Delhi Shocker: दिल्लीच्या प्रेम नगरमध्ये घराला आग लागून एकाच कुटुंबातील ४ जणांचा गुदमरून मृत्यू

Delhi Shocker: देशाची राजधानी दिल्लीत एक भीषण दुर्घटना घडला आहे. प्रेम नगर परिसरात काल रात्री एका घराला लागलेल्या आगीत एकाच कुटुंबातील चौघांचा गुदमरून मृत्यू झाला. दिल्ली अग्निशमन विभागाने दिलेल्या माहितीनुसार, पहाटे साडेतीनच्या सुमारास ही आग लागली. आगीची माहिती मिळताच अग्निशमन दलाच्या गाड्या घटनास्थळी दाखल झाल्या. अथक परिश्रमानंतर आग आटोक्यात आणण्यात आली. मात्र धुरामुळे गुदमरल्याने चौघांची प्रकृती खालावली. दिल्ली अग्निशमन विभागाने सांगितले की, आगीमुळे गुदमरल्यामुळे ज्यांची प्रकृती खालावली होती त्यांना उपचारासाठी रुग्णालयात नेण्यात आले. जिथे डॉक्टरांनी त्यांना मृत घोषित केले. आगीमुळे  पती, पत्नी आणि दोन मुलांना आपला जीव गमवावा लागला आहे.