Rekha Gupta Delhi CM Oath: रेखा गुप्ता बनल्या दिल्लीच्या चौथ्या महिला मुख्यमंत्री; रामलीला मैदानावर पार पडला शपथविधी सोहळा, 6 मंत्र्यांनीही घेतली शपथ
शपथ घेण्यापूर्वी रेखा गुप्ता यांनी गुरुवारी सकाळी माध्यमांना सांगितले की, 'ही एक मोठी जबाबदारी आहे. माझ्यावर विश्वास दाखवल्याबद्दल मी पंतप्रधान मोदी आणि पक्षाच्या हायकमांडचे आभार मानते'.
दिल्लीच्या नवीन मुख्यमंत्री रेखा गुप्ता यांनी आज रामलीला मैदानावर मुख्यमंत्रीपदाची शपथ घेतली. अशाप्रकारे भारतीय जनता पक्षाने 27 वर्षांनंतर दिल्लीच्या सत्तेवर पुनरागमन केले आहे. 50 वर्षीय रेखा गुप्ता या दिल्लीच्या चौथ्या महिला मुख्यमंत्री बनल्या आहेत. त्यांच्या शपथविधी सोहळ्याला पंतप्रधान नरेंद्र मोदी आणि इतर मान्यवर उपस्थित होते. शपथविधीपूर्वी, रेखा गुप्ता यांनी मरघट वाले हनुमान मंदिरात दर्शन घेतले. रेखा गुप्ता यांच्यासोबत 6 मंत्र्यांनीही शपथ घेतली. यामध्ये प्रवेश वर्मा, आशिष सूद, मनजिंदर सिंग सिरसा, रवींद्र इंद्रराज सिंग, कपिल मिश्रा आणि पंकज कुमार सिंग यांचा समावेश आहे. भाजपशासित राज्यांचे मुख्यमंत्री आणि उपमुख्यमंत्री देखील या कार्यक्रमात उपस्थित होते.
शपथ घेण्यापूर्वी रेखा गुप्ता यांनी गुरुवारी सकाळी माध्यमांना सांगितले की, 'ही एक मोठी जबाबदारी आहे. माझ्यावर विश्वास दाखवल्याबद्दल मी पंतप्रधान मोदी आणि पक्षाच्या हायकमांडचे आभार मानते'. यासोबतच त्यांनी आपण शीश महलमध्ये राहणार नसल्याचेही सांगितले. दिल्लीच्या मुख्यमंत्र्यांच्या अधिकृत निवासस्थानाचे नाव भाजपने शीशमहाल ठेवले. अरविंद केजरीवाल यांनी ते बांधले होते. केजरीवाल यांनी नियमांचे उल्लंघन करून ते बांधण्यासाठी कोट्यवधी रुपये खर्च केल्याचा भाजपचा आरोप आहे. भाजपने तो निवडणुकीचा मुद्दाही बनवला होता. (हेही वाचा: Delhi New CM Rekha Gupta: जाणून घ्या कोण आहेत दिल्लीच्या नवीन मुख्यमंत्री रेखा गुप्ता; उद्या रामलीला मैदानावर पार पडणार शपथविधी समारंभ)
Rekha Gupta Delhi CM Oath:
BJP's first-time MLA Rekha Gupta takes oath as the Chief Minister of Delhi. Lt Governor VK Saxena administers her oath of office.
With this, Delhi gets its fourth woman CM, after BJP's Sushma Swaraj, Congress' Sheila Dikshit, and AAP's Atishi. pic.twitter.com/Eomgp9r1Rk
— ANI (@ANI) February 20, 2025
BJP's Parvesh Sahib Singh, Ashish Sood, Manjinder Singh Sirsa and Ravinder Indraj Singh take oath as ministers in CM Rekha Gupta-led Delhi Government. pic.twitter.com/pzOXHgqXu1
— ANI (@ANI) February 20, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 20, 2025 12:45 PM IST. For more news and updates on politics, world, sports, entertainment and lifestyle, log on to our website latestly.com).
