'सैराट' दिग्दर्शक नागराज मंजुळेंचा आर्ची -परशासह ‘मनचिसे’त झिंगाट प्रवेश

मुंबई: 'सैराट' या सुपर-डुपर चित्रपटामुळे घराघरात पोहोचलेले दिग्दर्शक नागराज मंजुळे यांनी थेट राज ठाकरे यांच्या महाराष्ट्र नवनिर्माण चित्रपट कर्मचारी सेनेत प्रवेश करून सर्वांनाच आश्चर्याचा धक्का दिला आहे. विशेष म्हणजे, नागराज यांच्यासोबतच 'सैराट' चित्रपटातील आर्ची, परशाच्या प्रमुख भूमिकेत झळकलेल्या रिंकू-राजगुरु यांनीही ‘मनचिसे’ प्रवेश केला आहे.

राजकीय अर्थ काढू नका

दरम्यान, नागराज, आकाश आणि रिंकू यांच्या 'मनचिसे'तील प्रवेशाचे राजकीय अर्थ काढू नका, असे अवाहन मनेसच्या चित्रपट सेनेने केले आहे. आम्ही या क्षेत्रात करत असलेले काम पाहूनच त्यांनी ‘मनचिसे’त प्रवेश केल्याचेही ‘मनचिसे’कडून स्पष्ट करण्यात आले आहे.

सुप्रसिद्ध दिग्दर्शक नागराज मंजुळे, नवोदित अभिनेता आकाश ठोसर आणि नवोदित अभिनेत्री रिंकू राजगुरू ह्यांनी 'महाराष्ट्र नवनिर्माण चित्रपट कर्मचारी सेनेचं' सदस्यत्व, चित्रपट सेनेचे अध्यक्ष @MNSAmeyaKhopkar ह्यांच्या उपस्थितीत स्वीकारलं. सर्व कलाकारांचं मनसे स्वागत.  pic.twitter.com/fviuUhgz5j

— MNS Adhikrut (@mnsadhikrut) September 11, 2018

चर्चेला उधान

दरम्यान, या तिघाही कलाकारांचा ‘मनचिसे’त प्रवेश व्हावा यासाठी प्रक्रिया सुरू होती. अखेर या तिघांनीही ‘मनचिसे’ प्रवेश केला. मात्र, त्यानंतर इतर चित्रपट सेना आणि त्यातही सत्ताधारी असलेल्या पक्षांच्या चित्रपट सेनेत या तिघांनी प्रवेश का केला नाही अशी चर्चा आता रंगली आहे.

(The above story first appeared on LatestLY on Sep 12, 2018 02:03 PM IST. For more news and updates on politics, world, sports, entertainment and lifestyle, log on to our website latestly.com).