'शिवभोजन थाळी' योजनेची अंमलबजावणी राज्यात 26 जानेवारी 2020 पासून होत आहे. सुरुवातीला प्रायोगिक तत्वावर प्रत्येक जिल्ह्याच्या ठिकाणी 'शिवभोजन' केंद्रे सुरू होणार आहेत. या योजनेसाठी शासनाने चालू वित्तीय वर्षात, उर्वरित तिमाहीसाठी 6.48 कोटी रुपयांची रक्कम अनुदान म्हणून उपलब्ध करून दिली आहे

ग्लोबल करप्शन परसेप्शन इंडेक्स 2019 मध्ये भारताचे स्थान घसरले आहे. भारत मागच्यावर्षी 78 व्या स्थानावर होता, आता यंदा भारताचे स्थान 80 आहे. याचाच अर्थ मोदी सरकारच्या काळात भारतामधील भ्रष्टाचार वाढला आहे. 

'ही माझी वचनपूर्ती नाही, तर त्या दिशेला टाकलेले पहिले पाऊल आहे. भाजपने ज्या प्रकारे आमच्याशी खोटेपणा केला, त्यानंतर विरोधकांशी मी हातमिळवणी केली मात्र अजूनही आमचा भगवा रंग बदलला नाही, आम्ही हिंदुत्व सोडले नाही.' - मुख्यमंत्री उद्धव ठाकरे

बाळासाहेब ठाकरे यांनी 1966 मध्ये शिवसेनेची स्थापना केली होती. त्यावेळी बाळासाहेबांबरोबर काम केलेल्या 11 ज्येष्ठ शिवसैनिकाच्या हस्ते, आज उद्धव ठाकरे यांचा सत्कार केला गेला, तसेच रश्मी ठाकरे यांची ओटी भरली गेली. 

मा. उद्धव ठाकरे यांनी बाळासाहेब ठाकरेंना शिवसेनेचाच मुख्यमंत्री होईल असे वचन दिले होते. त्यानंतर राज्यात महाविकास आघाडीचे सरकार स्थापन व स्वतः उद्धव ठाकरे मुख्यमंत्री पदावर विराजमान झाले. याच वचनाची झालेली पूर्ती साजरी करण्यासाठी शिवसेनचा वचनपूर्ती सोहळा आयोजित केला आहे. माजी मुख्यमंत्री मनोहर जोशी यांच्या सत्काराने या सोहळ्याला सुरुवात झाली आहे. 

ब्रिटनच्या राणी एलिझाबेथ द्वितीय यांनी गुरुवारी (23 जानेवारी) ब्रिटीश सरकारच्या ब्रेक्सिट कायद्यास मान्यता दिली. गेल्या वर्षी नोव्हेंबरमध्ये ब्रसेल्समध्ये जॉन्सन यांनी ब्रिटनने युरोपियन युनियनमधून माघार घेण्याबाबतचे विधेयक मंजूर केले. हे विधेयक 31 जानेवारीपर्यंत कायद्यात रुपांतरीत होईल.

Britain's Queen Elizabeth II approves government's Brexit bill: AFP news agency (file pic) pic.twitter.com/WlPnWCH0c2

— ANI (@ANI) January 23, 2020

इंग्लंड, अमेरिकेहून एखादा नागरिक भारतात आला तर त्याला विचारले जाते बाबारे इथे का आला आहेस? पण, बांग्लादेशी, पाकिस्तानी मुस्लिमांना असे विचारले जात नाही. त्यांना परत पाठवण्याचे  काम केंद्र सरकार करत असेल , बांग्लादेशी, पाकिस्तानी मुसलमान हाकलून देण्यासाठी मनसे केंद्र सरकारला मदत करेन, असे राज ठाकरे यांनी म्हटले आहे.

मी माणूसघाणा व्यक्ती नाही. विरोधाला विरोध करत नाही. रंग तर कधीच बदलत नाही. सत्तेमध्ये जाण्यासाठी  कधीही रंग बदलणार नाही, असे म्हणत राज ठाकरे यांनी शिवसेनेला टोला लगावला

केवळ अडीच हजार रुपयांत बांग्लादेशी नागरिक भारतात येतात. उद्या जेव्हा काही घडेल तेव्हा भारताच्या सैनिकांना भारताबाहेर नव्हे भारतातच लढावे लागेल. खरे म्हणजे पाकिस्तानसोबतचे सर्व संबंध तोडून टाकायला हवे आहेत. पहिली ती समझोता एक्सप्रेस बससेवा बंद करायला हवी-राज ठाकरे

भाषा ही कोणत्याही धर्माची नसते ती प्रदेशाची असते. असे नसते तर बंगाली भाषेचा आग्रह धरत बांग्लादेशी नागरिकांनी बंगाली भाषेचा आग्रह का धरला असता, असा सवाल राज ठाकरे यांनी विचारला आहे.

