Prime Minister Narendra Modi | (Photo credits: ANI)

BJP National Executive Meeting: भाजपच्या राष्ट्रीय कार्यकारिणीच्या बैठकीच्या दुसऱ्या दिवशी रविवारी पंतप्रधान नरेंद्र मोदी (PM Modi) यांनी भाषण केले. यावेळी पंतप्रधान मोदींनी हैदराबाद (Hyderabad) ला भाग्यनगर (Bhagyanagar) म्हटले. मोदी म्हणाले की, भाग्यनगरमध्येच सरदार पटेल यांनी अखंड भारताची पायाभरणी केली. आम्ही तुष्टीकरण संपवून पूर्णतेचा मार्ग स्वीकारला आहे. नेशन फर्स्ट ही एकच आमची विचारधारा आहे. दरम्यान, जेव्हा पीयूष गोयल यांना पत्रकार परिषदेत विचारण्यात आले की, भाजप सत्तेत आल्यास हैदराबादचे नाव बदलून भाग्यनगर करणार का? त्यावर त्यांनी मंत्रिमंडळातील सहकाऱ्यांसह पक्षाचे मुख्यमंत्री याबाबत निर्णय घेतील, असे सांगितले.

यापूर्वी आरएसएसने हैदराबादचा उल्लेख भाग्यनगर केला आहे. यूपीचे मुख्यमंत्री योगी आदित्यनाथ यांनी प्रचारादरम्यान त्याला भाग्यनगर म्हटले होते. नोव्हेंबर 2020 मध्ये, जेव्हा योगी आदित्यनाथ महापौरपदाच्या निवडणुकीच्या प्रचारासाठी हैदराबादला आले होते, तेव्हा त्यांनी जाहीरपणे सांगितले होते की, भाजपचे सरकार आल्यावर शहराचे नाव भाग्यनगर केले जाईल. (हेही वाचा - BJP National Executive Meeting: अमित शाह म्हणाले - देशात पुढील 30 ते 40 वर्षे भाजपची, काँग्रेसला आहे 'मोदी फोबिया')

त्याचवेळी केंद्रीय गृहमंत्री अमित शहा हे नागरी निवडणुकांच्या प्रचारासाठी हैदराबादला गेले होते आणि तेथे त्यांनी भाग्यनगर मंदिराला भेट देऊन दिवसाची सुरुवात केली. हे मंदिर 429 वर्षे जुन्या हैदराबाद शहराला लागून आहे. हैदराबादमध्ये स्थानिक स्वराज्य संस्थांच्या निवडणुकीत भाजपने चांगली कामगिरी केली आहे. तेलंगणामध्ये भाजपच्या राष्ट्रीय कार्यकारिणीची बैठक संघटित पद्धतीने आयोजित करण्याच्या प्रयत्नांबद्दल पंतप्रधानांनी तेलंगणा भाजप कार्यकर्त्यांचे अभिनंदन केले. तसेच सर्व प्रतिकूलतेच्या विरोधात भाजप आणि त्याची दृष्टी सामान्य माणसांपर्यंत नेण्याच्या प्रयत्नांबद्दल त्यांचे अभिनंदन केले.

पंतप्रधानांच्या भाषणाची माहिती देताना रविशंकर प्रसाद म्हणाले, अनेक राज्यांमध्ये कार्यकर्ते सत्तेशिवाय काम करत आहेत. बंगाल, केरळ तेलंगणामध्ये हे घडत आहे. आमची विचारसरणी लोकशाही आहे. जेव्हा पीएम म्युझियम बांधले गेले तेव्हा आम्ही सर्व पंतप्रधानांना तिथे जागा दिली. आमच्यावर अत्याचार करणाऱ्या पंतप्रधानांनाही. अनेक राजकीय पक्ष आपले अस्तित्व वाचवण्याचा प्रयत्न करत आहेत. पण, ही घसरण आपल्यासाठी उपहासाची किंवा विनोदाची बाब नाही. आपण शिकले पाहिजे की, त्यांनी केलेल्या कोणत्याही गोष्टी आपल्याला करण्याची गरज नाही. दरम्यान, यावेळी पंतप्रधानांनी भारतातील विविधतेवर आणि सर्वांना भाजपशी जोडण्यावर भर दिला.