Assembly Speaker Election: विधानसभेच्या अध्यक्षपदासाठी निवडणूक घेण्याच्या प्रक्रियेला भाजपचा कडाडून विरोध

महाराष्ट्र काँग्रेस रविवारी विधानसभेच्या अध्यक्षपदासाठी (Assembly Speaker) त्यांचा उमेदवार जाहीर करण्याची शक्यता आहे. महाविकास आघाडी सरकारने (MVA) मंगळवारी त्यासाठी निवडणूक घेण्याचा निर्धार केला आहे. दरम्यान, राज्य  भाजपने (BJP) निवडणूक घेण्याच्या प्रक्रियेला कडाडून विरोध केला आहे.  सभापतीपदासाठी निवडणूक घेण्याचा एमव्हीए सरकारचा निर्धार काँग्रेसने स्पष्ट केला आहे. आम्ही राज्यपालांना सभापती पदासाठी निवडणूक घेण्याच्या आमच्या इराद्याबद्दल कळवले आहे. त्यांनी प्रतिसाद दिला नाही तरी आम्ही निवडणूक घेऊ, असे काँग्रेसचे प्रदेशाध्यक्ष नाना पटोले म्हणाले. विरोधी पक्ष भाजपने निवडणूक घेण्यास विरोध नसून सरकार ज्या पद्धतीने करण्याचा प्रयत्न करत आहे त्याला विरोध असल्याचे म्हटले आहे.

सहा दशकांपासून गुप्त मतदानाद्वारे निवडणूक होत आहे. मात्र आवाजी मतदानाने निवडणूक घेण्याचे जाहीर करून मविआ सरकार परंपरा मोडीत काढू पाहत आहे.  आम्ही या प्रक्रियेच्या विरोधात आहोत, असे भाजपचे प्रदेश प्रवक्ते केशव उपाध्ये म्हणाले. गुप्त मतदान घेतल्यास MVA चे अनेक आमदार आपल्या उमेदवाराच्या बाजूने मतदान करतील असे भाजपचे मत आहे. हेही वाचा COVID-19 Vaccine For Children: लहान मुलांच्या लसीकरणासाठी बीएमसीची योजना तयार, महापालिकेच्या 350 केंद्रांमध्ये बालकांना देणार लस

जसे नुकत्याच झालेल्या नागपूर आणि अकोला कौन्सिलच्या निवडणुकीत एमव्हीए सदस्यांनी आमच्या उमेदवारांच्या बाजूने मतदान केले, तसे सभापतींच्या निवडणुकीच्या बाबतीतही घडेल कारण काँग्रेस, राष्ट्रवादी आणि शिवसेना या तीन पक्षांच्या सदस्यांमध्ये मोठ्या प्रमाणावर नाराजी आहे, असे ते म्हणाले. राज्यपालांनी सरकारच्या पत्राला प्रतिसाद दिला नाही तरीही निवडणूक घेण्याच्या सरकारच्या निर्धाराबद्दल उपाध्ये म्हणाले, या संदर्भात घटनात्मक तरतुदीनुसार निर्णय घेणे हा राज्यपालांचा विशेषाधिकार आहे. या संदर्भात आमचे म्हणणे काही नाही.

निवडणूक घेण्यास विरोध करण्यासाठी भाजप राज्यपालांना भेटणार नाही, असे उपाध्ये म्हणाले. एमव्हीएच्या नेत्यांनी सांगितले की त्यांना राज्यपाल निवडणुकीसाठी पुढे जातील अशी अपेक्षा नाही. पण आम्हाला काही फरक पडणार नाही. आम्ही निवडणूक घेण्याचा निर्धार केला आहे. कारण आमच्या राज्य पक्षप्रमुखांनी हे स्पष्ट केले आहे, असे काँग्रेस प्रवक्ते गोपाल तिवारी म्हणाले. राज्य युनिटने अध्यक्षपदासाठी कोणत्याही नावाची शिफारस पक्ष हायकमांडकडे केलेली नाही. पक्ष नाव जाहीर करेल, पटोले म्हणाले.

(The above story first appeared on LatestLY on Dec 26, 2021 04:53 PM IST. For more news and updates on politics, world, sports, entertainment and lifestyle, log on to our website latestly.com).