एकाच वेळी मी मराठीही आहे आणि हिंदूही आहे. त्यामुळे मराठी भाषेला जर कोणी नख लावण्याचा प्रयत्न कराल तर, मी मराठी म्हणून अंगावर जाईन. जर माझ्या धर्माला नख लावाल तर मी हिंदू म्हणून अंगावर जाईन असे राज ठाकरे यांनी म्हटले आहे. आम्ही हिंदू आहोत म्हणून मुस्लिमांचा द्वेश करत नाही. आम्ही राष्ट्रपती अब्दुल कलाम, जावेद अख्तर अशा लोकांचे कार्य नाकारु शकत नाही, असेही राज ठाकरे म्हणाले आहेत.

महाराष्ट्र नवनिर्माण सेना आज पक्षाचे दोन झेंडे हाती घेत आहे. यातील पहिला झेंडा हा छत्रपती शिवाजी महाराज यांची राजमुद्रा असलेला झेंडा आहे. दुसरा आहे इंजिन हे निवडणुक चिन्ह असलेला. त्यापैकी राजमुद्रा असलेला झेंडा हा निवडणुकीत वापरायचा नाही. तसेच, तो इकडेतिकडे वेडावाकडा पडणार नाही, याची काळजी घ्या, असे राज ठाकरे म्हणाले.

पक्ष स्थापन केला तेव्हा माझ्या मनात जो झेंडा होता तो म्हणजे हा झेंडा आहे, असे म्हणत राज ठाकरे यांनी पक्षाचा झेंडा का बदलला याबाबत राज ठाकरे यांनी भाष्य केले.

पक्ष संघटनेत काम करताना अनेकदा पदावर काम करणारा नेता आणि कार्यकर्ता यांची वयं सारखी असतात. पण, असे असले तरी, त्या पदाचा मान सर्वांना राखावाच लागेल, असा इशारा राज ठाकरे यांनी दिला आहे.

फेसबुक, ट्विटर, व्हॉट्सअॅप काळजीपूर्वक वापरा. पक्ष, संघटना याबाबत अंतर्गत निर्णय, माहिती अथवा इतर विषय चुकीच्या पद्धतीने सोशल मीडियावर येणा नाही याची काळजी घ्या, अन्यथा त्या व्यक्तीला मी पदावरुन दूर केल्याशिवाय राहणार नाही, असा इशारा राज ठाकरे यांनी कार्यकर्त्यांना दिला.

झेंडा आवडला का? असे म्हणत राज ठाकरे यांनी आपल्या भाषणास सुरुवात केली. या वेळी उपस्थित कार्यकर्त्यांनी त्याला प्रतिसाद देत मोठ्या जल्लोषात प्रत्युत्तर दिले.

महाराष्ट्र नवनिर्माण सेना अध्यक्ष राज ठाकरे यांचे व्यासपीठावर आगमन झाले आहे. थोड्याच वेळात ते उपस्थित कार्यकर्त्यांना संबोधीत करणार आहेत. मनसेचे महाअधिवेशन मुंबईत पार पडत आहे. या अधिवेशनास राज्यातील कानाकोपऱ्यातून कार्यकर्ते आले आहेत.

महाराष्ट्र नवनिर्माण पक्षाचे महाअधिवेश आज मुंबई येथे पार पडत आहे. राज्याच्या कानाकोपऱ्यातून मनसे कार्यकर्ते या अधिवेशनासाठी मुंबईत दाखल झाले आहेत. या अधिवेशनात मनसे अध्यक्ष राज ठाकरे थोड्याच वेळात कार्यकर्त्यांना संबोधीत करणार आहेत.

राज्यात सरकार बदलून आता जवळपास दोन महिने होत आले. परंतू, विधिमंडळातील प्रशासन अद्यापही जुन्या सरकारच्याच स्मृतिंमध्ये वावरत असल्याचे पुढे आले आहे. निमित्त ठरले आहे. विधिमंडळ दिनदर्शिकेचे. राज्याचे मुख्यमंत्री म्हणून उद्धव ठाकरे यांन पदग्रहण केले असतानाही विधिमंडळाच्या दिनदर्शिकेवर मात्र मुख्यमंत्री म्हणून देवेंद्र फडणवीस यांचेच छायाचित्र छापले गेले आहे. विधिमंडळ दिनदर्शिका 2020 च्या जानेवारी महिन्याच्या पानावर हे छायाचित्र दिसत आहे. विशेष म्हणजे विधानसभेचे अध्यक्ष म्हणून नाना पटोले यांच्या ऐवजी आगोदरचे अध्यक्ष हरिभाऊ बागडे यांचे छायाचित्र छापले आहे. त्यामुळे विधिमंडळ प्रशसनाच्या या कारभारावर टिका होऊ लागली आहे.

