Crime: वर्सोव्यात रस्त्यावर गिटार वाजवणाऱ्या तरुणाची पेव्हर ब्लॉकने हत्या
पोलिसांनी दिलेल्या माहितीनुसार, आरोपीने पीडितचे डोके पेव्हर ब्लॉकने फोडले. वर्सोवा येथील सेव्हन बंगलोज बस डेपोमध्ये (Seven Bungalows Bus Depot) जखमी अवस्थेत असलेल्या एका व्यक्तीबद्दल नियंत्रण कक्षाकडून पोलिसांना (Versova Police) रविवारी फोन आला.
वर्सोवा (Versova) येथील एका 25 वर्षीय तरुणाची रविवारी रात्री अज्ञात व्यक्तीने हत्या (Murder) केली. पोलिसांनी दिलेल्या माहितीनुसार, आरोपीने पीडितचे डोके पेव्हर ब्लॉकने फोडले. वर्सोवा येथील सेव्हन बंगलोज बस डेपोमध्ये (Seven Bungalows Bus Depo) जखमी अवस्थेत असलेल्या एका व्यक्तीबद्दल नियंत्रण कक्षाकडून पोलिसांना (Versova Police) रविवारी फोन आला. पोलिसांनी घटनास्थळ गाठून पीडितला कूपर रुग्णालयात (Cooper Hospital) नेले असता डॉक्टरांनी त्याला मृत घोषित केले. सुरज मनोज तिवारी असे मृत व्यक्तीचे नाव असून तो उदरनिर्वाहासाठी रस्त्यावर गिटार वाजवत असे. तो मूळचा दिल्लीतील पालम भागातील रहिवासी होता.
सुरुवातीला पोलिसांनी या प्रकरणी अपघाती मृत्यूची नोंद केली होती. मात्र पोस्टमॉर्टम रिपोर्टमध्ये त्याच्या डोक्यावर बोथट वस्तूने वार केल्याचे समोर आले आहे. घटनास्थळाच्या पंचनाम्यावरून त्याच्या डोक्यात पेव्हर ब्लॉकचा वापर केल्याचे पोलिसांना आढळून आले. त्यानंतर पोलिसांनी अज्ञात व्यक्तीविरुद्ध खुनाचा गुन्हा दाखल करून परिसरात बसवण्यात आलेल्या सीसीटीव्ही कॅमेऱ्यांचे फुटेज स्कॅन करून तपास सुरू केला. हेही वाचा Maharashtra Shocker: पतीकडून पत्नीची प्लास्टिकच्या ड्रममध्ये बुडवून हत्या; मालेगाव हादरले, जाणून घ्या कारण
आम्ही मारेकऱ्याचा शोध घेण्यासाठी आणि सर्व संभाव्य कोनातून प्रकरणाचा तपास करण्यासाठी चार पथके तयार केली आहेत, असे वर्सोवा पोलिस स्टेशनचे वरिष्ठ निरीक्षक सिराज इनामदार यांनी सांगितले, ज्यांनी तपासाविषयी अधिक तपशील शेअर करण्यास नकार दिला.
(The above story first appeared on LatestLY on Jul 25, 2022 08:47 PM IST. For more news and updates on politics, world, sports, entertainment and lifestyle, log on to our website latestly.com).
