Coronavirus in Maharashtra: महाराष्ट्रात आज दिवसभरात 9895 कोरोना व्हायरस संक्रमित रुग्णांची नोंद, 298 जणांचा मृत्यू; राज्यातील COVID 19 एकूण रुग्णसंख्या 3,47,502
देशभरातील कोरोना रुग्णांच्या संख्येवर नजर टाकता ती वाढत असल्याचे दिसते. देशभरात आजघडीला 1238635 इतकी एकूण कोरोना व्हायरस संक्रमित रुग्णांची नोंद आहे. उपचार घेऊन बरे झालेल्या आणि रुग्णालयातून सुटी (डिस्चार्ज) मिळालेल्या कोरोना रुग्णांची संख्या 782607 इतकी आहे.
महाराष्ट्रात आज दिवसभारात 9895 नवे कोरोना व्हायरस (Coronavirus) संक्रमित रुग्ण आढळून आले. तर 298 संक्रमितांचा मृत्यू झाला. राज्यातील एकूण कोरोना व्हायरस (COVID 19) संक्रमितांची संख्या 3,47,502 इतकी झाली आहे. यात रुग्णालयात प्रत्यक्ष उपचार सुरु असलेल्या 1,36,980 रुग्णसंखेचाही समावेश आहे. तसेच, उपचार घेऊन प्रकृती सुधारल्याने आणि बरे वाटू लागल्याने रुग्णालयातून सुटी (डिस्चार्ज) मिळालेले 1,94,253 जण आणि आतापर्यंत मृत्यू झालेल्या 12,854 रुग्णांचाही समावेश आहे.
दरम्यान, मुंबई शहरातील अत्यंत दाटीवाटीचा परिसर अशी ओळख असलेल्या धारावी येथूनही एक आनंदाची बातमी आहे. धारावी परिसरातील कोरोना व्हायरस संक्रमितांची संख्या कमालिची घटत आहे. इतकेच नव्हे तर गेल्या काही दिवसांमध्ये धारावी परिसरामध्ये सापडणाऱ्या कोरोना संक्रमितांची संख्या एकांकी म्हणजेच हाताच्या बोटावर मोजण्यात येईल इतकी झाली आहे. आज दिवसभरात धारावी परिसरात फक्त 6 नवे कोरोना व्हायरस संक्रमित आढळले. या परिसरातील एकूण कोरोना व्हायरस संक्रमितांची एकूण संख्या 2,513 इतकी झाली आहे.
ट्विट
9895 new #COVID19 positive cases and 298 deaths have been reported in Maharashtra today. Total number of positive cases now stand at 3,47,502 including 1,36,980 active cases, 1,94,253 discharged cases and 12,854 deaths: State Health Department pic.twitter.com/atbGkz0prM
— ANI (@ANI) July 23, 2020
ट्विट
COVID-19 tally in Mumbai's slum colony Dharavi rises to 2,513 with addition of 6 new cases: BMC
— Press Trust of India (@PTI_News) July 23, 2020
दरम्यान, देशभरातील कोरोना रुग्णांच्या संख्येवर नजर टाकता ती वाढत असल्याचे दिसते. देशभरात आजघडीला 1238635 इतकी एकूण कोरोना व्हायरस संक्रमित रुग्णांची नोंद आहे. उपचार घेऊन बरे झालेल्या आणि रुग्णालयातून सुटी (डिस्चार्ज) मिळालेल्या कोरोना रुग्णांची संख्या 782607 इतकी आहे. तर प्रत्यक्ष उपचार सुरु असलेल्या कोरोना रुग्णांची संख्या 426167 इतकी आहे. आतापर्यंत 29861 जणांचा कोरोनामुळे मृत्यू झाला आहे.
(The above story first appeared on LatestLY on Jul 23, 2020 08:31 PM IST. For more news and updates on politics, world, sports, entertainment and lifestyle, log on to our website latestly.com).
