कोरोना व्हायरस बाधितांना विलगीकरण कक्षात ठेवण्यासाठी शाहरुख खान याने दिली ऑफिसची जागा; BMC ने ट्विट करत मानले आभार

कोरोना व्हायरसच्या या महाभयंकर लढ्यात सर्वच स्तरातून आपल्या परीने मदत केली जात आहे. बॉलिवूड सेलिब्रेटी देखील या लढ्यात सक्रीय झाल्याचे पाहायला मिळत आहे. बॉलिवूडचा किंग खान शाहरुख खान याने आर्थिक मदतीसह अनेक स्तरावर सहकार्य दाखवले आहे. त्याने आपल्या ऑफिसची जागा कोरोना बाधितांसाठी विलगीकरण कक्ष तयार करण्यासाठी मुंबई महानगरपालिकेला दिली आहे. कोरोना रुग्णांचा देशातील वाढता आकडा लक्षात घेता अधिकाधिक विलगीकरण कक्षाची गरज भासू शकते. याच विचारातून त्याने आपल्या ऑफिसचे रुपांतर विलगीकरण कक्षात करण्याची तयारी दर्शवली आहे. शाहरुखच्या या सहकार्याबद्दल मुंबई महानगरपालिकेकडून त्याचे आभार मान्यात आले आहेत.

बीएमसीच्या अधिकृत ट्विटर हँडलवर ट्विट करत शाहरुख आणि गौरीचे आभार मानले आहेत. बीएमसीच्या ट्विट मध्ये म्हटले आहे की, 4 मजली वैयक्तिक ऑफिसची जागा विलगीकरण कक्ष उभारण्यासाठी दिल्याबद्दल शाहरुख आणि गौरी खान यांचे धन्यवाद. यात लहान मुले, महिला आणि जेष्ठ कोरोना बाधित व्यक्तींना ठेवण्यात येईल. ही गरजेसाठी केलेली अत्यंत विचारपूर्वक कृती आहे. (कोरोना विरुद्धच्या लढ्यात आर्थिक मदतीसह शाहरुख खान याचा शाब्दिक आधार; मुख्यमंत्र्यांना धन्यवाद देण्यासाठी चक्क मराठी भाषेतून ट्विट)

BMC Tweet:

#StrongerTogether

We thank @iamsrk & @gaurikhan for offering their 4-storey personal office space to help expand our Quarantine capacity equipped with essentials for quarantined children, women & elderly.

Indeed a thoughtful & timely gesture!#AnythingForMumbai#NaToCorona https://t.co/4p9el14CvF

— माझी Mumbai, आपली BMC (@mybmc) April 4, 2020

यापूर्वी शाहरुख खान याने कोरोना व्हायरस विरुद्धच्या लढ्यात आर्थिक योगदान दिले आहे. त्याचबरोबर वेळोवेळी ट्विटच्या माध्यमातून मुख्यमंत्र्यांना शाब्दिक आधार दिला आहे. त्यानंतर आता विलगीकरण कक्षासाठी ऑफिसची जागा देऊन वेळप्रसंगी सहकार्य दाखवले आहे.

(The above story first appeared on LatestLY on Apr 04, 2020 01:04 PM IST. For more news and updates on politics, world, sports, entertainment and lifestyle, log on to our website latestly.com).