Amit Shah Maharashtra Visit: अमित शाह 18 व 19 फेब्रुवारीला महाराष्ट्राच्या दौऱ्यावर; नागपूर, पुणे व कोल्हापूर येथे अनेक कार्यक्रमांचे आयोजन
कसबा आणि चिंचवड पोटनिवडणुकीसाठी 26 फेब्रुवारीला मतदान होणार आहे. याआधी केंद्रीय गृहमंत्री अमित शहा पुणे, नागपूर आणि कोल्हापूर दौऱ्यावर आहेत.
केंद्रीय गृहमंत्री आणि भाजपचे ज्येष्ठ नेते अमित शहा (Amit Shah) 18 आणि 19 फेब्रुवारीला दोन दिवस महाराष्ट्र दौऱ्यावर येणार आहेत. या दौऱ्यात शाह नागपूर, पुणे आणि कोल्हापूर येथे शासकीय आणि राजकीय कार्यक्रम घेणार आहेत. पुणे जिल्ह्यातील कसबा पेठ आणि चिंचवड या दोन विधानसभा पोटनिवडणुका या महिन्याच्या अखेरीस होणार असून, यामध्ये भाजपची प्रतिष्ठा पणाला लागली आहे. या पार्श्वभूमीवर अमित शाह यांचा हा दौरा महत्वाचा ठरणार आहे.
नुकतेच भाजपने गमावलेल्या राज्यातील दोन विधानपरिषद मतदारसंघ प्रदेशातील परिस्थितीचा आढावा ते घेण्याची शक्यता आहे. शाह 18 फेब्रुवारी रोजी नागपुरात उपस्थित राहणार असून तेथे ते दीक्षाभूमी आणि आरएसएस मुख्यालयाला भेट देतील. त्याच दिवशी दुपारनंतर ते पुण्याला रवाना होतील. पुण्यात त्यांच्या अनेक कार्यक्रमांचे नियोजन आहे.
पुण्यात केंद्रीय गृहमंत्री जम्मू-काश्मीरमधील शहीद पोलीस अधिकाऱ्यांच्या मुलींची भेट घेणार आहेत. पंतप्रधान नरेंद्र मोदी आणि स्वत:च्या जीवनावरील पुस्तकाचे प्रकाशनही ते करणार आहेत. त्यानंतर शाह कार्यक्रमाला उपस्थित भाजप कार्यकर्त्यांना संबोधित करतील. दिनाक्त 19 फेब्रुवारी रोजी सकाळी त्यांच्या हस्ते शिवाजी महाराजांच्या जयंतीनिमित्त 'शिवसृष्टी'चे उद्घाटन होणार आहे. हे शिवाजी महाराजांच्या जीवनावर आधारित शिल्पांचे संग्रहालय आहे. विधानसभा पोटनिवडणूक आणि शिवाजी महाराजांची जयंती या योगायोगाचा फायदा घेत भाजपने अमित शहा यांना महाराष्ट्रात निमंत्रित केले आहे. (हेही वाचा: Jitendra Awhad: जितेंद्र आव्हाड आणि इतरांविरोधात ठाणे पोलिसांकडून एफआयआर दाखल)
तेथून ते कोल्हापूर लोकसभेच्या विजय संकल्प रॅलीत कार्यकर्त्यांना संबोधित करण्यासाठी कोल्हापुरात जाणार आहेत. यावेळी ते जिल्ह्यातील भाजपच्या काही वरिष्ठ नेत्यांच्या बैठकीचे अध्यक्षस्थानही भूषवतील. आगामी महापालिका निवडणुका आणि 2024 च्या लोकसभा निवडणुकीपूर्वी राज्यातील भाजपची क्षमता आणि भविष्यात भाजपची ताकद वाढवण्याच्या तयारीचा अमित शहा आढावा घेणार आहेत. कसबा आणि चिंचवड पोटनिवडणुकीसाठी 26 फेब्रुवारीला मतदान होणार आहे. याआधी केंद्रीय गृहमंत्री अमित शहा पुणे, नागपूर आणि कोल्हापूर दौऱ्यावर आहेत.
(The above story first appeared on LatestLY on Feb 16, 2023 05:09 PM IST. For more news and updates on politics, world, sports, entertainment and lifestyle, log on to our website latestly.com).