महाराष्ट्र मंत्रिमंडळ समन्वय समिती मध्ये  काँग्रेस कडून अजित पवार आणि जयंत पाटील यांच्या नावावर शिक्कमोर्तब झाले आहे. महाविकाआघाडीच्या तीन मित्र पक्षातून प्रत्येकी दोन सदस्यांची निवड करण्यात येणार आहे.

अमित ठाकरे यांची आज मनसे महाअधिवशेनात नेतेपदी नेमणूक झाल्यावर अनेकांनी त्यांच्यावर अभिनंदनाचा वर्षाव केला असतंच एक अनपेक्षित ट्विट पाहायला मिळत आहे. राष्ट्रवादी काँग्रेस नेते, कर्जत जामखेडचे तरुण आमदार रोहित पवार यांनी अमित यांचे अभिनंदन करणारे ट्विट केले आहे. वैयक्तिक हेवेवदावें बाजूला सारून सहकार कायमच करत राहू असेही रोहित यांनी ट्विटमध्ये म्हंटले आहे.

‘महाराष्ट्र नवनिर्माण सेने’च्या नेतेपदी निवड झाल्याबद्दल अमित राज ठाकरे यांचं हार्दिक अभिनंदन आणि त्यांना भावी कार्यासाठी शुभेच्छा. आमच्यात राजकीय मतभेद असले तरी जनतेच्या व राज्याच्या हितासाठी गरज असेल तिथे मित्र म्हणून व्यक्तीगत पातळीवर एकमेकांना कायमंच सहकार्य राहील. pic.twitter.com/foqPWQ93uM

— Rohit Pawar (@RRPSpeaks) January 23, 2020

महाराष्ट्र मंत्रिमंडळ समन्वय समिती मध्ये महाविकाआघाडीच्या तीन मित्र पक्षातून प्रत्येकी दोन सदस्यांची निवड करण्यात येणार आहे. यापैकी राष्ट्रवादी काँग्रेस कडून अजित पवार आणि जयंत पाटील यांच्या नावावर शिक्कमोर्तब झाले आहे.

Ajit Pawar and Jayant Patil named as members of cabinet Coordination committee from Nationalist Congress Party (NCP) for Maharashtra government's cabinet. Two cabinet ministers from each party are to be part of this committee. pic.twitter.com/xIVfNRThLj

— ANI (@ANI) January 23, 2020

उल्हासनगर येथील हिललाईन पोलीस ठाणेच्या हद्दीत नेवाळी गांव परिसरात पोलिसांना मिळालेल्या माहितीच्या आधारे छापा टाकुन तब्बल 46,000 रुपयांचा 3.187 किलोग्रॅमचा गांजा जप्त केला आहे.

कॉंग्रेस कार्यकारिणीच्या निर्णयानुसार, महाराष्ट्रातही भारतीय नागरिकत्त्व कायद्याला विरोध केला जाणार असल्याचं स्पष्ट संकेत देण्यात आले आहे. महाविकास आघाडीमधील मंत्री आणि कॉंग्रेस नेते अशोक चव्हाण यांनी दिलेल्या माहितीनुसार, NPR बाबत निर्णय आगामी काही दिवसांमध्ये कॉंग्रेसच्या कार्यकारिणीमध्ये घेतला जाणार आहे. 

खेलो इंडिया युथ गेम स्पर्धेत महाराष्ट्र सलग दुसऱ्या वर्षीही सर्वाधिक पदके मिळवून अव्वल स्थानी विराजमान झाला आहे. यानिमित्त मुख्यमंत्री उद्धव ठाकरे यांनी सर्व खेळाडूंचे अभिनंदन केले आहे.

#खेलोइंडिया युथ गेम स्पर्धेत पदक तालिकेत महाराष्ट्राने पटकावले अव्वल स्थान. मुख्यमंत्री उध्दव ठाकरे यांनी केले खेळाडूंचे अभिनंदन. स्पर्धेत महाराष्ट्र सलग दुसऱ्या वर्षीही सर्वसाधारण विजेता ठरला, ही बाब अभिमानास्पद - मुख्यमंत्री #KheloIndiaYouthGames2020

— MAHARASHTRA DGIPR (@MahaDGIPR) January 23, 2020

मनसेने एक नवी भूमिका घेऊन आता राजकारणात प्रवेश केला असल्याने येत्या काळात मनसेला महाराष्ट्र राजकारणात चांगले दिवस येतील असे विधान भाजपचे विरोधी पक्ष नेते प्रवीण दरेकर यांनी केले आहे. यापूर्वी दरेकर हे सुद्धा मनसेतून भाजपात आले होते. 

