Iraq To Legalise Child Marriage? इराकमध्ये बालविवाह कायदेशीर होण्याची शक्यता; सरकारचा मुलींच्या लग्नाचे वय 15 वरून 9 वर आणण्याचा प्रस्ताव
इराकच्या संसदेने मुलींचे लग्नाचे कायदेशीर वय 15 वरून 9 वर आणण्यासाठी पहिले पाऊल उचलले आहे.
इराकमधील शिया इस्लामी पक्ष इराकच्या वैयक्तिक कायद्यात सुधारणा करण्यासाठी संसदेवर दबाव आणत आहेत, ज्याद्वारे देशात मुलींच्या लग्नाचे वय 9 वर्षे होईल. एकीकडे भारत बालविवाहासारखे दुष्कृत्य संपवण्यासाठी सर्वतोपरी प्रयत्न करत आहे आणि त्यात काही प्रमाणात यश आले आहे, तर दुसरीकडे इराकला बालविवाह कायदेशीर करायचे आहे. मुलींचे कायदेशीर लग्नाचे वय कमी करण्यासाठी इराकमध्ये जोरदार प्रयत्न सुरू आहेत. येथे मुलींच्या लग्नाचे कायदेशीर वय सध्या 15 वर्षे आहे, ते कमी करून 9 वर्षे करण्याच्या योजनेवर काम केले जात आहे. इराकमधील शिया इस्लामवादी पक्ष ‘अल-जाफारी’, वैयक्तिक स्थिती कायदा (कायदा क्रमांक 188) मध्ये सुधारणा करण्याbabat आणि मुलींसाठी विवाहाचे स्वीकार्य वय सध्याच्या 18 वर्षे (धार्मिक मर्यादा 15 वर्षे आहे) वरून 9 वर्षे करण्याबाबत आग्रही आहे.
याबाबतच्या विधेयकाचा मसुदा अपक्ष खासदार रैद अल-मलिकी यांनी मांडला होता. हे विधेयक मंजूर झाल्यास इराकमध्ये बालविवाह कायदेशीर होईल. या विधेयकामुळे धार्मिक प्रमुखांना न्यायालयाऐवजी ‘शिया आणि सुन्नी सेटलमेंट कार्यालयांद्वारे’ विवाह निश्चित करण्याची परवानगी मिळेल. मात्र या नव्या कायद्याला इराकी जनतेने विरोध दर्शवला आहे. त्यांचा असा विश्वास आहे की, हा कायदा इराकमधील महिला आणि मुलांच्या हक्कांवर नकारात्मक परिणाम करेल. (हेही वाचा: New Degree In Marriage: घटत्या जन्मदराच्या पार्श्वभूमीवर चिनी विद्यापीठाने जाहीर केली 'विवाह' विषयातील नवीन पदवी)
पाहा पोस्ट -
BREAKING:
Iraq’s Parliament takes the first step to lower the legal age of marriage for girls from 15 to 9. pic.twitter.com/96z3YCAVHK
— Globe Eye News (@GlobeEyeNews) August 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 08, 2024 07:29 PM IST. For more news and updates on politics, world, sports, entertainment and lifestyle, log on to our website latestly.com).
