Vijay Hazare Trophy 2022: तामिळनाडूने 5० षटकांत केल्या 506/2; नारायण जगदीशनने विजय हजारे ट्रॉफीमध्ये केला नवा विक्रम
तथापी, जगदीशन लिस्ट-ए मध्ये सर्वाधिक वैयक्तिक धावा करणारा फलंदाज ठरला. जगदीशनने आपल्या मॅरेथॉन शतकी खेळीत (277) भारतीय कर्णधार रोहित शर्मा आणि शिखर धवनचा विक्रमही मोडला आहे.
Vijay Hazare Trophy 2022: तामिळनाडूचा फलंदाज नारायण जगदीशन (Narayan Jagadeesan) याने विजय हजारे ट्रॉफीमध्ये द्विशतक झळकावून नवा विक्रम केला आहे. त्याचे हे सलग पाचवे शतक असून लिस्ट-ए क्रिकेटमध्ये अशी कामगिरी करणारा तो पहिला फलंदाज ठरला आहे. चालू असलेल्या सामन्यात अरुणाचल प्रदेशविरुद्ध 277 धावांची खेळी करून त्याने केलेल्या अनेक विक्रम केले आहेत. जगदीशनने अरुणाचलविरुद्ध 141 चेंडूत 277 धावांची खेळी खेळली होती. त्याने आपल्या खेळीत 25 चौकार आणि 15 षटकार मारले. विजय हजारेसाठी जगदीशनने या मोसमातील आपल्या पहिल्याच सामन्यात बिहारविरुद्ध 5 धावा केल्या होत्या. त्यानंतर त्याने आंध्र प्रदेश (114), छत्तीसगड (107), गोवा (168) आणि हरियाणा (128) विरुद्ध सलग शतके झळकावली. त्याने चालू मोसमात आतापर्यंत सहा सामन्यांमध्ये 159.80 च्या सरासरीने सर्वाधिक 799 धावा केल्या आहेत.
जगदीशनने पाच शतके झळकावून कोहलीचा विक्रम मोडला आहे. विजय हजारे ट्रॉफीच्या एकाच सत्रात पाच शतके झळकावणारा जगदीशन हा पहिला फलंदाज ठरला. एका मोसमात प्रत्येकी चार शतके झळकावणाऱ्या विराट कोहली, पृथ्वी शॉ, रुतुराज गायकवाड आणि देवदत्त पडिक्कल यांना त्याने मागे टाकले आहे. याशिवाय जगदीशन लिस्ट-ए क्रिकेटमध्ये सलग पाच शतके झळकावणारा जगातील पहिला फलंदाज ठरला आहे. त्याने सलग चार शतके झळकावणाऱ्या कुमार संगकारा, अल्विरो पीटरसन आणि पडिक्कल यांना मागे टाकले आहे.
तथापी, जगदीशन लिस्ट-ए मध्ये सर्वाधिक वैयक्तिक धावा करणारा फलंदाज ठरला. जगदीशनने आपल्या मॅरेथॉन शतकी खेळीत (277) भारतीय कर्णधार रोहित शर्मा आणि शिखर धवनचा विक्रमही मोडला आहे. तो आता केवळ भारताचाचं नाही तर लिस्ट-ए क्रिकेटच्या इतिहासात जगातील सर्वाधिक वैयक्तिक धावा करणारा खेळाडू बनला आहे.
Tamil Nadu becomes the first team to score 500+ total in men's List-A cricket.
— Kausthub Gudipati (@kaustats) November 21, 2022
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Nov 21, 2022 01:49 PM IST. For more news and updates on politics, world, sports, entertainment and lifestyle, log on to our website latestly.com).