साईबाबा जन्मस्थळाचा वाढता वाद काही केल्या शांत होण्याचे नाव घेत नाहीये, या मुद्द्यांवर चर्चा करण्यासाठी सर्वात आधी शिर्डी आणि मग पाथरी ग्रामस्थांनी मुख्यमंत्री उद्धव ठाकरे यांची भेट घेतली होती. मात्र या चर्चेत समाधान न झाल्याने अखेरीस पाथरी ग्रामस्थ मुंबई उच्च न्यायालयाचे दार ठोठावणार असल्याची माहिती आहे.

Sai Janmabhoomi Pathri Sansthan to approach Bombay High Court over Sai Baba birthplace controversy. #Maharashtra

— ANI (@ANI) January 23, 2020

राष्ट्रवादी काँग्रेसचे अध्यक्ष शरद पवार आणि नेते अजित पवार यांनी आज मुंबई येथील कार्यालयात पक्षातील अल्पसंख्यांक विभागासोबत बैठक घेतली आहे.

Mumbai: Senior NCP Leaders Sharad Pawar and Ajit Pawar addressed a meeting of the party's minority cell, today at party office pic.twitter.com/2U3X9WVw71

— ANI (@ANI) January 23, 2020

महाराष्ट्र विधिमंडळाचे दुसरे अधिवेशन हे येत्या 24 फेब्रुवारी पासून मुंबई येथील विधानभवनात सुरु होणार आहे, हे यंदाचे अर्थसंकल्पीय अधिवेशन असणार आहे. 

भारताच्या 71 व्या प्रजासत्ताक दिनानिमित्त राजपथावर आयोजित करण्यात येणाऱ्या परेड साठी आज रंगीत तालीम पार पडली आहे.यासाठी संपूर्ण गणवेशात जवानांनी परेडचा सराव केला. पहा हा खास व्हिडीओ 

#WATCH: Full dress rehearsal of 'Republic Day Parade 2020' underway at Rajpath. #Delhi pic.twitter.com/oEolMvlQXB

— ANI (@ANI) January 23, 2020

राज ठाकरे यांचा मुलगा अमित ठाकरे यांची आज मनसे अधिवेशन कार्यक्रमात अधिकृतरीत्या महाराष्ट्र नवनिर्माण सेनेचा नेता म्ह्णून नेमणूक करण्यात आली आहे.  यानंतर शिक्षण ठराव मांडताना त्यांनी विद्यार्थ्यांच्या पाठीवरील पुस्तकांचे ओझे कमी करण्यासाठी प्रयत्न करु तसेच आंतरराष्ट्रीय खेळाडू तयार करण्यासाठी क्रीडा विद्यापीठाची निर्मिती करु असे ठळक मुद्दे त्यांनी मांडले आहेत. यानंतर मनसे विद्यार्थी संघटनेने अमित ठाकरे यांचा जाहीर सत्कार केला आहे. 

राज ठाकरे यांचा मुलगा अमित ठाकरे यांची आज मनसे अधिवेशन कार्यक्रमात अधिकृतरीत्या महाराष्ट्र नवनिर्माण सेनेचा नेता म्ह्णून नेमणूक करण्यात आली आहे.

मनसे नेत्यांचा ठराव... महाराष्ट्र नवनिर्माण सेनेच्या नेतेपदी अमित ठाकरे ह्यांची नियुक्ती. समस्त महाराष्ट्र सैनिकांचं अनुमोदन. #मनसे_अधिवेशन pic.twitter.com/ej2p6bqZfO

— MNS Adhikrut (@mnsadhikrut) January 23, 2020

मनसे महाअधिवेशनच्या व्यासपीठावरून अभिनेता संजय नार्वेकर यांनी भाषण देताना चार मुख्य ठराव मांडले आहेत."गडकिल्ले संवर्धन, नाट्यगृहांची दुरावस्था सुधारणे, प्रायोगिक रंगभूमी जोपासणं आणि मराठी चित्रपटांसाठी एक खिडकी परवानगी कक्ष स्थापन करून मराठी चित्रपटांना हक्काचं स्थान मिळवून देण्यासाठी संजय नार्वेकर यांनी ठराव मांडला आहे. मनसेच्या चित्रपट सेनेचे उपाध्यक्ष म्ह्णून संजय नार्वेकर यांनी हा 'सांस्कृतिक महाराष्ट्र' ठराव मांडला . . 

