Cyclone Tauktae: मुंबईच्या अरबी समुद्रात 2 मोठी जहाज भरकटली; एकावर 273 तर, दुसऱ्यावर 137 जण असल्याची माहिती

अरबी समुद्रात (Arabian Sea) निर्माण झालेल्या तौक्ते चक्रीवादळाचा (Cyclone Tauktae) महाराष्ट्राच्या (Maharashtra) किनारपट्टी भागाला चांगलाच तडाखा बसला आहे. या वादाळामुळे मुंबईतीलही (Mumbai) जनजीवन विस्कळीत झाले आहे. यातच मुंबईच्या अरबी समुद्रात 2 मोठी जहाज भरकटल्याची महिती समोर येत आहे. नौदलाच्या प्रवक्त्यांनी दिलेल्या माहितीनुसार, यापैकी एका जहाजावर 273 जण आहेत. तर, दुसऱ्या जहाजावर 137 जण आहेत. यामुळे एकून 410 जणांचे प्राण धोक्यात असून या जहाजांच्या मदतीला 2 मोठ्या युद्धनौका पाठवण्यात आल्या आहेत.

मुंबईजवळील बॉम्बे हायच्या समुद्रात तेल उत्खन्नासंदर्भात काम करणारी एक बोट तौते चक्रीवादळामुळे भरकटली आहे. या बोटीवर 273 जण असल्याची माहिती समोर येत आहे. तसेच दुसरीकडे मुंबईच्या समुद्रामध्येच ‘जीएल कंट्रक्शन’च्या मालकीचे आणखीन एक मोठे जहाज भरकटले असून त्यावर 137 जण आहेत. या जहाजांच्या मदतीला आयएनएस कोच्ची, आयएनएस कोलकाता या दोन मोठ्या युद्धनौका पाठवण्यात आल्या आहेत. हे देखील वाचा- Cyclone Tauktae: तौक्ते चक्रीवादळ 114 किमीच्या वेगाने रेकॉर्डब्रेक करत मुंबईवर आदळले- आदित्य ठाकरे

ट्वीट-

A barge has gone adrift off Bombay High with 273 personnel onboard amidst #CycloneTauktae. Distress calls sent out. Video here of destroyer INS Kochi sailing out from Mumbai to provide search & rescue. pic.twitter.com/2H1tosMrr4

— Shiv Aroor (@ShivAroor) May 17, 2021

ट्वीट-

#CycloneTauktae: Indian Navy Search & Rescue.

In response to another SOS received from Barge 'GAL Constructor' with 137 people onboard about 8NM from Mumbai INS Kolkata has been sailed with despatch to render assistance. pic.twitter.com/owR83jahsQ

— All India Radio News (@airnewsalerts) May 17, 2021

तौक्ते वादळ मंगळवारी पहाटे गुजरातच्या भावनगर जिल्ह्यातील पोरबंदर आणि माहुवा किनाऱ्यांना धडकण्याआधी अती तीव्र स्वरुपाचे म्हणजेच व्हीएससीएस प्रकारचे वादळ असेल. हे वादळ जेव्हा गुजराच्या किनारपट्टीला धडकेल तेव्हा त्याचा वेग 150 ते 160 किमी प्रती तास इतका असेल, असा अंदाज व्यक्त करण्यात आला आहे.

(The above story first appeared on LatestLY on May 17, 2021 05:56 PM IST. For more news and updates on politics, world, sports, entertainment and lifestyle, log on to our website latestly.com).