NEET Result 2024 Controversy: नीट-यूजी 2024 मध्ये ग्रेस गुण मिळालेल्या 1,500 हून अधिक विद्यार्थ्यांच्या निकालांचे पुनर्मूल्यांकन होणार; शिक्षण मंत्रालयाने स्थापन केली समिती
शिक्षण मंत्रालयाने नीट परीक्षा आणि निकालातील हेराफेरीची चौकशी करण्यासाठी तक्रार निवारण समिती स्थापन करण्याची घोषणा केली आहे.
NEET Result 2024 Controversy: देशात NEET-UG 2024 च्या निकालांवर सुरू असलेल्या वादाच्या दरम्यान, नॅशनल टेस्टिंग एजन्सी (NTA) ने 1,500 हून अधिक उमेदवारांना दिलेल्या ग्रेस गुणांचे पुनर्मूल्यांकन करण्यासाठी चार सदस्यीय समिती स्थापन केली आहे. ही समिती आठवडाभरात आपला अहवाल सादर करणार आहे. नॅशनल टेस्टिंग एजन्सीच्या अधिकृत वेबसाइटवर 4 जून रोजी नीट परीक्षेचा निकाल जाहीर करण्यात आला. मात्र, त्यानंतर या निकालाबाबत अनेक विद्यार्थ्यांनी निकालात हेराफेरी झाल्याचा आरोप केला. निकालाद्वारे अनेक विद्यार्थ्यांना जास्त ग्रेस गुण देण्यात आल्याचे समोर आले. आता केंद्रीय शिक्षण मंत्रालयाने वैद्यकीय प्रवेश परीक्षा नीट 2024 मध्ये कथित हेराफेरीच्या आरोपांवर मोठा निर्णय घेतला आहे.
शिक्षण मंत्रालयाने नीट परीक्षा आणि निकालातील हेराफेरीची चौकशी करण्यासाठी तक्रार निवारण समिती स्थापन करण्याची घोषणा केली आहे. नॅशनल टेस्टिंग एजन्सीचे महासंचालक सुबोध सिंग म्हणाले की, शिक्षण मंत्रालयाने NEET-UG मध्ये ग्रेस गुण मिळालेल्या 1,500 हून अधिक उमेदवारांच्या निकालांची पुनर्तपासणी करण्यासाठी एक समिती स्थापन केली आहे. (हेही वाचा: QS World University Ranking: भारतामधील IIT Bombay आणि IIT Delhi चा जगातील टॉप-150 विद्यापीठांच्या यादीत समावेश; MIT पुन्हा एकदा प्रथम क्रमांकावर)
पहा पोस्ट-
Education ministry sets up panel to reexamine results of over 1,500 students awarded grace marks in NEET-UG: NTA DG Subodh Singh
— Press Trust of India (@PTI_News) June 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 08, 2024 05:15 PM IST. For more news and updates on politics, world, sports, entertainment and lifestyle, log on to our website latestly.com).
