Vitthal Rukmini Vivah Sohla 2023: वसंत पंचमी च्या मुहूर्तावर आज विठुराया आणि रुक्मिणी मातेच्या विवाह सोहळा; अज्ञात भाविकाकडून पावणे दोन कोटी रूपयांचे सोन्याचे दागिने दान
आज वसंतपंचमी विठुराया आणि रुक्मिणी मातेच्या विवाह सोहळा स.10 ते दुपारी 12 च्या दरम्यान पार पडणार आहे.
वसंत पंचमी (Vasant Panchami) च्या मुहूर्तावर दरवर्षी विठ्ठल-रूक्मिणीचा विवाह सोहळा (Vitthal Rukmini Vivah Sohla) पार पडतो. यंदा हा सोहळा आज (26 जानेवारी) दिवशी पार पडणार आहे. दरम्यान या सोहळ्याच्या निमित्ताने पंढरपूरात (Pandharpur) तयारी सुरू आहे. पण यंदाच्या विवाह सोहळ्याचं खास आकर्षण म्हणजे विठ्ठल रूक्मिणी मातेला आलेले सोन्याचे दागिने आणि भरजरी वस्त्रं. एका अज्ञात भाविकाने पंढरपूर मंदिरात विठ्ठल आणि रूक्मिणी मातेसाठी सुमारे पावणे दोन कोटीचे दागिने दान केले आहेत. हे मंदिर समितीच्या इतिहासामधील सर्वात मोठे दान आहे.
दान स्वरूपात आलेल्या या सोन्याच्या दागिन्यांमध्ये विठ्ठल आणि रूक्मिणी मातेला मुकूट, मातेला मंगळसूत्र, बांगड्या, हार यांचा समावेश आहे. आज विवाह सोहळ्यामध्ये ते वापरून साजशृंगार केला जाणार आहे. सकाळी 10 वाजल्यापासून या विवाहसोहळ्याच्या विधींना सुरूवात होते तर दुपारी मध्यान्हावर अर्थात 12 वाजता हा विवाह सोहळा संपन्न होतो. मंगलाष्टक गाऊन विठू माऊली व रूक्मिणी मातेवर अक्षता अर्पण केल्या जातात.
विठुराया आणि रुक्मिणी मातेचे दागिने
आज वसंतपंचमी विठुराया आणि रुक्मिणी मातेच्या विवाह सोहळा स.10 ते दुपारी 12 च्या दरम्यान पार पडत आहे. विठुरायाच्या चरणी एका भाविकाने पावणे 2 कोटी रुपयांचे सोन्याचे दागिने अर्पण केले आहेत. मंदिर समितीच्या इतिहासामध्ये सर्वात मोठे दान असल्याचे मानले जाते. pic.twitter.com/9sFWsOCtfc
— AIR News Pune (@airnews_pune) January 26, 2023
आकर्षक रोषणाई
प्रजासत्ताक दिनाच्या निमित्ताने पंढरपूर येथील श्री क्षेत्र विठ्ठल रुक्मिणी मंदिर समितीने वेगवेगळ्या फुलांची आरास केली आहे. #प्रजासत्ताकदिन pic.twitter.com/tZOg5R74oC
— AIR News Pune (@airnews_pune) January 26, 2023
दरम्यान आज प्रजासत्ताक दिन देखील असल्याने विठ्ठल रूक्मिणी मातेच्या मंदिराला तिरंग्याची आकर्षक रोषणाई केली आहे. फुलांच्या मदतीने तिरंगा साकारण्यात आला आहे.
(The above story first appeared on LatestLY on Jan 26, 2023 10:18 AM IST. For more news and updates on politics, world, sports, entertainment and lifestyle, log on to our website latestly.com).
