Bihar News: बिहारमधील मधेपुरा जिल्ह्यात तलावात बुडून 5 लहान मुलांचा मृत्यू, मृतांमध्ये 4 मुली आणि 1 मुलाचा समावेश

बिहारच्या (Bihar) मधेपुरा (Madhepura) जिल्ह्यातील चौसा पोलीस स्टेशन परिसरात गुरुवारी एका तलावात बुडून पाच मुलांचा मृत्यू (Death) झाला आहे. या मुलांचे वय 10 ते 12 वर्षांच्या दरम्यान असल्याचे सांगितले जाते. सर्व मृतदेह तलावातून बाहेर काढण्यात आले आहेत. एका पोलीस अधिकाऱ्याने सांगितले की, मनोहरपूर गावातील पाच मुले गुरुवारी दुपारी गावातील एका तलावात कमळाची फुले तोडण्यासाठी गेली होती. या दरम्यान एका मुलीचा पाय तलावात घसरला आणि ती खोल पाण्यात गेली. त्याला वाचवण्यासाठी इतर मुलेही खोल पाण्यात उतरली आणि पाचही मुलांचा मृत्यू झाला. तलावामध्ये अंघोळ करणाऱ्या इतर मुलांनी आवाज केल्यावर आजूबाजूचे लोक जमले आणि सर्व मुलांना तलावाबाहेर काढण्यात आले, पण तोपर्यंत सर्वांचा मृत्यू झाला होता. घटनेची माहिती मिळताच पोलीस दाखल झाले, सर्व मृतदेह ताब्यात घेतले आणि शवविच्छेदनासाठी रुग्णालयात पाठवले.

चौसा स्टेशन प्रभारी रवीश रंजन यांनी IANS ला सांगितले की मृतांमध्ये नॅन्सी कुमारी, लक्ष्मी कुमारी, ललिता कुमारी, अस्मिता कुमारी आणि कृष्ण कुमार यांचा समावेश आहे. सर्वजण मनोहरपूर गावातील रहिवासी आहेत आणि सर्व 10 ते 12 वर्षांच्या दरम्यान आहेत. ते म्हणाले की, पोलीस या संपूर्ण प्रकरणाची चौकशी करत आहेत.  पाच मृतदेह एकत्र पाहून गावात खळबळ उडाली आहे. कुटुंबातील सदस्यांची अवस्था बिकट आहे. हेही वाचा Jalna: 6 वर्षांच्या मुलाचा प्रेमात अडसर; प्रियकराच्या मदतीने आईनेच केली निर्घृण हत्या

सध्या माहिती मिळताच मंडळ अधिकारी आणि स्टेशन अध्यक्ष घटनास्थळी पोहोचले आणि त्यांनी या प्रकरणाचा तपास सुरू केला. मधेपुरा जिल्ह्यातील आलमनगर चौसा कोसी दियारा परिसरात येते. जिथे दरवर्षी पावसाळ्यात पूर येतो. अशा परिस्थितीत लोकांच्या घरात पाणी शिरते. गुरांसाठी चाऱ्याचे संकट आहे. अशा स्थितीत लहान मुलेही गुराढोरांसाठी चाराच्या शोधात डायरा परिसरात जातात. गुरुवारी सकाळीही 5 मुलांचा गट डायरा परिसरात गुरांच्या चाऱ्यासाठी गेला होता. ज्या दरम्यान हा अपघात झाला.

(The above story first appeared on LatestLY on Sep 16, 2021 06:37 PM IST. For more news and updates on politics, world, sports, entertainment and lifestyle, log on to our website latestly.com).