोलिसांना सांगितले आहे. दरम्यान माफी मागण्याचा प्रश्न आला तर ती मागण्यास मला कोर्ट सांगत असल्यास ती माफी मागितली जाईल असे कुणालने सांगितल्याचे NDTV ने वृत्तात सांगितले आहे.
शिवसेनेकडून अल्टिमेटम
Mumbai, Maharashtra | On Kunal Kamra row, Shiv Sena leader Sanjay Nirupam says, "At present, an FIR has been lodged against him in MIDC police station, but if he does not apologize, the law will do its work in its way, and we will do our work in our way. Freedom of expression… https://t.co/AXWu297tfn pic.twitter.com/vdP53vpwhm
— ANI (@ANI) March 24, 2025
संजय निरूपम यांनी दिलेल्या प्रतिक्रियेमध्ये "सध्या कामरा विरुद्ध MIDC पोलिस ठाण्यात FIR दाखल करण्यात आला आहे. परंतु जर त्यांनी माफी मागितली नाही तर कायदा त्यांच्या पद्धतीने काम करेल आणि आम्ही आमचे काम आमच्या पद्धतीने करू. या देशात अभिव्यक्ती स्वातंत्र्य आहे, पण त्याचा गैरवापर होऊ नये. कुणाल कामराने त्याचा गैरवापर केला आहे. त्यांनी अपशब्द वापरले आहेत. हे विनोद नाही, उथळपणा आहे. अशा उथळ लोकांना शिवसेना स्टाईल मध्ये धडा शिकवला जाईल."
कुणाल कामराने का मागावी माफी? आदित्य ठाकरेंचा सवाल
#WATCH | Mumbai: Shiv Sena-UBT MLA Aaditya Thackeray says, "...Why should Kunal Kamra apologize? If this traitor and thief is Eknath Shinde, then Kunal Kamra must apologize. But Eknath Shinde should first answer whether he is a traitor or a thief."
He further says, "On January… pic.twitter.com/dnu7ardrpY
— ANI (@ANI) March 24, 2025
उद्धव ठाकरे गटाकडून कुणाल कामरा यांचे समर्थन केले जात आहे. 'कुणाल ने एकनाथ शिंदे यांचे थेट नाव घेतलेले नाही मग त्यांच्या नाकाला मिर्ची का झोंबत आहे? कुणाल कामरा ने का मागावी त्यांची माफी?' असा सवाल आदित्य ठाकरे यांनी विचारचा आहे.
(The above story first appeared on LatestLY on Mar 24, 2025 04:53 PM IST. For more news and updates on politics, world, sports, entertainment and lifestyle, log on to our website latestly.com).