बाळासाहेब ठाकरे यांच्या जयंती निमित्त शिवतीर्थावर दर्शनासाठी गेलेल्या राज्यमंत्री राजेंद्र पाटील यड्रावकर यांनी महाराष्ट्र- कर्नाटक सीमाप्रश्न आणि बेळगावची समस्या सोडवल्यास बाळासाहेबांना खऱ्या अर्थाने श्रद्धांजली वाहिली जाईल अशी प्रतिक्रिया दिली आहे.  

बाळासाहेब ठाकरे यांच्या 94व्या जयंती निमित्त गानकोकिळा लता मंगेशकर यांनी एक खास ट्विट केले आहे. बाळासाहेबांना श्रद्धांजली वाहत अभिवादन करताना लतादीदींनी काही जुने फोटो शेअर केले आहेत.

नमस्कार. महाराष्ट्राचे परम दैवत श्री छत्रपति शिवाजी महाराज यांचे निस्सिम भक्त श्रद्धेय शिवसेना प्रमुख बाळासाहेब ठाकरे यांना त्यांच्या जयंती निमित्त माझे हृदयपूर्वक अभिवादन. pic.twitter.com/xhd9w7E3sQ

— Lata Mangeshkar (@mangeshkarlata) January 23, 2020

मनसे अध्यक्ष राज ठाकरे यांच्या हस्ते आज महाराष्ट्र नवनिर्माण सेनेच्या नव्या झेंड्यांचं अनवारण करण्यात आले, भगव्या झेंड्यावर शिवराजमुद्रा असे या झेंड्याचे स्वरूप आहे. ढोल ताशे तुतारीच्या गर्जनेत या झेंड्याचे अनावरण करण्यात आले आहे.

मनसे महाअधिवशेनाला गोरेगाव येथील नेस्को सेंटर मध्ये सुरुवात झाली आहे.  अध्यक्ष राज ठाकरे यांनी डॉ. बाबासाहेब आंबेडकर, सावित्रीबाई फुले, वीर सावरकर, प्रबोधनकार ठाकरे यांच्या प्रतिमेला हार घालून कार्यक्रमाचे उद्घाटन केले. या कार्यक्रमासाठी पुणे,सातारा , सोलापूर येथून  हजारोच्या संख्येत कार्यकर्त्यांची गर्दी झालेली आहे आणि राज ठाकरे नेमके काय बोलणार याकडे सर्वांचे लक्ष लागून आहे. 

बाळासाहेब ठाकरे यांच्या 94व्या  जयंती निमित्त पंतप्रधान नरेंद्र मोदी यांनी एक खास ट्विट करून त्यांच्या पवित्र स्मृतीस श्रद्धांजली वाहिली आहे. मोदी यांनी आपल्या ट्विट मध्ये  "लोककल्याणाचे प्रश्न उपस्थित करण्यास ज्यांनी कधीही मागेपुढे पाहिले नाही, लाखो लोकांना प्रेरणा दिली, ते नेहमीच  भारतीय नीतिनियम आणि मूल्ये यांचा अभिमान असणार आहेत असे म्हणत बाळासाहेबांना श्रद्धांजली वाहिली आहे.

Tributes to the great Balasaheb Thackeray on his Jayanti. Courageous and indomitable, he never hesitated from raising issues of public welfare. He always remained proud of Indian ethos and values. He continues to inspire millions.

— Narendra Modi (@narendramodi) January 23, 2020

मनसेच्या राज्यव्यापी महाअधिवशेनासाठी अध्यक्ष राज ठाकरे, पत्नी शर्मिला ठाकरे मुलगा अमित ठाकरे यांच्या सह गोरेगाव येथील नेस्को मैदानात पोहचले आहेत. आज याठिकाणी मनसेच्या नव्या झेंड्याचे अनावरण आणि पुढील राजकीय भूमिकेवर राज ठाकरे मनसैनिकांशी संवाद साधतील

भीमा कोरेगाव प्रकरणी आज राज्याची उपमुख्यमंत्री अजित पवार, गृहमंत्री अनिल परब आणि महाराष्ट्र पोलिसांची एक खास बैठक राज्य सचिवालयात सुरु आहे. भीमा कोरेगाव प्रकरणाचा तसेच या संदर्भात कोर्टात दाखल झालेल्या तक्रारींचा आढावा घेण्यासाठी ही बैठक आयोजित करण्यात आली आहे.