कुख्यात गुंड एजाज लकडावाला याचा साथीदार सलीम महाराज  याला काही वेळापूर्वी मुंबई गुन्हे शाखेकडून अटक करण्यात आली आहे. खंडणी प्रकरणात सलीम यांचे नाव देखील गुंतले असल्याने ही कारवाई करण्यात आली.

DHFL चे सीईओ कपिल वाधवा यांना ED ने अटक केली आहे. इक्बाल मिर्ची मनी लाँडरिंग प्रकरणी  बेकायदा निधी जमवल्याचा आरोप कपिल वाधवा यांच्यावर ठेवण्यात आला आहे. वाधवा यांची रवानगी ईडीच्या कोठडीत करावी जेणेकरुन त्यांची याप्रकरणी चौकशी करता येईल अशी विनंती विशेष न्यायालयाला करण्यात आली आहे.

मुंबई, उत्तर कोकण व गोव्यात एक ते दोन ठिकाणी मेघ गर्जनेसह हल्या पावसाची शक्यता आहे. मुंबईत उद्या आकाश ढगाळ राहील असा अंदाज स्कायमेट तर्फे वर्तवण्यात आला आहे.

एल्गार परिषदेप्रकरणी विशेष तपासासाठी कारवाईला वेग आला आता. आता कागदपत्र ताब्यात घेण्यासाठी NIA टीम पुणे आयुक्तालयात दाखल झाली आहे. 

लोणंद येथील सोना अलायन्स कंपनीचे व्यवस्थापक राजकुमार जैन यांना मारहाण व खंडणी मागितल्या प्रकरणी दाखल करण्यात आलेल्या खटल्यात सातारा सत्र न्यायालयाकडून उदयनराजे भोसले यांच्यासह 12 जणांना निर्दोष ठरवण्यात आले आहे. 

निर्भया बलात्कार प्रकरणी सर्वोच्च न्यायालयात उद्या (28 जानेवारी) दिवशी 12.30 वाजता तीन न्यायाधीशांचे खंडपीठ महत्त्वपूर्ण सुनावणी करणार आहे. मुकेश  या निर्भया बलात्कार आणि हत्या प्रकरणातील दोषींनी राष्ट्रापतींनी फेटाळलेल्या दया याचिकेला न्यायालयात आव्हान दिले आहे. 

मुंबई पुलिसांच्या एंटी एक्सटॉर्शन सेलद्वारा अटकेत असलेली शिफा शेखचा जामीन कोर्टाने फेटाळला आहे.  शिफा ला  मुंबई इंटरनेशनल एयरपोर्ट वरून अटक करण्यात आली होती.

Mumbai's Esplanade court rejected the bail plea filed by Shifa Sheikh, daughter of gangster Ejaz Lakdawala in an extortion case. #Maharashtra

— ANI (@ANI) January 27, 2020

पंकजा मुंडे यांनी आज उपोषणादरम्यान मराठवाड्यातील जनतेच्या समस्या मांडल्या. तसेच त्या यापुढे समाजसेविका म्हणून काम करणार असल्याचे सांगितले. परंतु, "मी पक्ष सोडणार या अफवांवर विश्वास ठेवू नका," असं म्हणत त्यांनी आपली पुढील राजकीय वाटचाल काय असेल हे देखील स्पष्ट केले आहे. 

पंकजा मुंडे यांनी आज ओरंगाबाद विभागीय आयुक्त कार्यालयासमोर लाक्षणिक उपोषण केलं. मात्र जनतेशी संवाद साधताना त्यांनी गोपीनाथ मुंडे प्रतिष्ठानच्या माध्यमातून जनतेच्या कामांसाठी लढा देणार असल्याचे सांगितले. तसेच भाजपने उपोषणाला पाठिंबा दिल्याने पक्षातील सर्व नेत्यांचेही त्यांनी आभार व्यक्त केले. त्या यापुढे समाजसेवक म्हणूनच काम करणार असल्याचंही त्यांनी सांगीतलं.

जिहाधिकाऱ्यांची बैठक घेऊन विकास कामांचा आढावा घेतला तसेच मागच्या सरकारच्या कामांचा आढावा घेतला. मागच्या सरकारने काही विभागांना कमी-जास्त निधी दिला होता. मात्र आता सर्व विभागांना देण्यात येणाऱ्या निधीचं योग्य वाटप करण्यात येईल.

नवी मुंबई येथे 16 फेब्रुवारीला भाजपाची राज्यपरिषद होणार आहे. सकाळपासून संध्याकाळपर्यंत चालणाऱ्या या परिषदेत नव्या भाजपच्या प्रदेशाध्यध्यक्षांची निवड करण्यात येणार आहे. 

