T20 World Cup 2024 च्या विजयानंतर AR Rahman ने टीम इंडियाला समर्पित केले 'टीम इंडिया है हम' गाणे (Watch Video)
संगीतकार एआर रहमान (AR Rahman) यांनीही भारतीय संघाचे विशेष अभिनंदन केले आहे. त्यांनी ब्लू इंडियन टीममधील पुरुषांना 'टीम इंडिया हैं हम' (Team India Hai Hum Song) हा म्युझिक व्हिडिओ भेट दिला. या म्युझिक व्हिडिओला खूप पसंती दिली जात आहे आणि चाहते त्यावर सतत कमेंट करत आहेत.
T20 World Cup 2024: T20 विश्वचषक (T20 World Cup 2024) जिंकून भारतीय क्रिकेट संघाने (Team India) पुन्हा एकदा संपूर्ण जगासमोर देशाचा गौरव केला आहे. सर्वत्र फक्त टीम इंडियाचीच चर्चा होत आहे. भारतीय संघाचे सर्वसामान्यांपासून ते विशेष व्यक्तींकडून अभिनंदन होत आहे. दरम्यान, संगीतकार एआर रहमान (AR Rahman) यांनीही भारतीय संघाचे विशेष अभिनंदन केले आहे. त्यांनी ब्लू इंडियन टीममधील पुरुषांना 'टीम इंडिया हैं हम' (Team India Hai Hum Song) हा म्युझिक व्हिडिओ भेट दिला. या म्युझिक व्हिडिओला खूप पसंती दिली जात आहे आणि चाहते त्यावर सतत कमेंट करत आहेत.
एआर रहमानचे टीम इंडियाला खास गिफ्ट -
ऑस्कर विजेते संगीतकार एआर रहमानने दक्षिण आफ्रिकेविरुद्धच्या रोमहर्षक सामन्यात टी-20 विश्वचषक ट्रॉफी जिंकल्यानंतर टीम इंडियाला एक खास गाणे भेट दिले. एआर रहमानने हा विजय खास पद्धतीने साजरा केला. त्यांनी अजय देवगणच्या मैदान चित्रपटातील गाणे टीम इंडियाला समर्पित केले आहे. या गाण्याचे बोल टीम इंडिया है हम... हे गाणे ए आर रहमान यांनी संगीतबद्ध, सादर, निर्मिती केली आहे. भारतीय संघाला समर्पित हे गाणे चाहत्यांना खूप आवडत आहे. 29 जून रोजी रोहित शर्माच्या नेतृत्वाखाली टीम इंडियाने T20 फॉर्मेटमध्ये विश्वचषक जिंकला होता. (हेही वाचा -Anushka Sharma Post For Virat Kohli and Team India: भारताने T20 विश्वचषक जिंकल्यानंतर अनुष्का शर्माने शेअर केली खास पोस्ट; अनोख्या अंदाजात दिल्या विराट कोहली आणि टीम इंडियाला शुभेच्छा)
एआर रहमानने शेअर केली गाण्याची लिंक -
30 जून रोजी एआर रहमानने ट्विटरवर टीम इंडिया हैं हम या म्युझिक व्हिडिओची यूट्यूब लिंक शेअर केली. त्यांनी म्हटलं आहे की, भारताचा #T20IWorldCup विजय साजरा करत आहे. प्रत्येकजण आमच्या #TeamIndia गाण्याच्या कामगिरीचा आनंद घ्या. एआर रहमानने वर्ल्ड कप जिंकल्यानंतर हे गाणे मेन इन ब्लूला समर्पित केले. (हेही वाचा - T20 World Cup 2024: T-20 विश्वचषक विजयानंतर कर्णधार रोहित शर्मा भावूक; केन्सिंग्टन ओव्हल स्टेडीयममधील चक्क गवतच खाल्ले, आयसीसीकडून व्हिडीओ शेअर (Watch Video))
Celebrating India’s #T20IWorldCup win 🏆. Enjoy our #TeamIndia song performance 😍🇮🇳
🔗 ➡️ https://t.co/RXPZM2S0aP@BCCI
— A.R.Rahman (@arrahman) June 30, 2024
पहा व्हिडिओ -
शेअर केलेल्या व्हिडीओमध्ये तो अजय देवगणच्या 'मैदान' चित्रपटातील 'टीम इंडिया हैं हम' गाण्यावर परफॉर्म करताना दिसत आहे. या व्हिडिओमध्ये त्याची संपूर्ण टीमही उत्साहाने गाताना दिसत आहे. हे गाणे नकुल अभ्यंकरने एआर रहमानसोबत मैदान चित्रपटात गायले आहे.
(The above story first appeared on LatestLY on Jul 01, 2024 02:22 PM IST. For more news and updates on politics, world, sports, entertainment and lifestyle, log on to our website latestly.com).
