OMG! शस्त्रक्रियेनंतर तब्बल 17 वर्षांपासून महिलेच्या पोटात राहिली कात्री; एक्स-रे केल्यानंतर उघडकीस आली धक्कादायक बाब, डॉक्टरांविरोधात गुन्हा दाखल

Scissors in Woman's Stomach: उत्तर प्रदेशची राजधानी लखनऊ (Lucknow) मधून एक धक्कादायक घटना समोर आली आहे. 17 वर्षांपूर्वी केलेल्या शस्त्रक्रियेदरम्यान, डॉक्टरांकडून महिलेच्या पोटात कात्री विसरली. महिलेचा एक्स-रे काढल्यानंतर ही बाब उघडकीस आली. एक्स-रे रिपोर्ट आल्यानंतर महिलेच्या पोटात कात्री असल्याचे उघड झाले, त्यानंतर कुटुंबाला धक्का बसला. ही घटना उघडकीस आल्यानंतर महिलेच्या पतीने गाझीपूर पोलिस ठाण्यात निष्काळजी डॉक्टरविरुद्ध तक्रार दाखल केली आहे.

एक्स-रे काढल्यानंतर उघडकीस आली धक्कादायक बाब -

लखनऊमध्ये एका महिलेचा एक्स-रे काढल्यानंतर तिच्या पोटात कात्री असल्याचे उघड झाले. या घटनेनंतर महिलेच्या पतीने गाजीपूर पोलिस ठाण्यात तक्रार दाखल केली आहे. केजीएमयूमध्ये शस्त्रक्रियेनंतर महिलेच्या पोटातून कात्री काढण्यात आली. महिलेचा पती अरविंद पांडे यांनी तक्रारीत म्हटले आहे की, त्यांनी 26 फेब्रुवारी 2008 रोजी त्यांच्या पत्नीला इंदिरानगर येथील 'शी मेडिकल केअर'मध्ये दाखल केले होते. येथे डॉ. पुष्पा जयस्वाल यांनी ऑपरेशन केले, त्यानंतर तिने एका मुलाला जन्म दिला. ऑपरेशननंतर काही काळ सर्व काही ठीक होते, परंतु काही दिवसांनी महिलेला विविध प्रकारच्या समस्या येऊ लागल्या. (हेही वाचा - Scissors in Woman's Stomach: कॅन्सरच्या शस्त्रक्रियेदरम्यान महिलेच्या पोटात डॉक्टरांकडून राहिली कात्री; 2 वर्षानंतर सीटी स्कॅनमध्ये समोर आली धक्कादायक घटना)

पीडित व्यक्तीने तक्रारीत पुढे म्हटले आहे की, तो बऱ्याच काळापासून त्याच्या पत्नीवर उपचार करत होता. दरम्यान, 23 मार्च 2025 रोजी जेव्हा त्याने त्याच्या पत्नीचा एक्स-रे काढला तेव्हा तिच्या पोटात कात्री असल्याचे आढळून आले. यानंतर त्याने केजीएमयूमध्ये त्याच्या पत्नीची तपासणी केली. (हेही वाचा - Girl Attacked With Scissors: एकतर्फी प्रेमात ओलांडल्या सर्व मर्यादा! मुलीच्या मानेवर कात्रीने केले 6 वार, वर्धा जिल्ह्यातील घटना)

In a shocking case of alleged medical negligence in UP's Lucknow, a scissor was recovered from the abdomen of a woman 17 years after it is claimed to have been left there during the operation to deliver a child in 2008. Husband of the women has now shot a complaint against the… pic.twitter.com/6qiI6mtmga

— Piyush Rai (@Benarasiyaa) March 28, 2025

दरम्यान, येथे त्यांच्या पत्नीला 25 मार्च 2025 रोजी वैद्यकीय तपासणीनंतर दाखल करण्यात आले आणि 26 मार्च 2025 रोजी ऑपरेशननंतर पोटातून कात्री काढण्यात आली. निष्काळजी डॉक्टर पुष्पा जयस्वाल यांच्यावर कारवाई करण्याची मागणी पीडित व्यक्तीने केली आहे.

(The above story first appeared on LatestLY on Mar 28, 2025 03:28 PM IST. For more news and updates on politics, world, sports, entertainment and lifestyle, log on to our website latestly.com).