अभिनेत्री प्राजक्ता माळी हिच्याविरोधात तिची डिझायनर जान्हवी मनचंदा हिने मारहाण केल्याच्या आरोपाखाली तक्रार दाखल केली होती. परंतु, ठाणे सेशन कोर्टाने त्यावर सुनावणी करत हा खटला रद्द केला आहे. न्यायालयाने दिलेल्या आदेशात कायदेशीर त्रूटी असल्याचे स्पष्ट केले आहे. 

राज्याचे सार्वजनिक बांधकाम मंत्री अशोक चव्हाण यांनी शिवसेनेने उद्देशपत्रीकेबाहेर जाऊन एकही काम केले तरी, काँग्रेस महाविकासआघाडी सरकारमधून बाहेर पडले असे म्हटले आहे. त्यामुळे येत्या काळात उद्धव ठाकरे यांच्यासमोरील आव्हान सोपे नसल्याची चर्चा सुरु झाली आहे.

Air India Disinvestment: केंद्र सरकारने एअर इंडिया (Air India) कंपनीचे खासगीकरण (Privatization) करण्याचा निर्णय जवळपास घेतल्यात जमा आहे. एअर इंडियाचे 100 टक्के समभाग विकण्याचा निर्णय केंद्र सरकारने घेतला आहे. त्यामुळे येत्या काळात ही कंपनी पूर्णपणे खासगी होऊन जाईल, असे बोलले जात आहे.

मनसेच्या प्रमुख पदाधिकाऱ्यांची बैठक नुकतीच पार पडली आहे. मनसे नेते बाळा नांदगावकर यांनी पत्रकारांशी बोलताना सांगितले की 9 फेब्रुवारी रोजी CAA च्या समर्थनार्थ एक मोर्चा काढण्यात येणार आहे. परंतु, पोलिसांकडून परवानगी मिळाल्यावर त्यासंदर्भातील अधिक माहिती देण्यात येईल. 

जगभरात प्रसिद्ध असलेल्या ग्रैमी अवार्डच्या विजेत्यांची नावे नुकतीच जाहीर झाली आहेत. त्यात अमेरिकेचे माजी राष्ट्रपती बराक ओबामा यांच्या पत्नी मिशेल ओबामा (Michelle Obama) आणि जगप्रसिद्ध गायिका लेडी गागा (Lady Gaga) यांचे नाव विजेत्यांच्या यादीत आहे. हा पुरस्कार हॉलिवुड आणि जगभरातील संगित क्षेत्रामध्ये अत्यंत मानाचा समजला जातो. 

जनगाव मनपामध्ये नवीन महापौर कोण होणार या विषयी मोठी उत्सुकता निर्माण झाली होती. अखेर भाजपच्या भारती सोनवणे यांचे नाव महापौरपदी जाहीर झाले असून त्यांची बिनविरोध निवड झाली आहे.

मनसे अध्यक्ष राज ठाकरे यांनी आज पक्षातील पदाधिकाऱ्यांची बैठक बोलावली होती. परंतु, तिथे जाऊन केवळ 10 मिनिटांच्या अवधीत त्यांनी आपली बैठक संपवून तिथून रवाना झाले आहेत. राज ठाकरे यांना थ्रोट इन्फेक्शन झाले असल्याने ते या बैठकीला जास्त वेळ थांबले नाहीत असं मनसे कार्यकर्त्यांनी माध्यमांशी बोलताना सांगितले आहे. 

मनसे अध्यक्ष राज ठाकरे हे नुकतेच रंगशारदा येथे पोहोचले आहेत. इथे ते पदाधिकाऱ्यांची बैठक घेणार असून CAA आणि NRC ला समर्थन देण्याची दिशा ठरवणार असल्याचे बोलले जात आहे. 

माजी मुख्यमंत्री देवेंद्र फडणवीस यांनी पंकजा मुंडे यांच्या उपोषणाला उपस्थित राहून, आघाडी सरकारवर हल्लाबोल केला आहे. ते म्हणाले की, "मराठवाड्याच्या हिश्श्याचे पाणी आमच्या सरकारने द्यायचा प्रयत्न केला होता. परंतु, आताच्या सरकारने त्या योजना रद्द केल्या तर आम्ही मोठी लढाई लढू." तसेच आघाडीच्या काळात मराठवाड्यावर अन्याय होत असल्याचे त्यांनी सांगितले आहे.

भाजप नेत्या व माजी मंत्री पंकजा मुंडे यांनी सुरु केलेल्या लाक्षणिक उपोषणाला माजी मुख्यमंत्री व विरोधीपक्षनेते देवेंद्र फडणवीस नुकतेच पोहोचले आहेत. ते नक्की कोणत्या मुद्दयांवर बोलणार याकडे संपूर्ण मराठवाड्याच्या जनतेचे लक्ष लागले आहे. त्यांच्यासोबत भाजपमधील अनेक बडे नेते देखील या उपोषणाला हजर राहिले आहेत. 

