QuickLY
Socially
Lock Upp: कुस्तीपटू बबिता फोगट (Babita Phogat) चे नाव तुम्ही ऐकलेच असेल. तिच्या आयुष्यावर दंगल हा चित्रपट बनला आहे. ज्यामध्ये सान्या मल्होत्राने बबिताची भूमिका साकारली होती. तसे, बबिताही तिच्या वादग्रस्त विधानामुळे चर्चेत असते. अशा परिस्थितीत आता कंगना रनौत (Kangna Ranaut) चा आगामी कॅप्टिव्ह रिअॅलिटी शो 'लॉक अप: बेडएस जेल अत्याचारी खेल'ने (Lock Upp) आपल्या आव्हानात्मक स्वरूपाने सर्वांना थक्क केले आहे. कंटेंट क्वीन एकता कपूर (Ekta Kapoor) 27 फेब्रुवारीपासून Alt Balaji आणि MX Player वर भारतीय प्रेक्षकांसाठी हा निर्भीड रिअॅलिटी शो विनामूल्य स्ट्रीम करण्यासाठी सज्ज आहे. प्रत्येकजण स्पर्धकांची वाट पाहत आहे, त्यामुळे निर्मात्यांनी आता 'लॉक अप'च्या चौथ्या सेलिब्रिटी स्पर्धकाची घोषणा केली आहे.
टीव्ही अभिनेत्री आणि मॉडेल निशा रावल, इंटरनेट सेन्सेशन पूनम पांडे, स्टँड-अप कॉमेडियन मुनव्वर फारुकी यांच्यासह पहिल्या तीन स्पर्धकांची नावे घोषित केल्यानंतर, आता हे निश्चित झाले आहे की कुस्ती चॅम्पियन बबिता फोगट बहुप्रतिक्षित शोची नवीन कैदी असणार आहे. बबिता फोगटने 2014 राष्ट्रकुल क्रीडा स्पर्धेत महिला कुस्तीमध्ये भारताचे पहिले सुवर्णपदक जिंकून भारताचा अभिमान वाढवला होता. तिने 2018 च्या राष्ट्रकुल क्रीडा स्पर्धेत रौप्य पदक, 2010 राष्ट्रकुल स्पर्धेत आणि 2012 च्या जागतिक कुस्ती स्पर्धेत कांस्य पदक जिंकले. तिच्या वास्तविक जीवनाच्या कथेने बॉलीवूडच्या ब्लॉकबस्टर दंगलला प्रेरित केले कारण ती लाखो लोकांसाठी आयकॉन बनली. (वाचा - Russia Ukraine War: युक्रेनमध्ये रशियन बॉम्बचा पाऊस; तरीही 'हा' ऑस्कर विजेता अभिनेता जीवाची बाजी लावत करत आहे डॉक्युमेंट्री शूट)
दरम्यान, बबिता फोगटने शेअर केले की, 'मी 'लॉक अप' सारख्या शोमध्ये येण्यासाठी खूप उत्सुक आहे. कारण मी कधीही 24 तास लाइव्ह असलेला शो केलेला नाही. त्यामुळे या शोचा भाग बनून मी खूप आनंदी आणि उत्साहित आहे. या शोमुळे मी काय आहे हे लोकांना कळेल. सर्वप्रथम प्रेक्षक मला 'दंगल' चित्रपटातून ओळखतात. त्यामुळे आता लोकांना माझे खरे व्यक्तिमत्त्व, माझ्या आवडी-निवडी आणि एक व्यक्ती म्हणून मी माझ्या खऱ्या आयुष्यात कशी आहे, याची माहिती मिळेल.' नवीन लॉक-अप कैदी म्हणून, बबिताला स्टिरियोटाइप मोडून काढण्याची, दबाव टिकवून ठेवण्याची आणि अंतिम फेरीच्या शर्यतीत इतरांना मागे टाकण्याची आशा आहे.
View this post on Instagram
कंगना रनोतने होस्ट केलेल्या, या शोमध्ये 16 वादग्रस्त सेलिब्रिटींना काही महिन्यांपर्यंत तुरुंगवास भोगावा लागणार आहे. हा शो 27 फेब्रुवारी 2022 रोजी प्रीमियर होणार आहे. ALTBalaji आणि MX Player त्यांच्या संबंधित प्लॅटफॉर्मवर शो 24x7 लाइव्ह स्ट्रीम करतील आणि दर्शकांना स्पर्धकांशी थेट संवाद साधण्याची परवानगी देखील देतील. उर्वरित सुपर-कॉन्ट्रोव्हर्शियल सेलिब्रिटी स्पर्धकांची लवकरच प्रेक्षकांना ओळख करून दिली जाईल, जे त्यांच्याशी प्रथमच संवाद साधू शकतात आणि शोचा एक अनोखा भाग बनू शकतात. 'लॉक अप' 27 फेब्रुवारी 2022 पासून Alt Balaji आणि MX Player वर लाइव्ह स्ट्रीम केले जाणार आहे.
