Coronavirus Update: महाराष्ट्रात तुम्ही राहत असलेल्या जिल्ह्यात कोरोनाचे किती रुग्ण दगावले; जाणून घ्या जिल्हानिहाय आकडेवारी

महाराष्ट्रात कोरोना व्हायरसचा (Coronavirus) विळखा अधिकाधिक घट्ट होऊ नये यासाठी सर्व शासकीय यंत्रणा कार्यरत आहे. महाराष्ट्र आरोग्य मंत्रालयाने (Maharashtra Health Ministry) दिलेल्या माहितीनुसार, राज्यात काल (31 ऑगस्ट) दिवसभरात 11,852 नवे कोरोनाचे रुग्ण आढळले असून 184 रुग्ण दगावल्याचे सांगण्यात येत आहे. यामुळे राज्यात कोरोना बाधितांची एकूण संख्या 7 लाख 92 हजार 541 वर पोहोचला आहे. तर मृतांचा एकूण आकडा 24,583 वर पोहोचला आहे. तर दुसरीकडे दिलासादायक बाब म्हणजे राज्यात काल दिवसभरात 11,158 रुग्ण बरे झाले असून त्यांना रुग्णालयातून घरी सोडण्यात आले आहे. यामुळे आतापर्यंत कोरोनावर मात करणा-या रुग्णांची संख्या 5,73,559 वर पोहोचली आहे. सद्य घडीला राज्यात 1,94,056 रुग्णांवर उपचार सुरु आहेत.

दिवसागणिक कोरोना रुग्णांचे वाढीचे प्रमाण पाहता बरे होणा-या रुग्णांची संख्या ही तितकीच जास्त असल्यामुळे ही राज्यासाठी सकारात्मक बाब आहे. राज्यातील रुग्ण बरे होण्याचे प्रमाण आता 72.37% झाले आहे. कालपर्यंत पाठविण्यात आलेल्या 41, 38, 939 नमुन्यांपैकी 7,92,541 नमुने पॉझिटिव्ह (19.14 टक्के) आले आहेत. राज्यात 13,55,330 लोक होम क्वारंटाईनमध्ये आहेत. सध्या 35,722 लोक संस्थात्मक क्वारंटाईनमध्ये आहेत.

महाराष्ट्रातील कोरोनाबाधितांची जिल्हा व मनपा निहाय आकडेवारी (31 ऑगस्ट रात्री 8: 00 वाजेपर्यंत)

तर राज्यात सर्वाधिक रुग्ण संख्या असलेल्या मुंबई शहरात आतापर्यंत एकूण 1,45,805 रुग्ण आढळले आहेत. मात्र यातही दिलासादायक बाब म्हणजे यात आतापर्यंत एकूण 1,17,268 रुग्णांनी कोरोनावर मात करुन बरे झाले आहेत. सध्या मुंबईमध्ये एकूण 20,554 सक्रीय रुग्णांवर उपचार सुरु आहेत. सध्या मुंबई जिल्ह्यातील बरे झालेल्या रुग्णांचा दर 80 टक्के आहे. 24 ऑगस्ट ते 30 ऑगस्ट पर्यंत मुंबईतील एकूण कोविड वाढीचा दर 0.83 टक्के आहे. 29 ऑगस्ट 2020 पर्यंत झालेल्या कोविडच्या एकूण चाचण्या 7,68,818 इतक्या आहेत. यासह मुंबईतील रुग्ण दुप्पटीचा दर 84 दिवस झाला आहे.

(The above story first appeared on LatestLY on Sep 01, 2020 10:12 AM IST. For more news and updates on politics, world, sports, entertainment and lifestyle, log on to our website latestly.com).