दिल्ली पाठोपाठ आता मुंबईतही सुधारित नागरिकत्त्व कायदा आणि एनआरसी विरोधात मुस्लिम महिलांनी ठिय्या आंदोलन सुरू केले आहे. मुंबई सेंट्रल येथील नागपाडा परिसरारात काल रात्रीपासून (26 जानेवारी) शेकडो मुस्लिम महिला रस्त्यावर उतरल्या असून ठिय्या आंदोलन करत आहेत. तसेच पुरुषसुद्धा या आंदोलनात उतरलेले दिसून येतात.

पंकजा मुंडे यांनी त्यांच्या लाक्षणिक उपोषणाला सुरुवात केली आहे. उपोषणाला सुरुवात करताना त्यांनी जनतेशी संवाद साधला व त्यांचे उपोषण हे उद्धव ठाकरे यांच्या सरकारवर निशाणा साधण्यासाठी व टीका करण्यासाठी नाही असे पंकजा मुंडे यांनी स्पष्ट केले. तसेच हे उपोषण फक्त मराठवाड्यातील पाणीप्रश्नाकडे सरकारचे लक्ष वेधून घेण्यासाठी आहे असंही त्या म्हणाल्या. 

पंकजा मुंडे ओरंगाबाद विभागीय आयुक्त कार्यालयासमोर दाखल झाल्या असून थोड्याच वेळात लाक्षणिक उपोषणाला सुरुवात होणार आहे. त्यांच्यासह आमदार अतुल सावे, हरिभाऊ बागडे व स्थानिक कार्यकर्त्यांची गर्दी उपोषण स्थळी पाहायला मिळत आहे. 

आज महाराष्ट्र नवनिर्माण सेनेची एक महत्त्वाची बैठक बोलावण्यात आली आहे. या बैठकीला मनसे अध्यक्ष राज ठाकरे यांच्यासह पक्षातील अनेक पदाधिकारी उपस्थित राहणार आहेत. ही बैठक मुंबईतील वांद्रे परिसरात असलेल्या रंगशारदा सभागृहात होणार असून ‘सीएए’ कायद्याच्या समर्थनार्थ मनसेला काय पाऊले उचलता येतील याबद्दल चर्चा इथे होण्याची शक्यता आहे.

अर्थसंकल्पीय अधिवेशनाच्या प्राश्वभूमीवर मुखमंत्री उद्धव ठाकरे यांनी एक महत्त्वाची बैठक बोलावली आहे. ही बैठक आज दुपारी सह्याद्री बंगल्यावर पार पडणार आहे. 

आठवड्याच्या पहिल्याच दिवशी पश्चिम रेल्वेची वाहतूक विस्कळीत झाली असल्याने विरार ते चर्चगेट दरम्यानच्या सर्व लोकल गाड्या 20 ते 25 मिनिटे उशिराने धावत आहेत. पालघर आणि केळवा या दरम्यानच्या सिग्नलमध्ये बिघाड झाल्याने सर्व गाड्या उशिरा धावत आहेत. यामुळे सर्व प्रवाशांची वाहतूक कोंडी झाली आहे. 

जगभरात प्रसिद्ध असलेला अमेरिकन बास्केटबॉलपटू कोबी ब्रायंट याचा हेलिकॉप्टर अपघातात मृत्यू झाला आहे. त्याच्यासोबत त्याची 13 वर्षीय मुलगी देखील या हेलिकॉप्टरमधून प्रवास करत असल्याने तिलाही या अपघातात आपले प्राण गमवावे लागले आहेत. रविवारी, अमेरिकेच्या कॅलिफोर्निया येथील कॅलाबॅस या परिसरात हा अपघात झाला.

महाराष्ट्राच्या माजी मंत्री व भाजपच्या नेत्या पंकजा मुंडे आज उपोषण करणार आहेत. मराठवाड्यातील जनतेला आपल्या हक्काचं पाणी मिळावं यासाठी हे उपोषण असणार आहे. आज सकाळी 10 वाजता देवेंद्र फडणवीस, केंद्रीय राज्यमंत्री रावसाहेब पाटील दानवे, विधानसभेचे माजी अध्यक्ष हरिभाऊ बागडे आणि विधान परिषदेचे विरोधी पक्षनेते प्रवीण दरेकर यांच्यासोबत पंकजा मुंडे ओरंगाबाद विभागीय आयुक्त कार्यालयासमोर उपोषणास बसणार आहेत.