UID Code on Devgad Hapus Mango: आता देवगड हापूस आंब्यावर असणार युआयडी कोड; ग्राहकांची फसवणूक टाळण्यासाठी मोठा निर्णय
या उपक्रमाचे उद्दिष्ट देवगड अल्फोन्सो (हापूस) म्हणून विक्री केल्या जाणाऱ्या बनावट/नकली आंब्यांची विक्री थांबवणे आणि ग्राहकांना देवगडमधील अस्सल आंबे मिळतील याची खात्री करणे हे आहे.
हळू हळू आता बाजारात आंब्यांची आवक सुरु झाली आहे. मात्र दरवर्षी देवगड हापूस आंब्यांच्या नावाखाली नागरिकांची फसवणूक होते. सर्वसामान्य लोकांना खरा हापसू ओळखता येत नाही. मात्र आता यावर तोडगा काढण्यात आला आहे. प्रत्येक देवगड आंब्यावर TP seal UID कोड लावण्यात आला आहे, ज्यावरून खरा देवगड ओळखत येणार आहे. देवगड तालुका आंबा उत्पादक सहकारी संस्थेने जीआय नोंदणीकृत शेतकऱ्यांना त्यांच्याकडील झाडांची संख्या व त्यांच्या उत्पादन क्षमतेनुसार TP Seal UID वितरित केले आहेत. त्यामुळे आता प्रत्येक अस्सल देवगड हापूस आंब्यावर हा खास युनिक स्टिकर लावणे बंधनकारक असेल. यामुळे असे युआयडी असलेले आंबेच 'देवगड हापूस' किंवा 'देवगड अल्फोन्सो' म्हणून बाजारात विक्री केले जाणार आहेत.
या उपक्रमाचे उद्दिष्ट देवगड अल्फोन्सो (हापूस) म्हणून विक्री केल्या जाणाऱ्या बनावट/नकली आंब्यांची विक्री थांबवणे आणि ग्राहकांना देवगडमधील अस्सल आंबे मिळतील याची खात्री करणे हे आहे. सोसायटीचे बोर्ड सदस्य अॅड. ओंकार एम. सप्रे म्हणाले, सिंधुदुर्ग जिल्ह्यातील देवगड तालुक्यात पिकणारा देवगड अल्फोन्सो आंबा गेल्या शतकाहून अधिक काळापासून स्वतःचे नाव निर्माण करत आहे. तो त्याच्या अनोख्या सुगंध आणि चवीसाठी बाजारात लोकप्रिय आहे. मात्र, आज देवगड हापूस म्हणून विकले जाणारे 80% पेक्षा जास्त आंबे प्रत्यक्षात देवगडचे नाहीत. गेल्या तीन दशकांपासून, इतर प्रदेशात पिकवले जाणारे निकृष्ट आंबे देवगड हापूसच्या नावाने उघडपणे आणि नियमितपणे विकले जात आहेत. यामुळे देवगड शेतकऱ्यांना त्यांचा योग्य बाजारपेठेतील वाटा हिरावून घेतला जात आहे, ज्यामुळे गंभीर सामाजिक आणि आर्थिक समस्या निर्माण होत आहेत. म्हणूनच, आता आंब्यांवर युआयडी स्तरीकर लावले जाणार आहे. (हेही वाचा: FASTag Mandatory: फास्टटॅग नसल्यास 1 एप्रिलपासून दुप्पट भरावा लागणार टोल; पहा कसा बनवायचा फास्टटॅग ऑनलाईन, ऑफलाईन)
UID Code on Devgad Hapus Mango:
Devgad Hapus Mangoes to Now Carry UID Codes https://t.co/GeKoSDSGXH
— Punekar News (@punekarnews) March 18, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 18, 2025 08:36 PM IST. For more news and updates on politics, world, sports, entertainment and lifestyle, log on to our website latestly.com).
