Forced Anal Sex: अपूर्ण गुदमैथुन हा देखील कलम 377 अंतर्गत गुन्हा, Calcutta High Court चे निरीक्षण

नुकतेच कलकत्ता उच्च न्यायालयाने एक महत्वाचे निरीक्षण नोंदवले की, अगदी थोड्या प्रमाणात जरी गुदमैथुन झाले असले तरी, ही गोष्ट भारतीय दंड संहितेच्या (IPC) कलम 377 (अनैसर्गिक अपराध) अंतर्गत गुन्हा आहे. न्यायालयाने या प्रकरणातील कलम 377 अन्वये गुन्हा आणि एका वैद्यकीय विद्यार्थ्याच्या लैंगिक छळाचे आरोप असलेले फौजदारी खटले रद्द करण्यास नकार दिला.

या प्रकरणामधील आरोपीवर कलम 377 अंतर्गत गुन्हा केल्याबद्दल आरोप ठेवण्यात आला होता. सर्वोच्च न्यायालयाच्या निर्णयानंतर अनैसर्गिक लैंगिक संबंधांमध्ये शिक्षा होऊ शकते. या प्रकरणातील दोन आरोपींपैकी एक असलेल्या डॉक्टरने आपले जबरदस्तीने कपडे उतरवले आणि सुमारे दोन तास आपल्यावर लैंगिक अत्याचार केल्याचा आरोप तक्रारदाराने केला होता. फिर्यादीने पुढे दावा केला की, दोन्ही आरोपींनी या घटनेबद्दल कोणाशीही बोलू नये अशी धमकी दिली होती. मात्र वैद्यकीय अहवालात पूर्ण प्रकारे गुदमैथुन झाल्याची कोणताही इजा किंवा पुरावा सापडला नसल्याचे समोर आले होते. यावर न्यायमूर्ती शम्पा दत्त (पॉल) यांनी म्हटले की, अपूर्ण गुदमैथुन हे देखील एक प्रकारचे मैथुन आहे आणि तोच आयपीसीच्या कलम 377 अंतर्गत गुन्हा ठरवणारा घटक असू शकतो.

Forced Anal Sex: Penetration, however little, is an offence under Section 377 IPC, rules Calcutta High Courthttps://t.co/RJla3JyB7k

— Bar & Bench (@barandbench) February 23, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 23, 2023 08:11 PM IST. For more news and updates on politics, world, sports, entertainment and lifestyle, log on to our website latestly.com).