Vikram: 'बाहुबली 2' चा विक्रम मोडत 'विक्रम' बनला तामिळनाडूत नंबर वन, कमावले इतके कोटी

कमल हसनने (Kamal Haasan) त्याच्या 'विक्रम' (Vikram) चित्रपटाच्या यशाने पुन्हा एकदा आपली स्टार पॉवर सिद्ध केली आहे. चित्रपट प्रदर्शित होऊन दोन आठवड्यांहून अधिक काळ लोटला असला तरी बॉक्स ऑफिसवर तो अजूनही रेकॉर्ड मोडत आहे. त्याचबरोबर आता 'विक्रम' हा तामिळनाडूमध्ये (Tamilnadu) सर्वाधिक कमाई करणारा चित्रपट ठरला आहे. विक्रमने राज्यात 150 कोटींहून अधिक कमाई करून प्रभासच्या 'बाहुबली 2' ला एकट्याने मागे टाकले आहे. बॉक्स ऑफिसवर चित्रपटाच्या यशानंतर सक्सेस पार्टीचे आयोजन करून चाहत्यांचे आभार मानले गेले. कमल हसन यांच्यासह दिग्दर्शक लोकेश कनागराज, संगीतकार अनिरुद्ध रविचंदर, विजय सेतुपती आणि चित्रपटाच्या वितरकांनी एवढ्या प्रेमाचा वर्षाव केल्याबद्दल चाहत्यांचे आभार मानले.

Tweet

#VikramAllTimeRecord Success Meet . #KamalHaasan #VikramRoaringSuccess #Vikram@ikamalhaasan @Dir_Lokesh @Udhaystalin @VijaySethuOffl #FahadhFaasil @anirudhofficial #Mahendran @RKFI @turmericmediaTM @moviebuffindia @SonyMusicSouth @RedGiantMovies_ @actor_nithiin @anbariv pic.twitter.com/9jDXYDy467

— Raaj Kamal Films International (@RKFI) June 18, 2022

या चित्रपटाने अनेक विक्रम मोडले

आंतरराष्ट्रीय स्तरावर चित्रपटाचे वितरण करणाऱ्या एपी इंटरनॅशनलच्या संजयच्या मते, 'विक्रम'ने अनेक राष्ट्रीय विक्रम मोडले आहेत. ते म्हणाला, 'मला हे सांगण्यास आनंद होत आहे की सोमवारपर्यंत चित्रपटाची परदेशात कमाई 100 कोटींच्या पुढे जाईल.' कमल हासन म्हणाले की, त्यांना मिळालेली सर्वात मोठी भेट म्हणजे तामिळनाडूच्या लोकांनी त्यांना त्यांच्या रोजच्या रोज कमाईचा एक भाग दिला आहे. (हे देखील वाचा: Shamshera Poster Leaked: रणबीर कपूरच्या 'शमशेरा'चे पोस्टर लीक, चित्रपट लवकरच प्रक्षेकांच्या भेटीला)

जगभरात लवकरच 400 कोटींचा टप्प करु शकतो पार

'विक्रम'ने आतापर्यंत जगभरात 350 कोटींचा टप्पा ओलांडला आहे. आता 'विक्रम' रजनीकांतच्या 2018 च्या ब्लॉकबस्टर '2.0' च्या मागे आहे, ज्याने 650 कोटींचा व्यवसाय केला. 'विक्रम'च्या कलेक्शनचा वेग पाहता हा चित्रपट लवकरच जगभरात 400 कोटींचा टप्पा पार करेल अशी अपेक्षा आहे.

(The above story first appeared on LatestLY on Jun 18, 2022 11:55 PM IST. For more news and updates on politics, world, sports, entertainment and lifestyle, log on to our website latestly.com).