New Chief Justice of India: न्यायमूर्ती Sanjeev Khanna असणार भारताचे नवे सरन्यायाधीश; 11 नोव्हेंबर रोजी CJI म्हणून घेणार शपथ
न्यायमूर्ती संजीव खन्ना यांचा जन्म 14 मे 1960 रोजी झाला. त्यांनी दिल्ली विद्यापीठाच्या कॅम्पस लॉ सेंटरमधून कायद्याचे शिक्षण घेतले. पदवीनंतर त्यांनी 1983 मध्ये दिल्ली बार कौन्सिलमध्ये वकील म्हणून नोंदणी केली.
New Chief Justice of India: न्यायमूर्ती संजीव खन्ना यांची भारताचे पुढील सरन्यायाधीश म्हणून नियुक्ती करण्यात येणार आहे. कायदा मंत्री अर्जुन राम मेघवाल यांनी सांगितले की, न्यायमूर्ती संजीव खन्ना 11 नोव्हेंबर रोजी देशाचे पुढील सरन्यायाधीश म्हणून शपथ घेतील. ते देशाचे 51 वे सरन्यायाधीश असतील. न्यायमूर्ती संजीव खन्ना यांचा कार्यकाळ 6 महिन्यांचा असेल व ते 13 मे 2025 रोजी निवृत्त होतील. न्यायमूर्ती संजीव खन्ना हे सरन्यायाधीश डीवाय चंद्रचूड यांची जागा घेतील. भारताचे सरन्यायाधीश डीवाय चंद्रचूड यांनी त्यांचे उत्तराधिकारी म्हणून सर्वोच्च न्यायालयाचे ज्येष्ठ न्यायाधीश संजीव खन्ना यांच्या नावाची शिफारस केली होती. सरकारने मावळत्या सरन्यायाधीशांना पत्र लिहून मेमोरँडम ऑफ प्रोसिजरनुसार त्यांच्या शिफारसी पाठवण्यास सांगितले होते. भारताचे सरन्यायाधीश डीवाय चंद्रचूड दोन वर्षांच्या कार्यकाळानंतर 10 नोव्हेंबर रोजी निवृत्त होत आहेत.
दरम्यान, न्यायमूर्ती संजीव खन्ना यांचा जन्म 14 मे 1960 रोजी झाला. त्यांनी दिल्ली विद्यापीठाच्या कॅम्पस लॉ सेंटरमधून कायद्याचे शिक्षण घेतले. पदवीनंतर त्यांनी 1983 मध्ये दिल्ली बार कौन्सिलमध्ये वकील म्हणून नोंदणी केली. सर्वोच्च न्यायालयाचे न्यायाधीश बनण्यापूर्वी ते 14 वर्षे दिल्ली उच्च न्यायालयात न्यायाधीश होते. 2019 मध्ये त्यांची सर्वोच्च न्यायालयात नियुक्ती झाली. (हेही वाचा: SC Bar Association On New Lady Justice Statue: 'हा एकतर्फी निर्णय'; न्यायदेवतेच्या पुतळ्यात बदल केल्याप्रकरणी एससी बार असोसिएशनची नाराजी)
New Chief Justice of India:
Centre notifies the appointment of Justice Sanjeev Khanna as the next Chief Justice of India, effective from November 11th. His appointment follows the retirement of the current Chief Justice DY Chanderchud pic.twitter.com/tX6ZjjlPqS
— ANI (@ANI) October 24, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Oct 24, 2024 09:22 PM IST. For more news and updates on politics, world, sports, entertainment and lifestyle, log on to our website latestly.com).
