IPL 2024 Opening Ceremony: जगातील सर्वात मोठी क्रिकेट लीग म्हणजेच इंडियन प्रीमियर लीग (IPL 2024) आजपासून सुरू होत आहे. आज चेन्नईच्या एमए चिदंबरम स्टेडियमवर चेन्नई सुपर किंग्स आणि रॉयल चॅलेंजर्स बंगलोर (CSK vs RCB) यांच्यात सामना खेळवला जात आहे. यासाठी दोन्ही संघ पूर्णपणे सज्ज झाले आहेत. दरम्यान, आयपीएलच्या 17व्या मोसमाचे उद्घाटन सोहळे सुरू आहेत. सगळ्यात आधी बॉलिवूड स्टार अभिनेता अक्षय कुमार आणि टायगर श्रॉफ यांनी आपली जादू दाखवली. या दोघांनी जय-जय शिवशंकर, देसी बॉईज, सबसे आगे होंगे हिंदुस्तानी, बाला-बाला, हरे राम- हरे राम हरे कृष्णा हरे राम या गाण्यांवर डान्स केला. संपूर्ण स्टेडियम खचाखच भरले आहे. अक्षय आणि टायगरने एकामागून एक डान्स केला. टायगर श्रॉफ आणि अक्षय कुमारनंतर सोनू निगम मंचावर आले. सोनू निगमने वंदे मातरम गाऊन करोडो भारतीयांची मने जिंकली. सोनू निगमसोबत एआर रहमान आणि मोहित चौहान यांनीही आपल्या सुरेल आवाजाने प्रेक्षकांना मंत्रमुग्ध केले. दोन्ही गायकांना रसिकांची भरभरून साथ लाभली.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)