Mumbai Sakinaka Rape Case: साकीनाका बलात्कार प्रकरणातील आरोपीला फाशीची शिक्षा; गृहमंत्री Dilip Walse-Patil यांनी केले पोलिसांच्या कामाचे कौतुक
पोलिसांनी चोखपणे आपले कर्तव्य बजावत हे प्रकरण फास्टट्रॅकवर चालवण्याची मागणी केली. त्यामुळे न्याय प्रक्रियेला गती मिळाली
साकीनाका बलात्कार आणि हत्या प्रकरणातील आरोपीला न्यायालयाने शिक्षा जाहीर केली आहे. आरोपी मोहन चौहान याला दिंडोशी न्यायालयाने फाशीची शिक्षा सुनावली आहे. गेल्या वर्षी सप्टेंबरमध्ये मोहन चौहान याने एका महिलेवर बलात्कार केला होता. त्यानंतर पीडितेचा 11 सप्टेंबर रोजी मुंबईतील राजावाडी रुग्णालयात उपचार सुरू असताना मृत्यू झाला होता. न्यायालयाच्या निर्णयानंतर गृहमंत्री दिलीप वळसे पाटील यांनी याबाबत आपली प्रतिक्रिया व्यक्त केली आहे. ते म्हणाले- 'हे प्रकरण दुर्मिळातील दुर्मिळ असल्याचे सांगत सरकारतर्फे आरोपीला फाशीची शिक्षा देण्यात यावी अशी मागणी करण्यात आली होती. साकीनाका घटनेतील मुंबई पोलिसांचा ‘रिस्पॉन्स टाइम’ हा 10 मिनीटे इतका जलद होता. या बलात्कार व हत्या प्रकरणाचा तपास मुंबई पोलिसांनी अत्यंत जलदगतीने पूर्ण केला. संबंधित आरोपीविरोधात सर्व पुरावे जमा करून पोलिसांनी अवघ्या 18 दिवसांत दिंडोशी सत्र न्यायालयात आरोपपत्र दाखल केले होते.'
ते पुढे म्हणाले, 'पोलिसांनी चोखपणे आपले कर्तव्य बजावत हे प्रकरण फास्टट्रॅकवर चालवण्याची मागणी केली. त्यामुळे न्याय प्रक्रियेला गती मिळाली. मुंबई पोलिसांनी या प्रकरणी दाखवलेल्या कार्यतत्परतेबाबत गृहमंत्री दिलीप वळसे पाटील यांनी समाधान व्यक्त केले आहे. या निकालामुळे न्याय व्यवस्थेवरील विश्वास अधिक दृढ होईल तसेच याद्वारे महिला सुरक्षितता आणि महिलांच्या सन्मानाविषयी महाराष्ट्र पोलिस अत्यंत जागरूक असल्याचा संदेश समाजात पोहोचावा ही अपेक्षा.'
साकीनाका घटनेतील मुंबई पोलिसांचा ‘रिस्पॉन्स टाइम’ हा १० मिनीटे इतका जलद होता. या बलात्कार व हत्या प्रकरणाचा तपास मुंबई पोलिसांनी अत्यंत जलदगतीने पूर्ण केला. संबंधित आरोपीविरोधात सर्व पुरावे जमा करून पोलिसांनी अवघ्या १८ दिवसांत दिंडोशी सत्र न्यायालयात आरोपपत्र दाखल केले होते.
— HMO Maharashtra (@maharashtra_hmo) June 2, 2022
या निकालामुळे न्याय व्यवस्थेवरील विश्वास अधिक दृढ होईल तसेच याद्वारे महिला सुरक्षितता आणि महिलांच्या सन्मानाविषयी महाराष्ट्र पोलिस अत्यंत जागरूक असल्याचा संदेश समाजात पोहोचावा, अशी अपेक्षा गृहमंत्र्यांनी व्यक्त केली.
— HMO Maharashtra (@maharashtra_hmo) June 2, 2022
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 02, 2022 05:07 PM IST. For more news and updates on politics, world, sports, entertainment and lifestyle, log on to our website latestly.com).
